Eksoda 5:14 - BIBELE Mahungu Lamanene

¹⁴ Vaisraele lava a va vekiwile hi vafambisi va mintirho ya Faro ku va tindhuna ta vatirhi, a va biwa, va vutisiwa leswaku hikwalaho ka yini va nga fikisanga ntsengo wa switina leswi va vekeriweke ku swi endla hi siku, ku fana ni khale.

Xitsonga (Bibele)

¹⁴ Vafambisi va vana va Israele lava vekiweke hi valanguteri va Faro, va biwa; a va ku eka vona: “A mi hetanga ha yini mitirho ya n'wina ya switina tolo ninamuntlha kukota khale xana?”

Eksoda 5:14 Referans Kwoze

Esaya 10:24

HOSI ya matimba hinkwawo, N'wini wa hinkwaswo, ú ri: “N'we vanhu va mina, n'wina mi akeke eSiyoni, Vaasiriya mi nga va chavi loko va mi ba hi nkhavi kumbe hi nhonga, kukota leswi Vaegipta va mi endleke swona.

Eksoda 5:6

Kutani hi siku rero, Faro a lerisa Vaegipta lava fambisaka mintirho, ni Vaisraele lava nga tindhuna emintirhweni ya kona, a ku:

Eksoda 5:13

Vafambisi va mintirho a va va sala hi le ndzhaku, va ku: “Hatlisani mi heta ntirho wa siku lowu mi nga pimeriwa wona, ku fana ni khale loko ma ha nyikiwa byanyi.”

Eksoda 5:15

Kutani tindhuna ta Vaisraele ti yisa swirilo swa tona eka Faro, ti ku: “Hikwalaho ka yini u khoma malandza ya wena hi ndlela leyi xana?

Eksoda 1:14

va va xanisa hi ku va nyika mintirho leyo tika ya ku pfuva ndzhope ni ku endla switina, va va nyika ni mintirho ya tinxaka-xaka ya le masin'wini. Emintirhweni leyi hinkwayo, a va va tirhisa hi tihanyi letikulu.