Eksoda 40:34 - BIBELE Mahungu Lamanene

³⁴ Kutani papa ri khubumeta Ntsonga lowo Hlawuleka, ku kwetsima ka HOSI Xikwembu ku tata Ntsonga.

Xitsonga (Bibele)

³⁴ Kutani papa ri funengeta Yindlu ya nhlengeletano, kutani ku kwetsima ka Yehovha ku tata Yindlu.

Eksoda 40:34 Referans Kwoze

Nhlavutelo 15:8

Tempele yi tala hi musi lowu tisiwaka hi ku kwetsima ni matimba ya Xikwembu. A ku ri hava ni un'we loyi a kotaka ku nghena eTempeleni, ku ko ku hela mintungu ya 7 leyi yi tisiweke hi tintsumi ta 7.

2 TIKRONIKA 7:2

Vaprista a va tsandzeka ku nghena eTempeleni, hikuva a yi tele hi ku vonakala ka HOSI Xikwembu.

Eksoda 29:43

Ndzi ta hlangana ni Vaisraele endhawini yoleyo, kutani ku kwetsima ka mina ku ta yi hlawulekisa.

Eksoda 14:24

Loko ri ya eku xeni, HOSI Xikwembu xi languta mavuthu ya Vaegipta xi ri epapeni leri nembeleleke ni le ndzilweni, kutani xi va hlanganisa tinhloko:

Levhitika 16:2

xi ku ka yena: “Byela makwenu Aroni leswaku ku ni siku leri a nga nghenaka ha rona exivandleni lexo hlawuleka ngopfu lexi pfariweke hi xisirhelelo, laha ku nga ni Areka ni xitshamu xa yona xa ndzivalelo; a nga tshuki a nghena minkarhi yin'wana, hikuva a nga ta fa loko ndzi humelela epapeni, ehenhla ka xitshamu xa ndzivalelo.

Eksoda 33:9

Loko Muxe a nghenile entsongeni, papa ri nembelela, ri fika ri yima enyangweni ya ntsonga, kutani HOSI Xikwembu xi vulavula na yena.

Nhlavutelo 21:3

Ndzi twa ni rito lerikulu leri humaka exiluvelweni ri ku: “Vonani, vuako bya Xikwembu byi le vanhwini. Xi ta aka na vona, kutani va ta va vanhu va xona; Xikwembu hi xoxe xi ta va na vona, xi va Xikwembu xa vona.

Hagayi 2:9

Ku dzuneka ka yindlu leya sweswi ku ta tlula ku dzuneka ka leyo sungula, ku vula mina HOSI ya matimba hinkwawo. Emutini lowu, ndzi ta simeka ku rhula loku hetisekeke evanhwini; ndzi vula sweswo, mina HOSI ya matimba hinkwawo.”

Hagayi 2:7

Ndzi ta tsekatsekisa ni tinxaka hinkwato ta vanhu, kutani mfuwo wa tinxaka leti hinkwato wu ta nghena haleno; ndzi ta tata yindlu ya mina hi rifuwo, ku vula mina HOSI ya matimba hinkwawo.

Esaya 6:4

Ku huwelela loku ka tintsumi a ku gudla-gudlisa swihukuva swa tinyangwa ta Tempele, kutani ku va ni musi lowu tataka Tempele hinkwayo.

2 TIKRONIKA 5:13

Kutani vachayi lava ni vayimbeleri lava hinkwavo va yimbelela risimu rin'we, va dzunisa ni ku tlangela HOSI Xikwembu, va ri karhi va mbvungunyisa tinanga, va bananisa swiphambatana, va chaya ni swichaya-chayani swin'wana, va vonga Xikwembu va ku: “HOSI yi ni vunene, rirhandzu ra yona hi leri nga heriki!” Kavaloko papa ri tata yindlu ya HOSI Xikwembu,

Eksoda 25:8

Kutani va ta ndzi endlela xivandla lexo hlawuleka leswaku ndzi ta tshama exikarhi ka vona.

Varhoma 9:4

Ndzi vula Vaisraele, vona lava va nga endliwa vana va Xikwembu, va nyikiweke ku kwetsima ka xona, ni mintwanano, ni Nawu, ni vukhongeri bya xiviri, ni switshembiso.

Tinhlayo 7:89

Loko Muxe a ya nghena eka Ntsonga lowo Hlawuleka ku ya vulavula na HOSI Xikwembu, a twa HOSI Xikwembu xi vulavula na yena, rito ra xona ri huma exikarhi ka Areka ya Ntwanano; kutani na yena a a vulavula na xona.

2 SAMIELE 7:6

Mina HOSI a ndzi si tshama endlwini, ku sukela enkarhini lowu ndzi humeseke Vaisraele etikweni ra Egipta, ku fikela namuntlha; ndzi rhendzelekile na vona hinkwako ndzi ri karhi ndzi tshama entsongeni.

Ezekiele 10:4

Kutani ku dzuneka ka HOSI Xikwembu ku suka endhawini ya kona ehenhla ka tikerubu, ku ya fika enyangweni ya Tempele. Yindlu ya kona yi khubumetiwa hi papa, kasi xivava xa Tempele xona xi tala hi ku dzuneka loku vangamaka ka HOSI Xikwembu.

Eksoda 16:10

Loko Aroni a ri karhi a vulavula ni ntshungu hinkwawo wa Vaisraele, va languta etlhelo ra mananga, kutani va vona ku kwetsima ka HOSI Xikwembu epapeni.

Pisalema 26:8

We HOSI, yindlu leyi u tshamaka eka yona ndzi yi rhandza ngopfu, yona leyi ku dzuneka ka wena ku tikombaka eka yona.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.