Eksoda 4:31 - BIBELE Mahungu Lamanene

³¹ Kavaloko Vaisraele va kholwa: Loko va twisisile leswaku HOSI Xikwembu xi tile eka vona hakunene, ni leswaku xi vonile ku xaniseka ka vona, va korhamela hansi va xi gandzela.

Xitsonga (Bibele)

³¹ Kutani tiko ri pfumela; va twa leswaku Yehovha u endzele vana va Israele, ni leswaku u langutile ku xaniseka ka vona; kavaloko va khinsama, va korhame hansi.

Eksoda 4:31 Referans Kwoze

Eksoda 3:18

Vakulukumba va Israele va ta pfumela leswi u nga ta va byela swona, kutani va ta ya na wena eka hosi ya Egipta, mi ku ka yona: ‘HOSI Xikwembu, xi nga Xikwembu xa Vaheveru, xi tikombile eka hina, kutani sweswi hi kombela ku teka riendzo ra masiku manharhu, hi ya emananga hi ya humesela HOSI Xikwembu xa hina emagandzelo.’

Luka 8:13

Timbewu leti nga wela emaribyeni, i vanhu lava amukelaka Rito hi ku tsaka siku va ri twaka, kambe va pfumala timitsu, va tiyisela nkarhinyana ntsena; kutani hi siku ra ndzingo va tlhelela ndzhaku.

Eksoda 12:27

mi ta va hlamula, mi ku: ‘Leri i gandzelo ra nkhuvo wa Paseka wo tlangela HOSI Xikwembu, hikuva xi hundzile ntsena xi nga khumbi tindlu ta Vaisraele le Egipta, loko xi ri karhi xi lovisa Vaegipta, kutani xi tsetselerile mindyangu ya hina.’ ” Kavaloko Vaisraele va nkhinsama hi matsolo, va khongela,

Eksoda 3:16

Famba u ya hlengeleta vakulukumba va Israele, u va byela leswaku mina HOSI Xikwembu xa vatata wa vona ndzi nga Xikwembu xa Abrahama, na Isaka, na Yakobo, ndzi tikombile eka wena; va byele leswaku ndzi tile ka vona hakunene; ni leswi vanhu va Egipta va va endlaka swona, ndzi swi vonile.

Eksoda 2:25

Xikwembu xi languta vanhu va Israele, kutani xi twisisa matshamelo ya vona.

Genesa 24:26

Hiloko lowa nandza a korhama a khongela HOSI Xikwembu,

1 TIKRONIKA 29:20

Kutani Davhida a vulavula ni nhlengeletano hinkwayo, a ku: “Tlangelani HOSI, Xikwembu xa n'wina!” Hiloko nhlengeletano hinkwayo yi tlangela HOSI, Xikwembu xa vatata wa vona, va korhamisa tinhloko va xi khongela, kutani va tiboha ku tirhela hosi ya tiko.

Eksoda 3:7

Kutani HOSI yi ku: “Ndzi vonile hilaha vanhu va mina lava nga tikweni ra Egipta va xanisiwaka hakona; ndzi twile ni swirilo swa vona hikwalaho ka vafambisi va mintirho, ndzi twisisa ku xaniseka loku va nga na kona.

Luka 1:68

“A ku dzunisiwe Hosi, Xikwembu xa Israele, hikuva xi endzerile tiko ra xona, xi ri kutsurile;

2 TIKRONIKA 20:18

Kutani Yoxafati a nkhinsama, a korhama, nhloko ya yena yi ko yi khumba hansi, na vona va ka Yuda hinkwavo ni vaaki va Yerusalema va nkhinsamela HOSI Xikwembu va xi gandzela.

Genesa 17:3

Hiloko Abrama a wela ehansi hi mombo, kutani Xikwembu xi ku ka yena:

Genesa 29:32

Kutani Leya a tika, a veleka n'wana wa mufana, a n'wi thya vito ra Rhuveni (hileswaku: “Vonani n'wana wa mufana”), hikuva a a ku: “HOSI Xikwembu xi vonile ku xaniseka ka mina; sweswi ndza tshemba leswaku nuna wa mina ú ta ndzi rhandza.”

Genesa 50:24

Kutani Yosefa a ku ka vamakwavo: “Ndzi le kusuhi ni ku fa, kambe Xikwembu xi ta ta xi ta mi kutsula, xi mi humesa etikweni leri, xi mi yisa etikweni leri xi ri tshembiseke Abrahama na Isaka na Yakobo.”

Eksoda 4:5

Xikwembu xi ku: “Leswi swi ta khorwisa Vaisraele leswaku ndzi tikombile eka wena, mina HOSI Xikwembu xa vatata wa vona, ndzi nga Xikwembu xa Abrahama, na Isaka, na Yakobo.”

Eksoda 14:31

Vaisraele va vona leswi HOSI Xikwembu xi swi endleke loko xi lwa ni Vaegipta hi matimba ya xona lamakulu, va xi chava ngopfu, kutani va pfumela eka xona ni le ka nandza wa xona Muxe.

Eksoda 19:8

Kutani vanhu hinkwavo va hlamula hi nomo wun'we, va ku: “Hinkwaswo leswi HOSI Xikwembu xi swi vuleke, hi ta swi endla.” Kutani Muxe a yisa nhlamulo leyi eka HOSI Xikwembu.

Eksoda 19:9

HOSI Xikwembu xi ku ka Muxe: “Sweswi ndzi ta ta eka wena ndzi ri epapeni lero dziva, leswaku ndzi ta vulavula na wena vanhu va ri karhi va swi twa; kutani va ta hamba va ku tshemba.” Kwalaho Muxe a vikela HOSI Xikwembu leswi vanhu va vuleke swona.

Eksoda 34:8

Kutani Muxe a korhamela hansi hi ku hatlisa, a khongela,

Rhuti 1:6

Loko a ha ri etikweni ra Mowabu, Nahumi a twa leswaku HOSI Xikwembu xi pfunile tiko ra xona, xi ri phamela swakudya. Hikokwalaho a longa a ri ni vingi va yena, leswaku va ta suka etikweni ra Mowabu.

Nehemiya 8:6

Ezra a dzunisa HOSI Xikwembu, xona Xikwembu lexikulu, kutani vanhu hinkwavo va hlamula va ku: “Amen! Amen!” va ri karhi va tlakusela mavoko ehenhla. Kutani va nkhinsama, va korhamela hansi va khongela HOSI Xikwembu.

Sofoniya 2:7

Tiko leri ri ta tekiwa hi va le Yuda lava poneke; va ta risela kona swifuwo swa vona; namadyambu va ta ya etlela etindlwini ta le Axikeloni, hikuva HOSI Xikwembu xa vona xi ta va tsetselela, xi tlhela xi va katekisa.

Eksoda 33:10

Kutani loko vanhu va vona papa rero enyangweni ya ntsonga, a va nkhinsama hinkwavo va khongela, un'wana ni un'wana a ri enyangweni ya nxaxa wa yena.

2 TIKRONIKA 7:3

Loko Vaisraele hinkwavo va vona leswaku ndzilo wu xikile hi le tilweni, ni leswaku ku vonakala ka HOSI Xikwembu ku tata Tempele, va nkhinsama mimombo ya vona yi ko yi khumba ehansi, va khongela ni ku tlangela Xikwembu, va ku: “HOSI yi ni vunene, rirhandzu ra yona hi leri nga heriki!”

2 TIKRONIKA 32:8

Senakeribi ú tisirhelela hi vanhu va nyama ni ngati, kasi loyi a yimaka na hina i HOSI Xikwembu xa hina! Xi ta hi pfuna, xi hi lwela enyimpini.” Kutani vanhu va sungula ku titwa va tiyile, loko va twa ku vulavula ka Hezekiya hosi ya Yuda.

Ntirho 1:20

Kavaloko Yobo a suka a yima, a handzulela swiambalo swa yena, a byewula ni misisi, kutani a nkhinsama a khongela,