Eksoda 4:16 - BIBELE Mahungu Lamanene

¹⁶ Aroni ú ta vulavula ematshan'wini ya wena, a va nomo wa wena eka vanhu, kutani wena u ta fana ni Xikwembu eka Aroni.

Xitsonga (Bibele)

¹⁶ U ta va muvulavuleri wa wena eka tiko, ni nomu wa wena, wena u va ematshan'weni ya Xikwembu eka yena.

Eksoda 4:16 Referans Kwoze

Eksoda 18:19

Sweswi, yingisa leswi ndzi ku byelaka swona; ndzi navela ku ku tsundzuxa, kutani Xikwembu a xi ve na wena! Wena u ta hamba u va muyimeri wa vanhu eka Xikwembu, u fikisa timhaka ta vona eka xona.

Pisalema 82:6

“Ndzi vurile leswaku n'wina mi swikwembu, ni leswaku hinkwenu mi vana va Loyi a nge henhla-henhla.

Eksoda 4:12

Hikokwalaho, famba sweswi! Mina ndzi ta ku pfuna ku vulavula; ndzi ta ku byela ni leswi u nga ta vula swona.”

Eksoda 4:30

Kutani Aroni a tivisa vanhu hinkwaswo leswi HOSI Xikwembu xi leriseke Muxe swona, a endla ni swikombiso emahlweni ka vona.

Yeremiya 36:32

Hiloko Yeremiya a teka buku yin'wana, a yi nyika Baruku n'wana Neriya matsalani wa yena. Kutani Baruku a tsala eka yona leswi Yeremiya a n'wi byeleke swona, ma nga marito hinkwawo lawa a ma ri ebukwini leyi hisiweke hi Yoyakimi hosi ya Yuda; kutani ku engeteleriwa marito man'wana layo tala, lama fambelanaka ni layo sungula.