Eksoda 39:7 - BIBELE Mahungu Lamanene

⁷ Va bohelela maribye lawa etingotini ta efodi ta le makatleni, leswaku ma ta va xikombiso xa tinyimba ta Israele, hilaha HOSI Xikwembu xi leriseke Muxe hakona.

Xitsonga (Bibele)

⁷ Kutani va ya veka emakatleni ya efodi, leswaku ma va maribye ya xitsundzuxo eka vana va Israele, hilaha Yehovha a nga lerisa Muxe hakona.

Eksoda 39:7 Referans Kwoze

Yoxuwa 4:7

mi ta va byela leswaku mati ya nambu wa Yordani ma avanile emahlweni ka Areka ya HOSI Xikwembu, loko Areka yi pela nambu wa Yordani; mati ya nambu lowu ma tsemekile ma nga ha khuluki. Kutani maribye lawa, ma ta va xitsundzuxo eka Vaisraele hilaha ku nga heriki.”

Eksoda 28:12

kutani mi ta bohelela maribye ya kona etingotini ta efodi ta le makatleni, leswaku ma ta va xikombiso xa tinyimba ta Israele; naswona Aroni ú ta rhwala mavito lawa emakatleni ya yena loko a ta emahlweni ka mina HOSI Xikwembu, ma ta ndzi tsundzuxa tinyimba leti.

Eksoda 28:29

Kutani loko Aroni a ta exivandleni lexo hlawuleka, ú ta rhwala mavito ya tinyimba ta Israele ma ri exincekaneni xa le xifuveni lexi ambariwaka loko ku avanyisiwa timhaka; mavito lawa ma ta va henhla ka mbilu ya yena, ku endlela leswaku mina HOSI Xikwembu ndzi tshama ndzi ri karhi ndzi ma tsundzuka.

Marka 14:9

Ndzi tiyisile ndzi ri ka n'wina: Emisaveni hinkwayo laha Evhangeli leyi yi nga ta twarisiwa kona, leswi a nga swi endla swi ta vuriwa na swona, a anakanyiwa ha swona.”

Nehemiya 2:20

Mina ndzi va hlamurile ndzi ku: “Xikwembu xa matilo, xi ta endla leswaku hi humelela entirhweni wa hina. Hina, hi malandza ya xona, kutani ntirho wo aka, hi ta wu sungula. Loko mi ri n'wina, a mi na nchumu laha Yerusalema, naswona a mi na fanelo ya ku va laha, ni ndzhaka mi hava.”

Eksoda 28:7

Efodi yi ta va ni tingoti timbirhi emakatleni, ti rhungeleriwa etinhleni ta yona leti timbirhi, leswaku yi ta bohiwa ha tona.