Eksoda 39:6 - BIBELE Mahungu Lamanene

⁶ Kutani va lunghisa maribye ya “onikisi” ya nkoka, va ma vekela eka swiangarhelo swa nsuku; maribye lawa a ma tsariwile mavito ya vana va Yakobo, ma kevetliwile wonge hi loko ku kevetliwa mimfungho.

Xitsonga (Bibele)

⁶ Kutani va teka maribye ya onikisi, va ma nameka etifukweni ta nsuku, va tsala eka wona mavito ya vana va Israele, hi mukhuva wa lava tsalaka emaribyeni.

Eksoda 39:6 Referans Kwoze

Eksoda 28:9

Kutani mi ta teka maribye mambirhi ya nkoka ya ‘onikisi’, mi ma kevetlela, mi tsala mavito ya vana va Yakobo va xinuna.

Ezekiele 28:13

A wu tshama entangeni wa mina wa le Edeni, u sasekisiwile hi maribye ya nkoka ya tinxaka-xaka, yo fana ni ‘sardiyo’, ni ‘topazi’, ni ‘dayimani’, ni ‘berila’, ni ‘onikisi’, ni ‘yaspere’, ni ‘safiri’, ni ‘emeralda’, ni ‘garnete’; swiangarhelo swa maribye lawa a swi ri swa nsuku lowu furiweke, swi lulamisiwile siku u tumbuluxiweke.

Ntirho 28:16

Byi ni nkoka ku tlula nsuku wa le Ofiri, byi tlula ni maribye yo saseka ya “Onikisi” ni ya “Safiri”.

Eksoda 35:9

maribye ya nkoka ya ‘onikisi’, ni lama nga ta vekeriwa engubyeni ya vuprista ya ‘efodi’ ni le xincekaneni xa le xifuveni.”

Eksoda 25:7

ni maribye ya nkoka ya ‘onikisi’, ni lama nga ta vekeriwa engubyeni ya vaprista ya ‘efodi’ ni le xincekaneni xa vona xa le xifuveni.

Eksoda 28:11

Mi ta kevetla mavito ya vana va Yakobo emaribyeni lawa mambirhi, tanihi munhu loyi a kevetlelaka maribye ya nkoka a endla mimfungho; kutani mi ta vekela maribye lawa eka swiangarhelo swa nsuku,

Eksoda 28:12

kutani mi ta bohelela maribye ya kona etingotini ta efodi ta le makatleni, leswaku ma ta va xikombiso xa tinyimba ta Israele; naswona Aroni ú ta rhwala mavito lawa emakatleni ya yena loko a ta emahlweni ka mina HOSI Xikwembu, ma ta ndzi tsundzuxa tinyimba leti.

Eksoda 39:5

Vamba ro tiyisa ni ku boha efodi va ri rhunga ku fana na yona, hi voya bya muhlovo wa nsuku, ni wa rihlaza ra tilo, ni wa xivunguvungu, ni lowo tshwuka, ni ntsembyani wo saseka lowu lukiweke; va ri endla hilaha HOSI Xikwembu xi leriseke Muxe hakona.