Eksoda 39:30 - BIBELE Mahungu Lamanene

³⁰ Kutani va fula nsuku lowo tenga wo vekela eharhini leyo hlawuleka wu va xiphepherhele, va tsala eka wona marito lama nge: “La hlawuleriweke HOSI”, ku fana ni loko ku kevetliwa mfungho.

Xitsonga (Bibele)

³⁰ Va endla hi nsuku lowonene xiphepherhele, lowu nga musingasoro wo kwetsima, kutani va tsala henhla ka xona, hi mukhuva wa ku tsala mafungo, mhaka leyi: Ku kwetsima ka Yehovha.

Eksoda 39:30 Referans Kwoze

Nhlavutelo 5:10

U va endlile tiko, ni ku va vaprista lava tirhelaka Xikwembu xa hina, kutani va ta va tihosi emisaveni.”

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Vaheveru 1:3

Hi yena loyi ku kwetsima ka Xikwembu ku tikombaka eka yena, kutani ú tekelele leswi Xikwembu xi nga swona hi xiviri xa xona; naswona ú tamele ntumbuluko hinkwawo hi rito ra yena ra matimba. Loko a hlantswile swidyoho swa vanhu, ú tshamile evokweni ra xinene ra Loyi a nga ni vukulu hinkwabyo, ehenhla matilweni,

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

Zakariya 14:20

Hi siku rolero, hambi swi ri swingelengele swa tihanci swi ta tsariwa marito lama nge: “Lexi xi hlawuleriwe HOSI!” Na tona timbita to sweka ha tona eTempeleni, ti ta va ti hlawulekile ku fana ni minkambana leyo hlawuleka leyi va yi tirhisaka alitarini;

Eksoda 26:36

“Mi ta endla xisirhelelo xo pfala nyangwa ya Ntsonga hi voya bya muhlovo wa rihlaza ra tilo, ni wa xivunguvungu, ni lowo tshwuka ni ntsembyani wo saseka lowu lukiweke, lowu rhungeleriweke mavalavala.

Eksoda 39:29

va rhunga ni vamba hi ntsembyani wo saseka lowu lukiweke, ni voya bya muhlovo wa rihlaza ra tilo, ni wa xivunguvungu, ni lowo tshwuka, va ri rhungelela mavalavala, hilaha HOSI Xikwembu xi leriseke Muxe hakona.

Eksoda 39:31

Va bohelela ngoti ya rihlaza ra tilo eka nsuku lowu wa xiphepherhele, leswaku va ta wu khomisa ha yona exihukwini, hilaha HOSI Xikwembu xi leriseke Muxe hakona.