Eksoda 39:27 - BIBELE Mahungu Lamanene

²⁷ Va rhunga ni tihembe leti lukiweke hi ntsembyani wo saseka, va rhungela Aroni ni vana va yena;

Xitsonga (Bibele)

²⁷ Kutani va endlela Aroni ni vana va yena tinguvu leti lukiweke hi ntsembyana lowo saseka;

Eksoda 39:27 Referans Kwoze

Ezekiele 44:18

Va ta tifunengeta tinhloko hi swihuku swa ntsembyani, va ambala ni swiburukwana swa ntsembyani, kambe a va nga tikhami hi mavamba, ku endlela leswaku va nga twi ku hisa va dzuka nyuku.

1 Petro 1:13

Hikokwalaho, pfukani emiehleketweni! Tikhomeni! Vekani ku tshemba ka n'wina hinkwako ehenhla ka tintswalo leti mi nga ta kombiwa tona, siku Yesu Kriste a nga ta humelela.

Vagalatiya 3:27

Hinkwenu lava mi nga khuvuriwa eka Kriste, mi ambarile Kriste.

Varhoma 13:14

kambe mi ambala Hosi Yesu Kriste, kutani mi nga tsetseleri swa ntumbuluko wa n'wina wa laha misaveni, hi ku wu kolwisa eku naveleni ka wona.

Varhoma 3:22

Hileswaku Xikwembu xi endla vanhu va va lavo lulama hi ku pfumela ka vona eka Yesu Kriste; xi endla leswi eka hinkwavo lava pfumelaka, hikuva a ku na ku hambana:

Esaya 61:10

Ndzi ta titsakela swinene eka HOSI Xikwembu xanga, moya wanga wu ta xi tlangela, hikuva matimba ya xona ya ku ndzi ponisa i xiambalo xa mina, ni ntirho wa xona wa ku ndzi lwela i nceka lowu ndzi tifunengetaka ha wona. Ndzi tsaka kukota muteki la tikhavisaka hi swiluva, kukota mutekiwa la tibombisaka hi vuhlalu bya nkoka.

Levhitika 8:13

Kutani Muxe a vitana vana va Aroni, a va ambexa tihembe, a va khama hi mavamba, a va boha swihuku leswitsongo etinhlokweni, hilaha HOSI Xikwembu xi n'wi leriseke hakona.

Eksoda 39:26

Loko va vekela xingelengele xa nsuku, a va landzisa hi xifaniso xa xihenge, sweswo-sweswo ku rhendzeleka ni nguvu leyi ya ntirho wa vuprista, hilaha HOSI Xikwembu xi leriseke Muxe hakona.

Eksoda 39:28

va rhunga xihuku lexikulu ni swihuku leswitsongo hi ntsembyani lowo saseka, ni swiburukwana hi ntsembyani wo saseka lowu lukiweke;

Levhitika 6:10

Muprista ú fanele ku ambala hembe ya yena ya ntsembyani ni xiburukwana xa ntsembyani xo tisiva ha xona, a teka nkuma lowu saleke alitarini loko ku hisiwa magandzelo, a wu chela kusuhi ni alitari.

Ezekiele 44:17

“Loko Vaprista va nghena etinyangweni ta xivava xa le ndzeni emahlweni ka Tempele, va ta va va ambarile swiambalo swa ntsembyani; va nga tshuki va ambala leswi lukiweke hi voya bya tinyimpfu, loko va ri karhi va tirha etinyangweni ta xivava xa le ndzeni, kumbe endzeni ka Tempele.

Eksoda 28:36

“Mi ta fula nsuku lowo tenga wu va xiphepherhele, eka xona mi kevetla marito lama nge: ‘La hlawuleriweke HOSI’, ku fana ni loko ku kevetliwa mfungho.