Eksoda 38:3 - BIBELE Mahungu Lamanene

³ Kutani a endla swingolongondzwana hinkwaswo swa alitari, ti nga timbita, ni minkombe, ni minkambana, ni tiforoko, ni timbita ta ku oka ndzilo; swingolongondzwana leswi hinkwaswo a swi endla hi koporo.

Xitsonga (Bibele)

³ A endla ni swibya hinkwaswo swa alitari; a ti ri timbita, ni tifoxolo, ni mindzheko, ni tintlhavo, ni timbita ta makala; a endle swibya leswi hinkwaswo hi koporo.

Eksoda 38:3 Referans Kwoze

1 SAMIELE 2:13

Mikhuva ya vaprista lava eka vanhu a yi ri leyi: Loko munhu a ri eku humeseni ka gandzelo, nandza wa muprista a a ta a tamerile foroko ya meno manharhu, loko nyama yi ri karhi yi swekiwa,

Eksoda 27:3

Mi ta endlela alitari timbita to kangatela nkuma wa magandzelo, mi yi endlela ni minkombe, ni minkambana, ni tiforoko, ni timbita ta ku oka ndzilo; swingolongondzwana leswi hinkwaswo swa alitari, mi ta swi endla hi koporo.

Eksoda 38:2

Etinhleni ta yona leta mune a vekela timhondzo ti khomana na yona, kutani a nameka koporo eka yona.

Eksoda 38:4

Naswona a lukela alitari eritavala ra koporo, a ri vekela hi hala hansi ka alitari emakumu ka yona, ri tlakuka ri ya ehenhla ku ya fika exikarhi ka yona.

2 TIKRONIKA 4:2

Kutani a n'okisa koporo, a vumba ha yona nhlambeto leyikulu ya xirhendzevutana leyi a va ku i “Lwandle”. Mpandzo wa yona a wu ri 5 m, yi lehile 2,50 m ku ya henhla; ndzhendzeleko wa yona a wu ri mpimo wa ngoti ya 15 m.

2 TIKRONIKA 4:16

Timbita, ni minkombe, ni tiforoko, ni swingolongondzwana hinkwaswo swa Tempele, leswi Huramu-Abi a swi vumbeke hi ku lerisiwa hi hosi Solomoni, a swi ri swa koporo leyi vangamisiweke.