Eksoda 38:24 - BIBELE Mahungu Lamanene

²⁴ Nsuku hinkwawo lowu hlengeriweke ntirho wa ku aka xivandla lexo hlawuleka, wu endlile 1 198 kg, hi ku ya hi ntiko wo pima ha wona wa le xivandleni lexo hlawuleka.

Xitsonga (Bibele)

²⁴ Nsuku hinkwawo lowu va nga endla ha wona ntirho hinkwawo wa yindlu leyo kwetsima, a wu ri nsuku lowu nga nyikiwa, a wu ri wa mpimo wa titalenta ta 29; ni tixikele ta 700, hi mpimo wa xikele ya vukwetsimelo.

Eksoda 38:24 Referans Kwoze

Tinhlayo 18:16

U ta swi kutsula swa ha ri ni n'hweti yin'we, kutani nxavo lowu swi nga ta kutsuriwa ha wona wu ta va mali ya silivhere ya 60 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka.

Tinhlayo 3:47

u ta lava silivhere ya 60 g hi munhu, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka.

Levhitika 27:25

Mali yo kutsula ha yona yi fanele ku vekiwa hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka.

Hagayi 2:8

Silivhere i ya mina, ni nsuku i wa mina; ndzi vula sweswo, mina HOSI ya matimba hinkwawo.

Levhitika 27:3

Loko ku tisiwa wanuna wa malembe ya le xikarhi ka 20 na 60, mali yo kutsula yi ta va tisilivhere ta 50.

Levhitika 5:15

“Munhu a nga tshuka a dyoha, kambe ku nga ri ha vomu, a rivala ku humesela mina Hosi mihlengo leyo hlawuleka. Munhu wo tano, ú fanele ku humesa rin'wana ra makhuna ya ntlhambi wa yena leri nga solekiki, ra nxavo lowu vekiwaka hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka; ú ta ta ni khuna leri, ri va gandzelo ro riha nandzu wa yena.

Eksoda 35:22

Ku ta vavanuna ni vavasati, hinkwavo va ri lava tinyiketeke hi mbilu yo basa, va tisa swipereta, ni swingwavila swa le tindleveni ni swa le tintihweni, ni masindza, ni swilo swa tinxaka-xaka swa nsuku; un'wana ni un'wana a nyiketa nhlengo wa yena wa nsuku, yi va nyiko leyo hlawuleka eka HOSI Xikwembu.

Eksoda 30:24

ni murhi wa ‘kasiya’ wa 6 kg, hi ku ya hi ntiko wo pima ha wona lowu hlayisiwaka exivandleni lexo hlawuleka, ni tinghotsa timbirhi ta mafurha ya murhi wa mutlhwari.

Eksoda 29:24

Swilo leswi hinkwaswo, u ta swi khomisa Aroni ni vana va yena, u va byela ku ndzi widzela swona, yi va nyiko leyo hlawuleka ya mina HOSI Xikwembu.

Eksoda 25:2

“Vulavula ni Vaisraele leswaku va ndzi humesela nhlengo; mi ta wu hlengeleta wu huma eka vanhu hinkwavo lava tinyiketaka ku ndzi humesela wona hi mbilu yo basa.