Eksoda 38:19 - BIBELE Mahungu Lamanene

¹⁹ Xisirhelelo lexi a xi seketeriwa hi timhandze ta mune; minkotloto ya tona ya mune a yi ri ya koporo; swikhweketo swona swi ri swa silivhere; tinhloko ta timhandze leti ni timbalelo ta tona a ti namekiwile silivhere.

Xitsonga (Bibele)

¹⁹ Timhandze ta mune ta yona, ni switshamo swa tona swa mune a swi ri swa koporo; timhingu ta tona a ti ri ta silivhere, ni swifunengeto swa tinhloko ta tona a swi ri swa silivhere.

Eksoda 38:19 Referans Kwoze

Eksoda 27:10

Swisirhelelo leswi swi ta va ni timhandze ta 20 to seketela xivava, ni minkotloto ya tona ya 20 ya koporo, kambe swikhweketo swa le timhandzeni ni timbalelo ta tona swi ta va swa silivhere.

Eksoda 38:18

Xisirhelelo xo pfala nyangwa ya xivava a xi rhungeleriwile mavalavala hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani wo saseka lowu lukiweke; xisirhelelo lexi a xi lehile 10 m; lomu matlhelo a xi ri 2,50 m ku ya ehenhla, xi ringana ni swisirhelelo swa xivava.

Eksoda 38:20

Swikhomiso hinkwaswo swa Ntsonga ni swa xivava ematlhelweni hinkwawo, a swi ri swa koporo.

1 TIHOSI 7:16

Kutani Hiramu a vumba leswi fanaka ni swidlodlo swimbirhi leswikulu swa koporo leyi n'okisiweke, a swi tlhandleka ehenhla ka tiphuphu letimbirhi; xidlodlo xin'wana ni xin'wana a xi ri 2,50 m ku ya ehenhla.