Eksoda 37:9 - BIBELE Mahungu Lamanene

⁹ Tikerubu a ti tlharamulerile timpapa ta tona ehenhla, ti sirhelela xitshamu xa ndzivalelo, ti langutanile, xitshamu xa ndzivalelo xi ri exikarhi.

Xitsonga (Bibele)

⁹ Tikerubu a ti tshambuluta timpapa ta tona ehenhla, ti funengeta vukhongelelo hi timpapa ta tona, ti ri karhi ti langutene; mimombo ya tikerubu a yi languta vukhongelelo.

Eksoda 37:9 Referans Kwoze

1 Petro 1:12

Va kombisiwile hi ku hlavuteriwa leswaku a va nga titirheli, kambe a va tirhela n'wina, eka swilo leswi mi tivisiweke swona sweswi. Mi tivisiwile swilo swa kona hi lava va twariseke Mahungu Lamanene eka n'wina, hi Moya lowo Kwetsima lowu rhumeriweke hi le tilweni. Swilo swa kona, tintsumi na tona ta navela ku swi hlometela.

Vaheveru 1:14

Xana tintsumi hinkwato a hi mimoya leyi tirhelaka Xikwembu, leyi rhumiweke ku pfuna vanhu lava fanelaka ku kuma ku ponisiwa xana?

1 Timotiya 3:16

Hakunene, hi nga tiyisa leswaku xihundla xa vukhongeri bya hina i xikulu: “Ú vonakisiwile a ri munhu, ú vuriwile la lulameke emoyeni, ú voniwile hi tintsumi; ú twarisiwile ematikweni, ú pfumeriwile emisaveni, a tekeriwa henhla eku kwetsimeni.”

Vafilipiya 3:8

Ku nga ri swona ntsena: Ndzi tekile hinkwaswo swi ri leswi nga ha pfuniki nchumu, loko swi ringanisiwa ni risima leri tlulaka hinkwaswo ra ku tiva Kriste Yesu Hosi ya mina. Hikwalaho ka yena, ndzi fularhele hinkwaswo ndzi swi vona swi ri thyaka ntsena, leswaku ndzi ta kuma Kriste,

Vaefesa 3:10

leswaku eminkarhini ya sweswi, hi ku tirhisa kereke, xi ta tivisa vutlhari bya xona hi matlhelo hinkwawo ya byona eka mimoya ya vundhuna ni ya matimba ehenhla matilweni.

2 Vakorinto 3:18

Hina hinkwerhu lava kombaka ku vangama ka Hosi ku fana ni xivoni, hi mimombo leyi fununguriweke, hi hundzukile lava fanaka na yena, hi ku vangama loku ngangamukaka ku ya emahlweni. Hosi yi endlile sweswo, yona yi nga Moya.

Yohane 1:51

A engeta a ku ka yena: “Ndzi tiyisisile ndzi ri ka n'wina: Mi ta vona tilo ri pfulekile, ni tintsumi ta Xikwembu ti ri karhi ti tlhandlukela ehenhla ni ku xikela eka N'wana-wa-Munhu.”

Esaya 6:2

A a rhendzeriwe hi tintsumi leti vuriwaka “tiserafi”, yin'wana ni yin'wana yi ri ni timpapa ta 6; timpapa timbirhi a ti ri to funengeta xikandza, timbirhi to funengeta miri, timbirhi to haha ha tona.

Eksoda 25:20

ti ta tlharamulela timpapa ta tona ehenhla, ti sirhelela xitshamu xa ndzivalelo, ti langutanile, xitshamu xa ndzivalelo xi ri exikarhi.

Genesa 28:12

Kutani a lorha ku ri na phandze leri dzimiweke emisaveni, makumu ya rona ma dliva tilo. Kutani a vona tintsumi ta Xikwembu, tin'wana ti ri karhi ti xika tin'wana ti ri karhi ti khandziya!

Genesa 3:24

HOSI Xikwembu xi hlongola munhu entangeni wa Edeni, kutani evuxeni bya ntanga lowu xi veka tikerubu ni fumu leri vangamaka, ri tshama ri ri karhi ri rhendzeleka-rhendzeleka, swi rindza ndlela yo ya emurhini lowu nyikaka vutomi.

Eksoda 37:8

kerubu yin'we etlhelweni rin'wana na rin'wana; tikerubu leti, a ti endla ti khomana ni xitshamu xa ndzivalelo hi le makumu ka xona.

Eksoda 37:10

Kutani a endla tafula ra Xinkwa lexo Hlawuleka hi mapulangi ya murhi wa munga, ri va ni mimpimo leyi: 100 cm ku leha, ni 50 cm ku anama, ni 75 cm ku ya ehenhla,

1 TIHOSI 6:27

Solomoni a veka tikerubu exivandleni xa le ndzeni ka Tempele. Timpapa ta tona a ti pfulekile: Ripapa ra kerubu yin'we a ri khumbana na khumbi ra tlhelo rin'we, kutani ripapa ra kerubu leyin'wana a ri khumbana na khumbi ra tlhelo lerin'wana. Letin'wana timpapa a ti hlangana exikarhi ka xivandla xa le ndzeni ka Tempele.