Eksoda 37:22 - BIBELE Mahungu Lamanene

²² Swihluke leswi ni marhavi lawa a swi khomanile ni nsinya wa xitlhoma-timboni; xitlhoma-timboni a xi endliwile hi nsuku lowo tenga lowu furiweke.

Xitsonga (Bibele)

²² Tinungu ni marhavi a swi huma eka yona; byi ri vumba byin'we bya nsuku lowu kwetsimaka, lowu furiweke.

Eksoda 37:22 Referans Kwoze

Vakolosa 3:5

Loko swi ri tano, dlayani leswi swi nga swa misava eka n'wina, hileswaku vuoswi, ni swa thyaka, ni ku hisekela swa tingana, ni ku navela loko biha, ni makwanga, ku nga ku gandzela swikwembu swa hava.

1 Vakorinto 9:27

kambe ndzi xanisa miri wa mina, ndzi wu endla hlonga, leswaku ndzi nga kumeki ndzi ri la tsandzekaka, endzhaku ka loko mina ndzi ta va ndzi dyondzisile van'wana.

Esaya 5:10

Etindzimeni ta khume ta vhinya, ku ta huma vhinyo yo tata khuwana rin'we ntsena; saka ra mbewu ri ta humesa ntshovelo wa xirhundzu xin'we ntsena!”

Pisalema 51:17

We Xikwembu, ganzelo leri u ri amukelaka i moya lowu vavisekeke; we Xikwembu, mbilu leyi tlhavekeke, leyi nga ni gome, a wu nga yi fularheli.

Eksoda 25:31

“Kutani mi ta endla xitlhoma-timboni hi nsuku lowu tengeke; tshaku ra xona ni nsinya wa xona mi swi fula hi nsuku, mi endla ni swimbitana leswi sasekisiweke hi swihluke ni matluka ya swiluva, mi swi khomanisa ni xitlhoma-timboni.

Eksoda 25:36

Swihluke leswi ni marhavi lawa swi ta khomanisiwa ni nsinya wa xitlhoma-timboni; xitlhoma-timboni hinkwaxo xi ta endliwa hi nsuku lowo tenga lowu furiweke.

Eksoda 37:21

Ehansi ka lomu marhavi mambirhi ya xitlhoma-timboni ma hlanganaka kona ni nsinya wa xona, a ku ri ni xilo lexi fanaka ni xihluke, xi khomanile ni nsinya.

Eksoda 37:23

Kutani a endla timboni ta 7 ta xitlhoma-timboni, ni swikero swa xona ni timbita ta xona, hi nsuku lowo tenga.