Eksoda 36:5 - BIBELE Mahungu Lamanene

⁵ va fika va ku ka yena: “Vanhu va tisa swilo leswo tala ku tlula leswi swi lavekaka entirhweni lowu HOSI Xikwembu xi hi leriseke ku wu endla!”

Xitsonga (Bibele)

⁵ “Tiko ri tisile ku hundzisa leswi ringanaka ntirho lowu Yehovha a leriseke leswaku wu endliwa.”

Eksoda 36:5 Referans Kwoze

2 TIKRONIKA 24:14

Loko va hetile, va tisa mali leyi saleke, va yi veka emahlweni ka hosi Yowasi ni muprista Yoyada. Kutani vona va yi tirhisa ku endla swibya swa Tempele, swo humesa ha swona magandzelo ni swo hisela mirhi ya risuna eka swona, ni swibya swin'wana swa nsuku ni silivhere. Kutani malembe hinkwawo loko Yoyada a ha hanya, magandzelo lama hisiwaka a ma humesiwa siku rin'wana ni rin'wana eTempeleni.

Vafilipiya 2:21

Lavan'wana hinkwavo va chivirikela ntsena leswi nga swa vona, ku nga ri swa Yesu Kriste.

Eksoda 32:3

Kavaloko vanhu hinkwavo va anyuletela swingwavila swa nsuku leswi a swi ri tindleveni ta vona, va swi yisa eka Aroni.

Eksoda 36:4

Hiloko vatirhi hinkwavo lava tivaka ntirho lava a va ri entirhweni exivandleni lexo hlawuleka, va suka lomu a va tirha kona, va ta eka Muxe,

Eksoda 36:6

Hiloko Muxe a rhumela xileriso emixaxeni hinkwayo, a ku: “Ku nga vi na loyi a ha tikarhatelaka ku humesa nhlengo wa xivandla lexo hlawuleka, hambi a ri wanuna kumbe wansati.” Kutani a yimisa vanhu ku tisa mihlengo.