Eksoda 36:4 - BIBELE Mahungu Lamanene

⁴ Hiloko vatirhi hinkwavo lava tivaka ntirho lava a va ri entirhweni exivandleni lexo hlawuleka, va suka lomu a va tirha kona, va ta eka Muxe,

Xitsonga (Bibele)

⁴ Kutani vavanuna hinkwavo lava tirhaka mitirho hinkwayo ya vukwetsimelo va tshika ntirho lowu va wu tirhaka va ta eka Muxe va ku:

Eksoda 36:4 Referans Kwoze

1 Vakorinto 3:10

Hi tinyiko leti Xikwembu xi ndzi aveleke tona, mina ndzi vekile masungulo kukota muaki lowo tlhariha; sweswi un'wana ú aka ehenhla ka wona. Munhu un'wana ni un'wana a a ake ehenhla ka wona hi ku xiyaxiya.

Luka 12:42

Yesu a hlamula a ku: “Xana mulanguteri lowo tshembeka wa vutlhari i mani xana? Hi loyi n'wini wa yena a nga ta n'wi kuma a ri karhi a hlayisa malandza laman'wana, a ma avela swakudya hi nkarhi wa kona, hikuva hi wona ntirho lowu a nyikiweke wona. Mulanguteri yoloyi ú ta va a katekile, siku n'wini wa yena a vuyaka.

Matewu 24:45

“Xana nandza la tshembekaka, wo tlhariha, hi wihi xana? Hi loyi n'wini wa yena a n'wi vekeke ku hlayisa malandza laman'wana la mutini, a ma phamela swakudya hi nkarhi wa kona.

2 TIKRONIKA 24:13

Hiloko lava thoriweke va tinyiketa entirhweni wa ku pfuxa Tempele, kutani yindlu leyi ya Xikwembu yi tlhela yi kuma xiyimo xa yona xa khale, yi tiya swinene.

Eksoda 36:3

Kwalaho Muxe a veka emavokweni ya vona mihlengo hinkwayo leyi Vaisraele va yi humeseke, leswaku yi ta pfuna entirhweni wa ku endla xivandla lexo hlawuleka, kambe Vaisraele a va ya emahlweni va tisa mihlengo ya vona eka Muxe, mpundzu wun'wana ni wun'wana.

Eksoda 36:5

va fika va ku ka yena: “Vanhu va tisa swilo leswo tala ku tlula leswi swi lavekaka entirhweni lowu HOSI Xikwembu xi hi leriseke ku wu endla!”