Eksoda 34:6 - BIBELE Mahungu Lamanene

⁶ Kutani xi hundza hi le mahlweni ka Muxe, xi ri karhi xi huwelela, xi ku: “HOSI, HOSI, Xikwembu lexi twelaka vanhu vusiwana ni ku va tsetselela, lexi hlwelaka ku kariha, lexi taleke tintswalo ni ku tshembeka,

Xitsonga (Bibele)

⁶ Kutani Yehovha a hundza emahlweni ka yena, a ku: “Yehovha, Yehovha, Xikwembu xa tintswalo ni vunene, lexi hlwelaka ku kariha, lexi teleke tintswalo ni ku tshembeka,

Eksoda 34:6 Referans Kwoze

Pisalema 86:15

Kambe wena N'wini wanga, u Xikwembu lexi twelaka vanhu evusiwana; wa va tsetselela, u hlwela ku kariha, u tele tintswalo ni ku tshembeka.

Yuwele 2:13

Handzulani timbilu ta n'wina, ku nga ri swiambalo. Tlhelelani eka HOSI Xikwembu xa n'wina, hikuva xa tsetselela, xi twela vusiwana, xi hlwela ku kariha, xi tele tintswalo, xa tlhela emakungwini ya xona ya ku twisa vanhu ku vava.

Pisalema 145:8

HOSI Xikwembu xi ni tintswalo, xi twela vanhu vusiwana, hi rirhandzu ra xona lerikulu xi va lehisela mbilu.

Nehemiya 9:17

Va arile ku ku yingisa, va nga tsundzuki swihlamariso leswi u swi endleke exikarhi ka vona; va tinonon'hwisile, va tihlawulela munhu loyi a nga ta va rhangela leswaku va tlhelela evuhlongeni etikweni ra Egipta. Hambiswiritano, wena Xikwembu lexi tshamaka xi tiyimisele ku rivalela, a wu va tshikanga, hikuva u tele ku tsetselela ni ku twela vusiwana; u hlwela ku kariha, naswona u tele tintswalo.

Yonasi 4:2

kutani a khongela HOSI Xikwembu a ku: “HOSI, xana a ndzi vulanga loko ndza ha ri ekaya xana? Ndzi ringete ku swi sivela, loko ndzi balekela eTarxixi, hikuva a ndzi swi tiva leswaku u Xikwembu lexi tsetselelaka vanhu ni ku va twela vusiwana, lexi hlwelaka ku kariha, lexi teleke tintswalo, lexi tlhelaka emakungwini ya xona yo twisa vanhu ku vava.

Pisalema 86:5

U ni vunene we N'wini wanga, naswona wa rivalela, hinkwavo lava va ku khongelaka wa va rhandza.

2 TIKRONIKA 30:9

Loko mi vuyela eka xona, na vona vamakwenu ni vana va n'wina lava yisiweke evukhumbini, va ta tsetseleriwa hi lava va va khomeke, va pfumeleriwa ku vuya haleno. HOSI Xikwembu xa n'wina xi ni tintswalo, xi twela vanhu vusiwana; loko mi vuyela eka xona, xi nga ka xi nga mi fularheli.”

Mikiya 7:18

We HOSI, xana xi kona xikwembu xin'wana lexi fanaka na wena xana? Vanhu lava nga masalela ya ndzhaka ya wena, wa va rivalela milandzu ya vona, a wu hlayeli leswaku va tiarise kangani. Loko u hlundzukile, vukari bya wena byi hatla byi rhelela, hikuva u tsakela ngopfu ku hi komba tintswalo ta wena leto tshembeka.

Duteronoma 5:10

kambe ndzi komba rirhandzu ra mina leri tshembekaka ku fika eka rixaka ra madzana-dzana ra lava va ndzi rhandzaka, lava hlayisaka milawu ya mina.

Pisalema 138:2

Ndzi nkhinsama emahlweni ka Tempele ya wena leyo hlawuleka, ndzi ri karhi ndzi tlangela vito ra wena, hikuva u ni rirhandzu, wa tshembeka; leswi u swi tirheke swi tlula hinkwaswo leswi a hi swi languterile eka wena.

Pisalema 116:5

HOSI Xikwembu xa hina xi ni vunene, xi tsetselela vanhu, xi va twela vusiwana,

Pisalema 108:4

hikuva rirhandzu ra wena i rikulu ku tlula matilo, ku tshembeka ka wena ku dliva ni mapapa.

Varhoma 2:4

Kumbe, xana u sola vukulu bya nsovo wa xona, ni bya ku tsetselela ka xona, ni bya mbilu ya xona yo leha ngopfu, u nga tivi leswaku vunene lebyi bya Xikwembu byi ku kokotelela eku hundzukeni, xana?

Pisalema 111:4

HOSI Xikwembu xi tsundzuxa vanhu mahlori ya xona, xi ni tintswalo, xi twela vanhu vusiwana;

Pisalema 112:4

Eminkarhini ya makhombo, munhu loyi ú famba eku vonakaleni, ú ni tintswalo, ú twela vusiwana, a hi ku lulama ka yena!

Pisalema 57:10

hikuva rirhandzu ra wena i rikulu, ri dliva ni le tilweni, ku tshembeka ka wena ku ringana ni mapapa hi ku tlakuka.

Eksoda 22:27

hikuva hi wona nkumba wa yena, ú sirhelela miri wa yena ha yona; xana ku nga va ni xin'wana lexi a etlelaka a funengerile xona xana? Loko a ta a ta rila eka mina, ku rila ka yena ndzi ta ku twa, hikuva mina ndzi twela vanhu vusiwana.

Mikiya 7:20

U ta komba ku tshembeka ka wena ni tintswalo ta wena eka va ka Yakobo, vona vatukulu va Abrahama, hilaha u hlambanyeke hakona khale, loko u tshembisa vatata wa hina.

Swirilo 3:23

ti vonaka ti ri tintshwa siku rin'wana ni rin'wana. Ku tshembeka ka wena HOSI, i kukulu!

Yohane 1:17

hikuva Nawu wu nyikiwile hi Muxe, kambe tintswalo ni ntiyiso swi tile ha Yesu Kriste.

Pisalema 91:4

Xi ta ku hlayisa xi ku funengeta ku fana ni huku leyi fukamelaka swiciwana swa yona, ku tshembeka ka xona ku ta ku sirhelela kukota xitlhangu.

Pisalema 31:19

Swilo leswinene leswi u swi hlayiselaka malandza ya wena a hi ku tala ka swona! U swi endlela lava tumbelaka ka wena, vanhu hinkwavo va ri karhi va swi vona.

Esaya 12:4

kutani eminkarhini yoleyo, mi ta ku: “Tlangelani HOSI, mi khongela yona. Byelani matiko leswi yi swi endleke, ma tiviseni vukulu bya vito ra yona.

Pisalema 111:8

ma tiya minkarhi hinkwayo, hikuva xi ma nyikile hi ku tshembeka ni ku lulama.

1 TIHOSI 19:11

Kutani HOSI Xikwembu xi ku: “Huma u ya yima enhlohlorhini ya ntshava, emahlweni ka mina HOSI, hikuva ndzi le kusuhi ni ku hundza.” Kavaloko xidzedze lexikulu xa matimba xi ba tintshava ti pandzeka, xi hirimuxa ni maribye, xi rhangele HOSI Xikwembu. Kambe xona a xi nga ri kona eka xidzedze. Endzhaku ka xidzedze, misava yi tsekatseka, kambe HOSI Xikwembu a xi nga ri kona eku tsekatsekeni loku.

Pisalema 146:6

Xikwembu hi xona xi endleke tilo ni misava ni lwandle, ni hinkwaswo leswi hanyaka eka swona; minkarhi hinkwayo xa tshembeka.

Yakobo 5:11

Langutani, lava hi vulaka leswaku va katekile, hi lava va tiyiseleke. Mi twile ta ku tiyisela ka Yobo, nakona mi vonile leswi Hosi a yi kongomile swona, ni hilaha Hosi yi taleke musa ni tintswalo hakona.

Eksoda 20:5

u nga tshuki u swi nkhinsamela, kumbe ku swi tirhela, hikuva mina HOSI Xikwembu xa wena, ndzi Xikwembu xa rilaveta: Ndzi ba lava va ndzi vengaka kun'we ni vana va vona, ku fika eka rixaka ra vona ra vunharhu ni ra vumune.

Eksoda 33:19

HOSI Xikwembu xi hlamula xi ku: “Ndzi ta hundza hi le mahlweni ka wena ndzi ri karhi ndzi ku komba vunene bya mina hinkwabyo, ndzi twarisa vito ra mina ra ‘HOSI’ emahlweni ka wena. Ndzi ta komba tintswalo eka lava ndzi nga ta va komba tona, ndzi twela vusiwana lava ndzi nga ta va twela byona.”

Duteronoma 4:31

leswi HOSI Xikwembu xa n'wina xi nga Xikwembu lexi twelaka vusiwana, a xi nga mi tshiki kumbe ku mi herisa; ntwanano lowu xi wu endleke ni vatata wa n'wina hi ku hlambanya, a xi nga wu rivali.

Duteronoma 32:3

Loko mina ndzi twarisa vito ra HOSI Xikwembu, n'wina kombisani leswaku Xikwembu xa hina i xikulu.

1 TIHOSI 8:30

Yingisa xikombelo xa mina nandza wa wena, ni xa Vaisraele vanhu va wena, loko va khongela va ri karhi va languta xivandla lexi. Hi yingise u ri evutshan'wini bya wena ematilweni, hi yingise u hi rivalela!

Eklesiasta 8:11

Leswi mintirho ya lavo homboloka yi nga avanyisiwangiki hi ku hatlisa, vanhu van'wana va tsutsumela ku endla leswi biheke.

Esaya 65:16

Kutani loyi a lavaka ku katekisiwa etikweni, ú ta kombela minkateko eka mina Xikwembu xa ntiyiso, hambi a ri loyi a tibohaka hi ku hlambanya, ú ta hlambanya hi vito ra mina, hikuva ku xaniseka ka khale ku ta rivariwa, na mina a ndzi nga ha ku tsundzuki.”

Yeremiya 9:24

Loyi a lavaka ku tidzunisa, a a tidzunise hileswi a ndzi tivaka ni ku ndzi twisisa, hikuva laha misaveni mina HOSI ndzi tirha hi rirhandzu, ni ku lulama, ni ku tshembeka; mina HOSI ndzi ri, swilo leswi hi swona ndzi swi tsakelaka!”

Yeremiya 32:18

Vanhu va madzana-dzana, u va komba rirhandzu ra wena lero tshembeka, kambe a wu tshiki ku ba vana hikwalaho ka milandzu ya vatata wa vona. Wena Xikwembu lexi nga ni ntamu lowukulu, vito ra wena u HOSI ya matimba hinkwawo;

Nahume 1:3

Hambileswi HOSI yi hlwelaka ku kariha, yi ni matimba lamakulu, yi nga ka yi nga tshiki lava nga ni nandzu. HOSI yi pfula ndlela ya yona hi xihuhuri ni bubutsa, mapapa i ritshuri leri pfuxiwaka hi milenge ya yona.

Genesa 24:27

a ku: “A ku dzunisiwe HOSI, xona Xikwembu xa n'wini wa mina Abrahama, lexi nga tshikangiki ku komba ku tshembeka ka xona ni tintswalo ta xona eka n'wini wa mina. Hi xona lexi xi ndzi rhangeleke eriendzweni ra mina xi ta ndzi fikisa eka makwavo wa n'wini wa mina.”

Tinhlayo 12:8

Muxe ndzi hlamulana na yena hi nomo, a twa leswi ndzi swi vulaka, hikuva a swi lavi nhlamuselo; ú vona ni xivumbeko xa mina. Kutani hikwalaho ka yini n'wina mi nga chavi ku hleva Muxe nandza wa mina xana?”

2 SAMIELE 24:14

Davhida a hlamula Gadi a ku: “Ndzi le khombyeni lerikulu! Swa antswa loko hi wela emavokweni ya HOSI Xikwembu, hikuva tintswalo ta xona i tikulu swinene; ndzi nga tshuki ndzi wela emavokweni ya vanhu!”

Swivuriso 3:3

Namarhela tintswalo ni ku tshembeka; swi bohelele enhan'wini, u swi fihla endzeni ka mbilu ya wena.