Eksoda 34:5 - BIBELE Mahungu Lamanene

⁵ Kutani HOSI Xikwembu xi rhelela xi ri epapeni, xi fika xi yima na Muxe kwale ntshaveni, xi twarisa vito ra xona, ra “HOSI”.

Xitsonga (Bibele)

⁵ Kutani Yehovha a xikela epapeni, a yima kona ekusuhi na yena, a vula vito ra Yehovha.

Eksoda 34:5 Referans Kwoze

Eksoda 33:19

HOSI Xikwembu xi hlamula xi ku: “Ndzi ta hundza hi le mahlweni ka wena ndzi ri karhi ndzi ku komba vunene bya mina hinkwabyo, ndzi twarisa vito ra mina ra ‘HOSI’ emahlweni ka wena. Ndzi ta komba tintswalo eka lava ndzi nga ta va komba tona, ndzi twela vusiwana lava ndzi nga ta va twela byona.”

Tinhlayo 11:25

Kutani HOSI Xikwembu xi rhelela xi ri epapeni, xi ta vulavula na yena; xi hunguta moya wun'wana eka lowu Muxe a a ri na wona, xi wu avela vakulukumba lava va 70. Loko wu va xikerile, va sungula ku vhumbha, kambe swi lo va swa siku rero ntsena.

Eksoda 33:9

Loko Muxe a nghenile entsongeni, papa ri nembelela, ri fika ri yima enyangweni ya ntsonga, kutani HOSI Xikwembu xi vulavula na yena.

Tinhlayo 11:17

Mina ndzi ta rhelela ndzi ta vulavula na wena kona; ndzi ta hunguta moya lowu wu nga eka wena, ndzi avela vakulukumba lava, leswaku va ta ku pfuna ku rhwala ndzhwalo wa ku rhangela Vaisraele, kutani a wu nga ha wu rhwali u ri wexe.

Esaya 1:10

N'wina tihosi leti fanaka ni ta le Sodoma, yingisani rito ra HOSI Xikwembu! Na n'wina vanhu lava fanaka ni va le Gomora, rhiyani ndleve mi yingisa swiletelo swa Xikwembu xa hina!

Swivuriso 18:10

HOSI Xikwembu i khokholo lero tiya, leri munhu wo lulama a tsutsumaka a ya tumbela eka rona.

Pisalema 102:21

Hikokwalaho vito ra xona ri ta twarisiwa eSiyoni, va ta ri dzunisa emutini wa Yerusalema,

Duteronoma 32:3

Loko mina ndzi twarisa vito ra HOSI Xikwembu, n'wina kombisani leswaku Xikwembu xa hina i xikulu.

Eksoda 19:18

Ntshava hinkwayo ya Sinayi a yi funengetiwile hi musi, hikuva Xikwembu a xi rhelerile xi ta ehenhla ka yona hi xivumbeko xa ndzilo. Kutani musi wa ndzilo lowu wu huma wu ya ehenhla ku fana ni ndzilo wa le xitikweni, ntshava hinkwayo yi tsekatseka swinene.

Tinhlayo 14:17

Kutani sweswi ndzi kombela leswaku u kombisa matimba ya wena lamakulu, we HOSI, tanihilaha u tshembiseke hakona, u ku:

Eksoda 19:9

HOSI Xikwembu xi ku ka Muxe: “Sweswi ndzi ta ta eka wena ndzi ri epapeni lero dziva, leswaku ndzi ta vulavula na wena vanhu va ri karhi va swi twa; kutani va ta hamba va ku tshemba.” Kwalaho Muxe a vikela HOSI Xikwembu leswi vanhu va vuleke swona.

Eksoda 23:21

Yingisani ntsumi leyi, mi endla leswi yi nga ta swi vula; mi nga tshuki mi ala swileriso swa yona, hikuva yi nga ka yi nga mi tsetseleli loko mi tiarisa, naswona yi tirha hi vito ra mina.

Tinhlayo 12:5

Kutani HOSI Xikwembu xi rhelela xi ri epapeni leri nembelelaka; papa ri fika ri yima enyangweni ya Ntsonga, kutani Xikwembu xi vitana Aroni na Meriyamu; havambirhi va tshinela kusuhi ni nyangwa,

1 SAMIELE 3:18

Hiloko Samiele a n'wi byela hinkwaswo, a nga n'wi fihleli nchumu. Kutani Heli a ku: “HOSI yi vulavurile, a yi endle leswi yi swi vonisaka swona.”