Eksoda 34:4 - BIBELE Mahungu Lamanene

⁴ Kutani Muxe a vatla maribye mambirhi ya swiphepherhele, ma fana ni layo sungula; a pfuka nimpundzu swinene, a tlhandlukela entshaveni ya Sinayi hilaha HOSI Xikwembu xi n'wi leriseke hakona, a famba a khomile maribye lawa mambirhi.

Xitsonga (Bibele)

⁴ Muxe a vatla maribye mambirhi lama fanaka ni layo rhanga, a pfuka wa ha ri mpundzu, a khandziya ntshava ya Sinayi, hilaha Yehovha a nga n'wi lerisa hakona, a khomile maribye mambirhi emavokweni ya yena.

Eksoda 34:4 Referans Kwoze

Eksoda 34:1

Kutani HOSI Xikwembu xi ku ka Muxe: “Vatla maribye mambirhi ya swiphepherhele, ma fana ni layo sungula; kutani mina ndzi ta tsala kambe marito lawa a ma ri eka maribye layo sungula, lawa u ma fayeke.

Duteronoma 10:3

Kutani ndzi endla Areka hi mapulangi ya murhi wa munga, ndzi vatla ni maribye mambirhi ya swiphepherhele, ma fana ni layo sungula; kutani ndzi tlhandlukela entshaveni ndzi ma khomile.

Eksoda 19:3

Kutani Muxe a tlhandluka a ya eka Xikwembu entshaveni. HOSI Xikwembu xi huwelela xi ri entshaveni, xi ku ka Muxe: “Byela Vaisraele, vona vatukulu va Yakobo, leswaku mina HOSI ndzi vurisa sweswo ndzi ri:

Eksoda 19:20

Kutani HOSI Xikwembu xi rhelela xi ta enhlohlorhini ya ntshava ya Sinayi; xi vitanela Muxe enhlohlorhini ya ntshava, kutani Muxe a tlhandluka a ya kona.

Eksoda 32:16

Maribye lawa, a ma endliwile hi HOSI Xikwembu, ni leswi a swi tsariwile ehenhla ka wona hi ku kevetla, a swi tsariwile hi xona.

Duteronoma 10:1

“Enkarhini wolowo, HOSI Xikwembu xi te ka mina: ‘Vatla maribye mambirhi ya swiphepherhele, ma fana ni layo sungula, kutani u tlhandluka u ta eka mina. U fanele ku endla ni Areka hi mapulangi.