Eksoda 34:29 - BIBELE Mahungu Lamanene

²⁹ Loko Muxe a ri karhi a rhelela a ta hi le ntshaveni ya Sinayi, a khomile maribye lawa mambirhi ya Ntwanano, a a nga swi tivi leswaku mombo wa yena wa hatima, hi mhaka ya leswi a vulavuleke na HOSI Xikwembu.

Xitsonga (Bibele)

²⁹ Kutani kuteloko Muxe a rhelele entshaveni ya Sinayi a ri ni maribye mambirhi ya vumbhoni evokweni ra yena, kambe Muxe a a nga tivi leswaku nhlonge ya mombo wa yena a yi hatima, loko a ri karhi a vulavula na Yehovha;

Eksoda 34:29 Referans Kwoze

Matewu 17:2

Kutani a hundzuka emahlweni ka vona; nghohe ya yena yi hatima kukotisa dyambu, na swona swiambalo swa yena swi hundzuka leswo basa, swi vangama kukotisa ku vonakala.

Luka 9:29

Loko a ri karhi a khongela, nghohe ya yena yi vonaka yi hundzukile, swiambalo swa yena swi basa, swi vangama.

Eksoda 32:15

Kavaloko Muxe a suka entshaveni a rhelela, a khomile maribye mambirhi ya Ntwanano, ma nga maribye ya swiphepherhele lawa a ma tsariwile matlhelo hinkwawo, hala ni hala.

Nhlavutelo 1:16

Evokweni ra yena ra xinene a a tamerile tinyeleti ta 7; enon'weni wa yena a ku huma tlhari leri lotiweke hi matlhelo mambirhi; xikandza xa yena a xi fana ni dyambu loko ri vangama ninhlekanhi.

2 Vakorinto 3:13

A hi fani na Muxe la nga tisiva mombo hi xisirhelelo, leswaku Vaisraele va nga voni ku vangama loku nyamalalaka ku helela makumu.

Nhlavutelo 10:1

Kutani ndzi vona ntsumi yin'wana ya matimba yi xika hi le tilweni yi phutseriwile hi papa, yi ri ni nkwangulatilo ehenhla ka nhloko ya yona; nghohe ya yona a yi fana ni dyambu, milenge ya yona yi fana ni timhandze ta ndzilo.

Timhaka 6:15

Kutani hinkwavo lava tshameke ehubyeni, loko va n'wi honokela, va vona mombo wa yena wu fana ni mombo wa ntsumi.

Yohane 5:13

Loyi a hanyisiweke a nga tivanga leswaku i mani, hikuva Yesu a a sukile hikwalaho ka ntshungu lowu a wu ri kona.

Timhaka 12:9

Kuteloko Petro a humile, a yi landza, a nga tivi leswaku xana leswi endliwaka hi ntsumi hi swona hakunene xana? A a anakanya leswaku xi nga va xivono.

Timhaka 23:5

Pawulo a ku: “Vamakwerhu, a ndzi nga swi tivi leswaku i Muprista lonkulu, hikuva ku tsariwile leswaku: ‘U nga tshuki u sandza hosi ya tiko ra rikwenu.’ ”

Luka 2:49

Yesu a va hlamula a ku: “A mi ndzi lavela yini? Xana a mi nga swi tivi leswaku ndzi fanele ku va kwala ndlwini ya Tata wa mina xana?”

Marka 9:6

A a nga tivi leswaku ú ta vula yini, hikuva a va tshukile ngopfu.

Vaavanyisi 16:20

Kutani Delila a ku ka yena: “Samsoni, pfuka, Vafilista hi lava!” Kutani Samsoni a pfuka, a ku: “Ndzi ta huma ndzi famba ku fana ni leswi ndzi tshamaka ndzi endlisa swona. Ndzi ta tilwela!” Samsoni a a nga swi tivi leswaku HOSI Xikwembu a xi nga ha ri na yena.

Yoxuwa 8:14

Kuteloko hosi ya muti wa Ayi ni vanhu va yona hinkwavo va vona leswi, va pfuka ka ha ri mpundzu va hatla va rhelela, va kongoma eka Nkova wa Yordani ku ya hlangana ni Vaisraele va lwa; kambe hosi leyi a yi nga swi tivi leswaku ku ni vanhu lava nga yi tumbelela endzhaku ka muti.

Yoxuwa 2:4

Kambe Rahava a a tekile vavanuna lava vambirhi a ya va tumbeta; kutani a hlamula a ku: “Kunene hi swona, vavanuna vona a va tile laha ka mina, kambe lomu a va huma kona a ndzi ku tivi.

Marka 14:40

Kuteloko a tlhelele ka vona, a va kuma va etlele, hikuva mahlo ya vona a ma tika, naswona a va nga tivi leswaku va nga n'wi hlamula yini.

Eksoda 16:15

Loko Vaisraele va swi vona, va vutisana va ku: “I swilo muni leswi?” hikuva a va nga tivi leswaku a swi ri swilo muni. Kutani Muxe a ku ka vona: “Lebyi i vuswa lebyi mi nyikiwaka hi HOSI Xikwembu, lebyi mi nga ta dya byona.

Eksoda 31:18

Loko Xikwembu xi heta ku vulavula na Muxe entshaveni ya Sinayi, xi n'wi nyika maribye lawa mambirhi ya Ntwanano, ma nga maribye ya swiphepherhele lawa Xikwembu xi tsaleke milawu eka wona hi ritiho ra xona.

Duteronoma 10:5

Kutani ndzi hundzuluka ndzi rhelela ndzi suka entshaveni, ndzi fika ndzi veka maribye endzeni ka Areka, hilaha HOSI Xikwembu xi ndzi leriseke hakona; ni sweswi ma ha ri kona.”

Eklesiasta 8:1

Xana i mani la fanaka ni ntlhari, i mani la tivaka ku hlamusela timhaka ke? Munhu la tlhariheke, wa n'wayitela, nghohe ya yena a yi na minkonya.

Eksoda 34:35

Vaisraele a va vona mombo wa yena wu ri karhi wu hatima; hikokwalaho, a a tisiva mombo hi xincekana, ku kondza loko a tlhelela entsongeni ku ya vulavula na HOSI Xikwembu.