Eksoda 34:25 - BIBELE Mahungu Lamanene

²⁵ “Loko mi ndzi tlhavela magandzelo, mi nga tshuki mi katsa ngati ya xifuwo ni xinkwa lexi nga ni comela; naswona, loko mi humesa magandzelo enkhubyeni wa Paseka, ku nga tshuki ku va ni leswi nga ta tshama ku fikela nimpundzu.

Xitsonga (Bibele)

²⁵ “U nga tshuki u humesa ngati ya magandzelo ya mina yi ri ni vuswa lebyi nga ni comela. Gandzelo ra nkhuvo wa Paseka ri nga tshuki ri sala ri hundza vusiku ku fika nimixo.

Eksoda 34:25 Referans Kwoze

Eksoda 23:18

“Mi nga tshuki mi katsa ngati ya swifuwo ni xinkwa lexi nga ni comela, loko mi ndzi gandzela; naswona, mi nga tshiki mafurha ya swona ma tshama ku fikela nimpundzu, loko mi ndzi endlela nkhuvo.

Eksoda 12:10

Naswona, eka xona, ku nga tshuki ku va ni leswi nga ta salela mundzuku; loko ri xa ka ha sale swin'wana, swi hiseni.

Duteronoma 16:3

Nyama ya kona, mi nga tshuki mi yi dya ni xinkwa lexi nga ni comela; mi ta yi dya masiku ya 7 ni xinkwa lexo-ke-comela. Xinkwa lexi xi komba ku xaniseka, hikuva mi humile etikweni ra Egipta hi ku tsutsuma; siku leri mi humeke ha rona etikweni ra Egipta, mi fanele ku ri tsundzuka vutomi bya n'wina hinkwabyo.

Tinhlayo 9:12

Ku nga tshuki ku va ni leswi va nga ta swi siyela mundzuku, naswona va nga tshuki va faya marhambu ya kona. Va ta endla nkhuvo wa Paseka hi ku landza milawu ya wona.

Levhitika 7:15

Nyama ya magandzelo ya xinakulobye lawa munhu a nkhensaka Xikwembu ha wona, yi fanele ku dyiwa yi hela hi siku leri a ma humesaka ha rona; a nga tshuki a siya yin'wana ku kondza ku fika mpundzu wa siku leri tlhandlamaka.

Eksoda 29:34

Loko, siku leri tlhandlamaka nimpundzu, ka ha sale nyama ya siku ra ku vekiwa ka vaprista, kumbe xinkwa xa kona, u ta swi hisa; swi nga tshuki swi dyiwa, hikuva swi hlawulekile.

Eksoda 12:20

Emindyangwini ya n'wina, mi fanele ku dya xinkwa xo-ke-comela, mi nga tshuki mi dya lexi nga ni comela.”

Eksoda 12:8

“Nyama leyi, yi fanele ku dyiwa vusiku bya kona, yi oxiwile kunene, va yi dya ni xinkwa xo-ke-comela, ni matsavu lama bavaka.

Matewu 13:33

A engeta a va byela xifaniso xin'wana, a ku: “Mfumo wa matilo wu fana ni comela lexi wansati a nga xi teka, a xi pfuva ni mimpimo minharhu ya mapa, swi ko swi kukumuka hinkwaswo.”

Levhitika 2:11

“Magandzelo hinkwawo ya swa le masin'wini lawa mi ma humeselaka HOSI Xikwembu ma nga tshuki ma cheriwa comela, hikuva a ma cheriwi comela kumbe vulombe loko mi hisela HOSI Xikwembu emhamba;

Duteronoma 16:4

Eka masiku lawa ya 7, mi nga tshuki mi va ni comela etikweni ra n'wina hinkwaro; naswona nyama leyi mi humeseke ha yona gandzelo esikwini ro sungula nimadyambu, yi nga tshuki yi tshama ku fikela nimpundzu siku leri tlhandlamaka.