Eksoda 34:24 - BIBELE Mahungu Lamanene

²⁴ Ndzi ta hlongola vamatiko emahlweni ka n'wina, ndzi kurisa tiko ra n'wina, kutani enkarhini lowu mi nga ta ta mi ta hlengeletana emahlweni ka mina kanharhu elembeni, a ku nga vi na munhu loyi a nga ta sala a ringeta ku mi tekela tiko.

Xitsonga (Bibele)

²⁴ hikuva ndzi ta hlongola matiko emahlweni ka wena, ndzi engetelela mindzilekana ya wena; a ku na munhu la nga ta navela tiko ra rikwenu, loko u ya humelela kanharhu hi lembe emahlweni ka Yehovha, Xikwembu xa wena.

Eksoda 34:24 Referans Kwoze

Pisalema 78:55

Xikwembu xi hlongorile vamatiko va suka emahlweni ka Vaisraele, xi nyika Vaisraele tiko ra kona leswaku ri va ra vona; kutani va titshamele emitini ya kona hi ku ya hi tinyimba ta ka vona.

Eksoda 33:2

Ndzi ta rhumela ntsumi leyi yi nga ta mi rhangela emahlweni; ndzi ta hlongola Vakanana, ni Vaamori, ni Vahiti, ni Vaperesi, ni Vahivhi, ni Vayebusi.

Timhaka 18:10

hikuva ndzi na wena; a ku na munhu la nga ta ku pfukela, a ku endla leswo biha; hikuva ndzi ni vanhu lavo tala emutini lowu.”

Swivuriso 16:7

Munhu loyi HOSI Xikwembu xi tsakelaka vutomi bya yena, xi endla leswaku hambi va ri valala va yena, va hanyisana na yena hi ku rhula.

Duteronoma 12:20

“Loko HOSI Xikwembu xi mi engetelela tiko hilaha xi mi tshembiseke hakona, kutani mi navela ku dya nyama, dyanani hilaha mi rhandzaka hakona.

Pisalema 80:8

U tsuvurile murhi wa vhinya etikweni ra Egipta, u ya wu byala etikweni leri u hlongoleke vamatiko va suka eka rona.

1 TIKRONIKA 4:10

Kutani Yabese a khongela Xikwembu xa Israele, a ku: “We Xikwembu, ndzi kombela leswaku u ndzi katekisa, u tlhengusa ni mindzilekana ya tiko ra mina, u ndzi biyelela eka leswo biha leswi swi nga ndzi xanisaka.” Kutani Xikwembu xi n'wi nyika leswi a swi kombeleke.

Duteronoma 19:8

“Loko HOSI Xikwembu xa n'wina xi tlhengusa mindzilekana ya tiko ra n'wina hilaha xi hlambanyeleke vatata wa n'wina hakona, xi mi nyika tiko hinkwaro leri xi tshembiseke ku va nyika rona,

Duteronoma 7:1

“Loko HOSI Xikwembu xa n'wina xi mi fikisa etikweni leri mi yaka eka rona ku ya ri teka ri va ra n'wina, xi ta hlongola vanhu lava va mi tlulaka hi ku tala ni ku tiya va suka emahlweni ka n'wina, ti nga tinxaka leti ta 7: Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi.

Genesa 35:5

Kutani va khoma ndlela va famba, kutani Xikwembu xi endla leswaku vanhu va miti leyi a yi va rhendzerile matlhelo hinkwawo va khomiwa hi ku chava, va tsandzeka ku hlongorisa vana va Yakobo.

Ntirho 1:10

hikuva wa n'wi sirhelela matlhelo hinkwawo, yena ni muti wa yena ni swilo swa yena hinkwaswo. U n'wi katekisile emintirhweni ya yena, kutani rifuwo ra yena ri andzile ngopfu etikweni.

2 TIKRONIKA 17:10

Vanhu va mimfumo hinkwayo leyi vandzakaneke ni tiko ra Yuda a va chava HOSI Xikwembu, hikokwalaho a va humanga nyimpi va ya lwa na Yoxafati.

Levhitika 18:24

“Mi nga tshuki mi tinyamisa hi ku endla xin'wana xa swilo leswi; hi swona leswi nyamisaka vamatiko lava ndzi va hlongoleke va suka emahlweni ka n'wina;

Eksoda 34:11

“Hlayisani leswi ndzi mi lerisaka swona namuntlha. Mina ndzi ta hlongola Vaamori, ni Vakanana, ni Vahiti, ni Vaperesi, ni Vahivhi, ni Vayebusi, va suka emahlweni ka n'wina.

Duteronoma 16:16

“Vavanuna va ka n'wina hinkwavo va fanele ku hlengeletana emahlweni ka HOSI Xikwembu xa n'wina kanharhu hi lembe, endhawini leyi xi nga ta yi hlawula: Hi nkarhi wa Nkhuvo wa Xinkwa lexo-ke-comela, ni nkarhi wa Nkhuvo wa Mavhiki, ni wa Nkhuvo wa Mintsonga. Va nga yi emahlweni ka HOSI Xikwembu va nga tamelanga nchumu!

Pisalema 120:1

Loko ndzi ri emaxangwini, ndzi huwelele eka HOSI kutani yi ndzi hlamurile.

Genesa 15:18

Hi siku rero, HOSI Xikwembu xi endla ntwanano na Abrama, xi ku ka yena: “Tiko leri, ndzi ta ri nyika vatukulu va wena, ku sukela endzilekaneni wa tiko ra Egipta ku ya fika enambyeni lowukulu wa Yufrata,

1 TIHOSI 5:1

Hiramu hosi ya Tiri a twa leswaku Solomoni ú nyikiwile vuhosi bya tata wa yena hi ku cheriwa mafurha enhlokweni; hiloko a rhumela malandza ya yena eka Solomoni, hikuva hi minkarhi hinkwayo Hiramu a a ri nakulobye wa Davhida.