Eksoda 34:22 - BIBELE Mahungu Lamanene

²² “Mi ta endla Nkhuvo wa Mavhiki, mi humesa ntshovelo wo sungula wa koroni; kasi eku heleni ka nkarhi wa ntshovelo, mi ta endla Nkhuvo wo Hlengeleta.

Xitsonga (Bibele)

²² “U ta endla nkhuvo wa mavhiki, lowu nge wa swirhangana swa ku tshovela koro, ni nkhuvo wa ku tleketlela, loko lembe ri hundzile.

Eksoda 34:22 Referans Kwoze

Eksoda 23:16

Mi ta endla Nkhuvo wa Ntshovelo, mi humesa mihandzu yo sungula ya nyuku wa n'wina eka leswi mi swi byaleke emasin'wini. Eku heleni ka nkarhi wa ntshovelo, mi ta endla Nkhuvo wo Hlengeleta, mi hlengeleta swa nyuku wa n'wina leswi mi swi tshoveleke emasin'wini.

Yohane 7:2

Nkhuvo wa Vayuda wo endleriwa emintsongeni a wu ri kusuhi.

Timhaka 2:1

Kuteloko siku ra Pentekosta ri fikile, vadyondzisiwa hinkwavo a va hlengeletanile exivandleni xi ri xin'we.

Eksoda 23:14

“Mi fanele ku ndzi tlangela hi minkhuvo minharhu elembeni.

Levhitika 2:12

mi nga chela loko mi humesela HOSI Xikwembu emagandzelo ya ntshovelo wo sungula, kambe mi nga tshuki mi swi hisa alitarini leswaku swi va mhamba yo nun'hwela.

Tinhlayo 29:1

“Hi siku ro sungula ra n'hweti ya vu-7, Vaisraele va fanele ku hlengeletana va gandzela mina HOSI; va nga tshuki va tirha ntirho ni wun'we lowu tikaka. Siku rero ri ta va siku ra vona ro ba timhalamhala.

Duteronoma 16:9

“Ku sukela siku leri mi sungulaka ku tshovela mavele ha rona, hlayelani mavhiki ya 7,

2 TIKRONIKA 8:13

A a hlayisa milawu ya kona, a humesa magandzelo hinkwawo lama lerisiweke hi Muxe eminkarhini leyo hlawuleka, yi nga leyi: Siku ra Savata, ni siku ra ku tshama ka n'weti, ni Nkhuvo wa Xinkwa xo-ke-comela, ni Nkhuvo wa Mavhiki (kumbe wa Ntshovelo), ni Nkhuvo wa Mintsonga.

Levhitika 23:15

“Ku sukela siku leri mi ndzi tiselaka ha rona xirhundzu xa nyiko leyo hlawuleka, ri nga siku leri tlhandlamaka ra Savata, mi fanele ku hlayela mavhiki ya 7 lama heleleke.

Levhitika 23:34

ku ya tivisa Vaisraele marito ya xona lama nge: “Hi siku ra vu-15 ra n'hweti leyi ya vu-7, ku ta sungula Nkhuvo wa Mintsonga wo tlangela mina HOSI. Nkhuvo lowu, wu ta teka masiku ya 7;