Eksoda 34:20 - BIBELE Mahungu Lamanene

²⁰ Ematshan'weni ya ximbhongolwana xa xinuna xa mativula, mi ta tlhava xinyimpfana kumbe ximbutana; loko mi nga tsakeli ku tlhava nchumu ematshan'weni ya ximbhongolwana, xi tshoveni nhamu; kambe ematshan'weni ya vana va n'wina hinkwavo va xinuna va mativula, mi ta tlhava xifuwo. “Ku nga vi na munhu loyi a taka emahlweni ka mina, a nga tamelanga nchumu.

Xitsonga (Bibele)

²⁰ U ta kutsula mativula ya mbhongolo hi xinyimpfana; loko u nga ri kutsuli, u ta ri tshova nhamu. U ta kutsula mativula hinkwawo ya vana va wena. “U nga tshuki u humelela emahlweni ka mina u nga tamelanga nchumu.

Eksoda 34:20 Referans Kwoze

Duteronoma 16:16

“Vavanuna va ka n'wina hinkwavo va fanele ku hlengeletana emahlweni ka HOSI Xikwembu xa n'wina kanharhu hi lembe, endhawini leyi xi nga ta yi hlawula: Hi nkarhi wa Nkhuvo wa Xinkwa lexo-ke-comela, ni nkarhi wa Nkhuvo wa Mavhiki, ni wa Nkhuvo wa Mintsonga. Va nga yi emahlweni ka HOSI Xikwembu va nga tamelanga nchumu!

Eksoda 23:15

Mi ta endla Nkhuvo wa Xinkwa lexo-ke-comela; hilaha ndzi mi leriseke hakona, mi fanele ku dya xinkwa lexo-ke-comela masiku ya 7 enkarhini lowu vekiweke wa n'hweti ya Abibi, hikuva hi yona n'hweti leyi mi humeke ha yona etikweni ra Egipta. Ku nga vi na munhu loyi a taka emahlweni ka mina a nga tamelanga nchumu.

Eksoda 13:13

Ematshan'wini ya ximbhongolwana xin'wana ni xin'wana xa xinuna xa mativula, mi fanele ku tlhava xinyimpfana kumbe ximbutana; loko mi nga tsakeli ku tlhava nchumu ematshan'wini ya ximbhongolwana, xi tshoveni nhamu; kambe ematshan'wini ya vana va n'wina hinkwavo va mativula va xinuna, mi ta tlhava xifuwo.

Tinhlayo 18:15

“Hinkwaswo leswi rhangeke ku velekiwa eka vanhu ni ka swifuwo, leswi Vaisraele va ndzi humeseleke swona mina HOSI, swi ta va swa n'wina. Kambe mi ta fanela ku kutsula mativula ya vanhu ni ya swifuwo leswi nga tengangiki.

Eksoda 13:15

Loko Faro a tinonon'hwisile a ala ku hi tshika hi famba, HOSI Xikwembu xi herisile mativula hinkwawo ya xinuna ya vanhu ni ya swifuwo etikweni ra Egipta. Hikokwalaho hi humeselaka HOSI Xikwembu emagandzelo hi swa xinuna hinkwaswo leswi rhangeke ku velekiwa; kambe ematshan'wini ya vana va hina va mativula va xinuna, hi tlhava xifuwo.’

2 SAMIELE 24:24

Kambe hosi Davhida a ku ka Arawuna: “E-e! Swilo leswi, ndzi lava ku humesa mali, ndzi swi xava ka wena. A ndzi lavi ku gandzela HOSI Xikwembu xa mina hi swilo leswi ndzi nga lo nyikiwa kunene.” Kutani Davhida a xava xivuya ni tihavi hi mali ya tisilivhere ta 50.

Eksoda 13:10

Hikokwalaho, swa mi boha ku endla nkhuvo lowu lembe rin'wana ni rin'wana, hi nkarhi lowu vekiweke.

Eksoda 22:29

“Mi nga tshuki mi hlwela ku humesa nhlengo wa ntshovelo wa n'wina wa mavele ni wa vhinyo ni mafurha. “Vana va n'wina va xinuna va mativula, mi fanele ku ndzi nyiketa vona.

Eksoda 13:12

hikokwalaho, mi ta hlawula hinkwaswo leswi rhangeke ku velekiwa, mi swi nyiketa eka HOSI Xikwembu. Mativula hinkwawo ya xinuna ya swifuwo swa n'wina ma ta va ya HOSI Xikwembu.