Eksoda 34:18 - BIBELE Mahungu Lamanene

¹⁸ “Mi ta endla nkhuvo wa Xinkwa lexo-ke-comela, hilaha ndzi mi leriseke hakona. Mi fanele ku dya xinkwa lexo-ke-comela masiku ya 7, hi nkarhi lowu vekiweke eka n'hweti ya Abibi, hikuva hi yona n'hweti leyi mi humeke ha yona etikweni ra Egipta.

Xitsonga (Bibele)

¹⁸ “U ta hlayisa nkhuvo wa vuswa lebyo kala comela hilaha ndzi leriseke ha kona. U ta dya vuswa lebyo kala comela hi masiku ya ntlhanu na mambirhi, enkarhini wa swona, en'hwetini ya Abibi, hikuva en'hwetini ya Abibi, u humile eEgipta.

Eksoda 34:18 Referans Kwoze

Levhitika 23:6

Kutani hi siku ra vu-15 ra n'hweti leyi, ku ta sungula Nkhuvo wa Xinkwa lexo-ke-comela wo tlangela mina HOSI, lowu wu nga ta dyiwa masiku ya 7.

Eksoda 13:4

Namuntlha, hi n'hweti leyi ya Abibi, ma huma etikweni ra Egipta.

Timhaka 12:3

Kutani loko a vona leswaku swi tsakisile Vayuda, a engeta a khoma na Petro (a ma ri masiku ya Xinkwa xo-ke-comela).

Luka 22:1

Nkhuvo wa Xinkwa lexo-ke-comela lowu vuriwaka Paseka, a wu ri kusuhi.

Marka 14:1

A ka ha lo sala masiku mambirhi, ku nga si va ni nkhuvo wa Paseka ni wa Xinkwa lexo-ke-comela; kutani vaprista lavakulu ni vatsari a va lava ndlela yo n'wi khoma ha yona hi vutlhari leswaku va ta n'wi dlaya.

Eksoda 23:15

Mi ta endla Nkhuvo wa Xinkwa lexo-ke-comela; hilaha ndzi mi leriseke hakona, mi fanele ku dya xinkwa lexo-ke-comela masiku ya 7 enkarhini lowu vekiweke wa n'hweti ya Abibi, hikuva hi yona n'hweti leyi mi humeke ha yona etikweni ra Egipta. Ku nga vi na munhu loyi a taka emahlweni ka mina a nga tamelanga nchumu.

Eksoda 12:2

“N'hweti leyi eka n'wina yi ta va yo sungula ya tin'hweti hinkwato, mi ta sungula lembe ha yona.

Eksoda 12:42

Vusiku lebyi, eka HOSI Xikwembu byi vile bya murindzelo wa ku humesa Vaisraele etikweni ra Egipta; hikokwalaho, eka Vaisraele hinkwavo va minkarhi hinkwayo, vusiku byolebyi i bya murindzelo wa ku tlangela HOSI Xikwembu.

Tinhlayo 28:16

“Hi siku ra vu-14 ra n'hweti yo sungula, ku ta va ni nkhuvo wa Paseka wo tlangela mina HOSI.

Tinhlayo 28:17

Kutani hi siku ra vu-15 ra n'hweti leyi, ku ta sungula Nkhuvo wa Xinkwa lexo-ke-comela lowu nga ta dyiwa masiku ya 7.

Eksoda 13:3

Kutani Muxe a byela vanhu, a ku: “Siku leri, mi nga tshuki mi ri rivala, hikuva hi rona siku leri HOSI Xikwembu xi mi humeseke hi matimba ya xona etikweni ra Egipta, laha a mi ri mahlonga kona. Hi siku leri, mi nga tshuki mi dya xinkwa lexi nga ni comela.

Eksoda 23:14

“Mi fanele ku ndzi tlangela hi minkhuvo minharhu elembeni.