Eksoda 34:15 - BIBELE Mahungu Lamanene

¹⁵ Mi nga tshuki mi endla ntwanano ni vaaki va tiko, hikuva loko va ri karhi va endla vunghwavava eku gandzeleni ka swikwembu swa vona, ni loko va swi humesela magandzelo, va nga tshuka va mi rhambile, kutani mi dya swa magandzelo ya vona,

Xitsonga (Bibele)

¹⁵ U nga tshuki u endla ntwanano ni vaaki va tiko lero, leswaku loko va oswa ni swikwembu swa vona, ni loko va tlhavela swikwembu swa vona, va ku vitana ku ya dya nyama ya magandzelo ya vona;

Eksoda 34:15 Referans Kwoze

Vaavanyisi 2:17

Kambe Vaisraele a va yingisanga vaavanyisi lava. Va hatlile va hambuka endleleni leyi vatata wa vona va fambeke ha yona, va endla vunghwavava, va tirhela swikwembu swin'wana, va swi nkhinsamela. Vatata wa vona a va yingisa swileriso swa HOSI Xikwembu, kambe vona a va swi yingisanga.

1 Vakorinto 8:4

Loko ku ri ku dya leswi humeseriweke swikwembu swa hava, hi tiva leswaku “xikwembu xa hava a hi xilo xa nchumu emisaveni”, ni leswaku “ku ni Xikwembu xi ri xin'we ntsena, ku hava xin'wana.”

Pisalema 106:28

Vaisraele va namarherile xikwembu ximbe lexi va nge i Baala-Peyori, va dya swa magandzelo lama humeseriweke vafi;

Duteronoma 31:16

Kutani HOSI Xikwembu xi ku ka Muxe: “Vona, u le kusuhi ni ku fa, kutani vanhu lava va ta sala va ndzi fularhela, va tshova ntwanano lowu ndzi wu endleke na vona. Loko va ri exikarhi ka vamatiko lava va yaka va ya tshama na vona, va ta sungula ku endla vunghwavava, va landzelela swikwembu swa vamatiko lava.

Tinhlayo 25:2

Vavasati lava a va hamba va rhamba vavanuna va Israele etimhambeni ta swikwembu swa Vamowabu, kutani vavanuna lava va dya leswi humeseriwaka swikwembu, va tlhela va nkhinsamela swikwembu swa kona.

1 Vakorinto 10:27

Loko mi rhambiwa eswakudyeni hi munhu la nga riki mupfumeri, kutani mi swi tsakela ku ya kona, dyanani hinkwaswo leswi va mi phamelaka swona, hi ripfalo leri ntshunxekeke, mi nga vutisanga lomu swi humaka kona.

1 Vakorinto 8:10

Hikuva loko munhu la tsaneke a ku vona wena la nga ni vutivi, u ri karhi u dya swa swikwembu swa hava egandzelweni ra swona, xana munhu loyi a nga ka a nga tiyisiwi eripfalweni ra yena ku dya leswi humeseriweke swikwembu sweswo xana?

1 Vakorinto 8:7

A hi hinkwavo lava nga ni vutivi lebyi; leswi vanhu van'wana va ha toloveleke swikwembu swa hava, va dya swakudya swa vona wonge hi loko swi ri leswi humeseriweke swikwembu leswi, kutani ripfalo ra vona ri nyamile hikwalaho ka ku tsana ka vona.

Yeremiya 3:9

Ú tinyamisile, a nyamisa ni tiko, hikuva ú tekile vunghwavava byi nga ri vudyoho, kutani a gandzela maribye ni misinya.

Levhitika 17:7

Hi ndlela leyi, Vaisraele a va nga ha endli vunghwavava hi ku tlhava swifuwo swa vona, va gandzela ha swona swikwembu swa vona swa swiphongho. Naswona va fanele ku hlayisa nawu lowu, vona ni vatukulu va vona, hilaha ku nga heriki.”

Eksoda 34:12

Mi tivonela, mi nga tshuki mi endla ntwanano ni vaaki va tiko leri mi yaka eka rona, hikuva mhaka leyi yi nga hundzuka ntlhamu lowu wu nga ta mi phasa.

Nhlavutelo 2:20

Kambe ku ni lexi u ndzi vilerisaka ha xona: Hileswaku u tshika Yezabele wansati loyi a tivulaka muprofeta a ya emahlweni ni mintirho ya yena, kasi ú kucetela ni ku hambukisa malandza ya mina ku endla vuoswi ni ku dya swakudya leswi humeseriweke swikwembu swa hava.

Hosiya 9:1

N'wina vanhu va tiko ra Israele, mi nga tshuki mi tsaka, mi nga bi minkulungwana ku fana ni vamatiko, hikuva mi tihambanisile ni Xikwembu xa n'wina, mi tinyiketa eka va Baali kukota tinghwavava, mi tsakisiwa hi mavele ya le swivuyeni hinkwaswo, yi nga hakelo ya vunghwavava bya n'wina.

Hosiya 4:12

Vanhu va mina va vutisa timhaka emhandzeni, nhonga ya vona i mutsundzuxi wa vona! Moya wa vunghwavava wu va lahlekisile ndlela, va ndzi tshikile mina Xikwembu xa vona va landza swikwembu swin'wana.

Pisalema 73:27

Lava hambanaka na wena va nge poni, va ta lova, hinkwavo lava va ku tshikaka, lava lwaka na wena, u ta va pfala milomo.

Ezra 6:9

Leswi vaprista va le Yerusalema va nga ta swi lava loko va humesela Xikwembu xa matilo magandzelo lama hisiwaka, swo fana ni swinkuzana, ni makhuna kumbe tinyimpfu, va nyikeni swona leswaku va nga tshuki va kayivela. Hambi yi ri koroni, ni munyu, ni vhinyo, kumbe mafurha, va nyikeni swona siku rin'wana ni rin'wana

Duteronoma 7:2

HOSI Xikwembu xa n'wina xi ta va nyiketa emavokweni ya n'wina, mi va hlula, kutani mi fanele ku va herisela makumu.

Tinhlayo 15:39

Makhaxa lawa ma ta va xitsundzuxo eka n'wina; loko mi ma vona, mi ta tsundzuka leswaku mi fanele ku landza milawu hinkwayo ya mina HOSI, mi tshika leswi timbilu ta n'wina ti mi byelaka swona ni leswi kokaka mahlo ya n'wina, ma nga manyala lawa mi toloveleke ku ma endla.

Eksoda 34:10

Kutani HOSI Xikwembu xi ku: “Sweswi ndzi le ku endleni ka ntwanano ni Vaisraele. Ndzi ta endla swihlamariso leswikulu emahlweni ka vanhu va wena; swihlamariso swa kona a swi si tshama swi humelela emisaveni hinkwayo, kumbe erixakeni rihi na rihi. Vanhu va matiko hinkwawo lawa ya mi rhendzeleke, va ta vona leswi mina HOSI ndzi tirhaka swona, hikuva leswi ndzi nga ta mi endlela swona, swi ta chavisa ngopfu.

Eksoda 23:32

Mi nga tshuki mi endla ntwanano na vona kumbe ku endla ntwanano ni swikwembu swa vona.

Timhaka 15:20

kambe a hi va tsaleleni papila, hi va byela ku tshika swakudya leswi nyamisiweke hi ku humeseriwa swikwembu swa hava, va tshika ni vuoswi, va nga dyi leswi vanhu va swi dlayeke hi ku swi tlimba minkolo, ni ngati va nga dyi;

Eksoda 22:20

“Un'wana ni un'wana loyi a humeselaka swikwembu swin'wana emagandzelo, ematshan'wini ya ku gandzela mina HOSI ntsena, ú fanele ku herisiwa.

Eksoda 32:8

Va hambukile hi ku hatlisa endleleni leyi ndzi nga va lerisa yona; va tivumberile xifaniso xa rhole, va xi nkhinsamela ni ku xi humesela magandzelo, va ku: ‘N'wina Vaisraele, hi lexi Xikwembu xa n'wina lexi xi mi humeseke etikweni ra Egipta.’ ”

Tinhlayo 25:1

Enkarhini lowu Vaisraele a va govile eXitimi, vavanuna va sungurile ku tsutsuma-tsutsuma ni vavasati va tiko ra Mowabu.

Duteronoma 7:3

Vanhu lava, mi nga tshuki mi tekelana na vona; mi nga pfumeli leswaku vana va n'wina va tekiwa hi vana va vona; naswona mi nga pfumeli leswaku vana va n'wina va ya teka vana va vona,

Duteronoma 32:37

Kutani xi ta va vutisa xi ku: ‘Xana swikwembu swa n'wina swi kwihi xana, ri kwihi ribye ra n'wina ra vutumbelo ke?

Duteronoma 32:38

Mafurha ya magandzelo ya n'wina mi nyikile swona swi dya, swi nwile ni vhinyo ya n'wina ya magandzelo. A swi te swi ta mi pfuna, swi mi sirhelela!

Yoxuwa 23:12

Loko mo fularhela HOSI Xikwembu, mi tihlanganisa ni vamatiko lava va saleke laha xikarhi ka n'wina, mi ya teka vasati exikarhi ka vona, na vona va ta teka vasati exikarhi ka n'wina,

Vaavanyisi 3:6

kutani va titekela vasati exikarhi ka vana va vamatiko lava, va pfumelela ni vana va vona va xisati ku tekiwa hi vana va vamatiko, va gandzela ni swikwembu swa vona.

1 TIKRONIKA 5:25

Kambe va sungula ku dyohela Xikwembu xa vatata wa vona, va tinyiketa eka swikwembu swa vanhu lava khale a va akile etikweni, lava Xikwembu a xi va hlongorile va suka emahlweni ka Vaisraele.

Ezra 9:12

Kutani mi nga tshuki mi pfumela leswaku vana va n'wina va tekiwa hi vana va vona, hambi va ri vana va vona mi nga pfumeli leswaku va tekiwa hi vana va n'wina. Vanhu lava, mi nga tshuki mi va pfuna kumbe ku va endlela leswi swi nga ta va fumisa, leswaku mi ta va ni matimba, mi dya leswo saseka swa tiko leri, mi siyela ni vana va n'wina ndzhaka leyi nga heriki.’

Eksoda 22:19

“Un'wana ni un'wana loyi a etlelaka ni xifuwo ú fanele ku herisiwa.

Duteronoma 31:18

Enkarhini wolowo, a ndzi nga ha vi na mhaka na vona ni kutsongo, hikuva va ta va va endlile vubihi lebyikulu hi ku ya gandzela swikwembu swin'wana.