Eksoda 34:13 - BIBELE Mahungu Lamanene

¹³ Mi ta hindzimuxa tialitari ta vona, mi fayetela ni maribye ya vukhongeri bya vona bya hava, mi tsemelela ni timhandze ta Axera xikwembukazi xa vona.

Xitsonga (Bibele)

¹³ Kambe mi ta hlanhla tialitari ta vona, mi faya swifaniso swa vona, mi susa tiAxera.

Eksoda 34:13 Referans Kwoze

2 TIHOSI 18:4

Hi yena la heriseke swa le switsungeni leswo hlawuleka: A fayetela ni maribye ya vugandzeri bya hava, a tsemelela ni mhandze ya Axera xikwembukazi. Naswona, a fayetela xifaniso xa nyoka ya koporo leyi Muxe a a yi vumbile, hikuva ku fikela nkarhi wolowo, Vaisraele a va yi hisela mirhi ya risuna; a va yi thyile ni vito ra Nehuxitani.

Eksoda 23:24

Hikokwalaho, mi nga tshuki mi nkhinsamela swikwembu swa vona, kumbe ku swi humesela magandzelo, naswona mi nga tshuki mi landza mikhuva ya vona, kambe herisani swikwembu swa kona, mi fayetela ni maribye ya vukhongeri bya vona bya hava.

Duteronoma 16:21

“Mi nga tshuki mi dzima mhandze leyi fanaka ni ya Axera xikwembukazi kusuhi ni alitari leyi mi nga ta yi akela HOSI Xikwembu xa n'wina.

Duteronoma 7:5

Vanhu lava, va endleni leswi: Mi fanele ku hindzimuxa tialitari ta vona, mi fayetela ni maribye ya vukhongeri bya vona bya hava, mi tsemelela timhandze ta Axera xikwembukazi xa vona, mi hisetela ni swikwembu swa vona leswi vatliweke.

2 TIKRONIKA 31:1

Loko nkhuvo wu herile, Vaisraele hinkwavo lava a va tile enkhubyeni, va huma va ya emitini ya Yuda, va fika va fayetela maribye ya vugandzeri, va tsema ni timhandze ta Axera, va hindzimuxa tialitari ta le switsungeni leswo hlawuleka, etikweni hinkwaro ra Yuda, ni ra Benjamini, ni ra Efrayimi, ni ra Manase, va nga siyi na yin'we ya tialitari teto. Kutani Vaisraele hinkwavo va hangalaka, un'wana ni un'wana a kongoma ekaya ka yena.

2 TIHOSI 23:14

A fayetela maribye ya vugandzeri bya hava, a tsemelela ni timhandze ta Axera xikwembukazi, kutani a tata ndhawu ya kona hi marhambu ya vanhu.

Vaavanyisi 6:25

Hi vusiku byebyo, HOSI Xikwembu xi ku ka Gidiyoni: “Teka nkuzi ya tata wa wena, leya vumbirhi leyi nga ni malembe ya 7, kutani u mbundzumuxa alitari ya Baali leyi nga emutini wa tata wa wena, u tsema ni mhandze ya Axera leyi nga etlhelo ka alitari, yi wela hansi.

Vaavanyisi 2:2

hikokwalaho na n'wina mi nga tshuki mi endla ntwanano ni lava akeke etikweni leri. Mi fanele ku mbundzumuxa tialitari ta vona.’ Kambe n'wina a mi ndzi yingisanga. Xana i mhaka muni leyi mi yi endleke?

Vaavanyisi 6:26

Kutani u ndzi akela alitari mina HOSI Xikwembu xa wena, u yi aka kwala makocokocweni, hi maribye lama nga ta veketeriwa hi nawu. Kutani u teka nkuzi, yi nga leya vumbirhi, u humesa ha yona magandzelo lama hisiwaka. Mhandze ya Axera leyi u nga ta va u yi tsemile, yi ta va tihunyi ta gandzelo leri.”

1 TIHOSI 14:15

HOSI Xikwembu xi ta ba Vaisraele: Va ta fana ni rihlanga leri tsekatsekisiwaka hi mati ya nambu; HOSI Xikwembu xi ta va tsavula etikweni lerinene leri xi ri nyikeke vakokwa wa vona; xi ta va hangalasa entsungeni lowuya wa nambu wa Yufrata, hikuva va yimisile timhandze ta vona ta Axera xikwembukazi, kutani ha tona va hlundzukisile ngopfu HOSI Xikwembu.

2 TIKRONIKA 14:3

A susa tialitari ta swikwembu swa vamatiko, a herisa ni mintirho ya le switsungeni leswo hlawuleka, a fayetela maribye ya kona ya vugandzeri, a tsema ni timhandze ta Axera, xikwembukazi.

2 TIKRONIKA 15:16

Hosi Asa a hlongola kokwa wa yena Maaka etifanelweni ta yena ta vunkosikazi, hikuva a a ri ni xifaniso xa manyala lexi a xi vumberiwile Axera xikwembukazi; Asa a wisa xifaniso lexi, a xi fayetela, a ya xi hisa exinkobyaneni xa Kedroni.

2 TIKRONIKA 17:6

A a nga ri na tingana ku tirhela HOSI Xikwembu; naswona ú herisile mintirho ya le switsungeni leswo hlawuleka, a susa ni timhandze ta Axera xikwembukazi etikweni ra Yuda.

2 TIKRONIKA 24:18

Kambe va sungula ku fularhela yindlu ya HOSI, Xikwembu xa vatata wa vona, va tlhela va ya gandzela timhandze ta Axera, ni swikwembu swin'wana swa hava. Kutani va ka Yuda ni va le Yerusalema va tivangela ku hlundzukeriwa hi HOSI Xikwembu, hi swidyoho leswi swa vona.

2 TIKRONIKA 33:19

Naswona, ebukwini ya “Matimu ya Vaprofeta”, ku tsariwile timhaka leti: Ku khongela ka Manase, ni hilaha xikhongelo xa yena xi amukeriweke hi Xikwembu hakona; ku homboloka ka yena ni swidyoho swa yena, loko a nga si titsongahata a tisola; nongonoko wa switsunga leswo hlawuleka leswi a dzimeke eka swona timhandze ta Axera, ni tindhawu leti a nga yimisa eka tona swifaniso swa swikwembu swa hava.

Esaya 17:8

a va nga ha hundzulukeli eka tialitari leti va nga lo tiakela, naswona a va nga ha languti swilo leswi va swi endleke hi mavoko ya vona vinyi, swo fana ni timhandze ta Axera xikwembukazi, na tialitari ta mirhi ya risuna.

Esaya 27:9

Ku hela ka nandzu wa va ka Yakobo ni ku susiwa ka vudyoho bya vona, swi ta tikomba hi loko va mbundzumuxa tialitari hinkwato, va fayetela maribye ya tona ma va mapa, va wisetela timhandze ta Axera xikwembukazi, ni tialitari ta mirhi ya risuna.

Yeremiya 17:2

Vanhu va ka vona a va tshiki ku anakanya tialitari ni timhandze ta vona ta vukhongeri bya hava, leti dzimiweke eswitsungeni leswo hlawuleka kusuhi ni mirhi leyi tlhumeke.

Mikiya 5:14

Timhandze ta Axera xikwembukazi, ndzi ta ti simula ti suka exikarhi ka n'wina, ndzi mbundzumuxela ni miti ya n'wina.

Tinhlayo 33:52

mi fanele ku hlongola vaaki hinkwavo va tiko leri, mi fayetela ni maribye hinkwawo ya vukhongeri bya vona bya hava, mi hindzimuxela ni swifaniso hinkwaswo swa swikwembu leswi va swi vumbeke, mi herisa ni switsunga swa vona hinkwaswo leswo hlawuleka;

Duteronoma 16:22

Nasona mi nga tshuki mi yimisa maribye ya vugandzeri bya hava, hikuva sweswo HOSI Xikwembu xa swi venga.

2 TIHOSI 10:27

Loko va hirimuxile xifaniso lexi xa Baali, va fayetela ni yindlu ya Baali, va yi endla yindlu ya ku humela eka yona. Ni namuntlha, ya ha ri kona.