Eksoda 34:10 - BIBELE Mahungu Lamanene

¹⁰ Kutani HOSI Xikwembu xi ku: “Sweswi ndzi le ku endleni ka ntwanano ni Vaisraele. Ndzi ta endla swihlamariso leswikulu emahlweni ka vanhu va wena; swihlamariso swa kona a swi si tshama swi humelela emisaveni hinkwayo, kumbe erixakeni rihi na rihi. Vanhu va matiko hinkwawo lawa ya mi rhendzeleke, va ta vona leswi mina HOSI ndzi tirhaka swona, hikuva leswi ndzi nga ta mi endlela swona, swi ta chavisa ngopfu.

Xitsonga (Bibele)

¹⁰ Yehovha a hlamula, a ku: “Waswivo, ndzi endla ntwanano. Ndzi ta endla emahlweni ka tiko hinkwaro masingita lama nga siki endliwaka emisaveni hinkwayo, hambi ku ri etikweni rihi ni rihi, kutani tiko hinkwaro leri u nga exikarhi ka rona, ri ta vona ntirho wa Yehovha; hikuva lexi ndzi nga ta xi endla ha wena, xi ta va xilo lexi chavisaka.

Eksoda 34:10 Referans Kwoze

Duteronoma 10:21

Xi dzuniseni, hikuva hi xona Xikwembu xa n'wina, lexi xi mi endleleke swilo leswikulu swo hlamarisa, leswi mi swi voneke.

Pisalema 77:14

Hi wena Xikwembu lexi endlaka mahlori, u komba matimba ya wena exikarhi ka vamatiko.

Esaya 64:3

Eminkarhini leyi u endleke swilo leswo chavisa leswi a hi nga swi langutelanga, u rhelerile emisaveni, kutani tintshava ti ninginika loko ti ku vona.

Pisalema 66:5

Tanani mi ta hlalela mintirho ya Xikwembu: Xi endlile swilo leswo hlamarisa laha misaveni.

Yeremiya 32:21

Hi wena u humeseke Vaisraele vanhu va wena etikweni ra Egipta. U va humesile hi mahlori ni swihlamariso, hi ntamu wa wena lowukulu ni mintirho ya wena ya matimba, leyi chavisaka.

2 SAMIELE 7:23

Xana rixaka rin'wana ri kona emisaveni leri fanaka ni vanhu va wena va Israele xana? Rixaka leri ra Israele, u yile u ya ri kutsula wena Xikwembu, leswaku ri va ra wena, u tidzunisa ha rona. U ri endlele swilo leswikulu, leswi chavisaka; u hlongorile valala emahlweni ka rona, ri nga rixaka leri u ri kutsuleke etikweni ra Egipta, emavokweni ya vamatiko ni swikwembu swa vona.

Pisalema 78:12

Xikwembu xi kombile vatata wa vona mintirho leyo hlamarisa, loko va ha ri erivaleni ra Sowani le Egipta.

Pisalema 66:3

Huwelelani emahlweni ka Xikwembu mi ku: “Mintirho ya wena ya hlamarisa; valala va wena va rhurhumela emahlweni ka wena, hikuva matimba ya wena i makulu.

Duteronoma 32:30

Xana munhu a nga hlongorisa vanhu va gidi a ri yexe xana? Hambi vanhu vambirhi va nga hlula vanhu va khume ra magidi ke? E-e, sweswo swi nga endleka ntsena loko HOSI Xikwembu, Ribye ra vona leri tiyeke, xi lo va tshika, xi va fularhela.

Yoxuwa 6:20

Kutani Vaisraele va huwelela, timhalamhala na tona ti ri karhi ti biwa. Kuteloko Vaisraele va twa mpfumawulo wa mhalamhala, va huwelela swinene, kutani rirhangu ra muti ri wela hansi, Vaisraele va nghena emutini, un'wana ni un'wana a kongoma kwala a langutaneke na kona, kutani va teka muti wa Yeriko,

Eksoda 34:27

Kutani HOSI Xikwembu xi ku ka Muxe: “Tsala marito lawa, hikuva ndzi bohile ntwanano na wena na Vaisraele, hi ku landza wona.”

Pisalema 145:6

Mintirho ya wena leyo chavisa ya matimba, vanhu va ta yi twarisa, na mina ndzi ta vula vukulukumba bya wena.

Pisalema 106:22

va rivala mintirho ya xona leyo hlamarisa etikweni ra va ka Hamu, ni leswo chavisa leswi xi swi endleke kusuhi ni Lwandle-ro-Tshwuka.

Pisalema 76:12

Hi xona xi tsongahataka vatikukumuxi, hambi ti ri tihosi ta laha misaveni ta rhurhumela emahlweni ka xona.

Pisalema 65:5

We Xikwembu muponisi wa hina, wa hi lwela, u hi hlamula hi tindlela leto hlamarisa; hambi va ri vanhu lava akeke ematikweni ya le kule entsungeni wa malwandle, va tshemba wena.

Pisalema 147:20

Vanhu va tinxaka timbe, a xi va endlelanga swilo leswi, a va tivi swiboho swa xona. Dzunisani HOSI!

Duteronoma 4:13

Kutani xi hlamuserile ndlela leyi mi nga ta hlayisa ntwanano wa xona ha yona, ku nga ku hlayisa Milawu ya Khume leyi xi yi tsaleke ehenhla ka maribye mambirhi ya swiphepherhele.

Pisalema 68:35

Loko Xikwembu xi huma eTempeleni ya xona, a hi ku chavisa ka xona! Hi xona Xikwembu xa Vaisraele lexi xi va tiyisaka, xi va nyikaka ntamu. A ku tlangeriwe Xikwembu!

Eksoda 34:28

Muxe ú tshamile na HOSI Xikwembu kwale ntshaveni masiku ya 40 ni vusiku bya kona, a nga dyi nchumu, a nga nwi nchumu; kutani a tsala marito ya ntwanano, yi nga Milawu ya khume, emaribyeni ya swiphepherhele.

Duteronoma 9:19

Mina a ndzi chava leswi HOSI Xikwembu a xi mi hlundzukerile, xi pfurha hi vukari. A xi lava ku mi herisa, kambe xi tlherile xi ndzi yingisa.

Pisalema 72:18

A ku nkhensiwe HOSI Xikwembu xa Israele, hikuva hi xona ntsena xi endlaka mahlori!

Pisalema 136:4

Ú endle swihlamariso leswikulu a ri yexe. — Rirhandzu ra yena hi leri nga heriki —

Mikiya 7:15

Endla mahlori emahlweni ka hina, kukota eminkarhini leyi u humeke na hina etikweni ra Egipta.