Eksoda 33:9 - BIBELE Mahungu Lamanene

⁹ Loko Muxe a nghenile entsongeni, papa ri nembelela, ri fika ri yima enyangweni ya ntsonga, kutani HOSI Xikwembu xi vulavula na yena.

Xitsonga (Bibele)

⁹ kuteloko Muxe a nghena endlwini, papa ri xika, ri yima enyangweni ya yindlu, kutani Yehovha a vulavula na Muxe.

Eksoda 33:9 Referans Kwoze

Pisalema 99:7

A xi vulavula na vona xi ri epapeni leri nembelelaka, kutani vona a va hlayisa swiletelo swa xona ni milawu leyi xi va nyikeke yona.

Eksoda 31:18

Loko Xikwembu xi heta ku vulavula na Muxe entshaveni ya Sinayi, xi n'wi nyika maribye lawa mambirhi ya Ntwanano, ma nga maribye ya swiphepherhele lawa Xikwembu xi tsaleke milawu eka wona hi ritiho ra xona.

Ezekiele 3:22

Loko ndza ha ri exivandleni xexo, HOSI Xikwembu xi ndzi khoma hi matimba ya xona, kutani xi vulavula na mina xi ku: “Famba u ya erivaleni, kutani mina ndzi ta ta ndzi ta vulavula na wena kona.”

Tinhlayo 11:17

Mina ndzi ta rhelela ndzi ta vulavula na wena kona; ndzi ta hunguta moya lowu wu nga eka wena, ndzi avela vakulukumba lava, leswaku va ta ku pfuna ku rhwala ndzhwalo wa ku rhangela Vaisraele, kutani a wu nga ha wu rhwali u ri wexe.

Eksoda 34:9

a ku: “HOSI, loko hakunene u ndzi tsakela, ndzi kombela leswaku u famba exikarhi ka hina, we HOSI! Hambileswi vanhu lava va tinonon'hwisaka, hi rivalele nandzu wa hina ni xidyoho xa hina, u hi endla vanhu va wena va xiviri.”

Eksoda 34:3

Ku nga vi ni munhu ni un'we loyi a nga ta tlhandluka na wena, naswona ku nga vi ni un'we loyi a nga ta kumiwa a ri exivandleni xihi ni xihi xa ntshava; hambi swi ri swifuwo leswikulu ni leswitsongo, swi nga tshuki swi dyela kusuhi ni ntshava.”

Eksoda 33:11

Hi ndlela leyi, HOSI Xikwembu a xi hamba xi vulavula na Muxe xi n'wi langutile, ku fana ni munhu loko a vulavula ni nakulobye. Minkarhi hinkwayo loko Muxe a tlhelela emixaxeni, jaha leri a ri n'wi pfuna, a nga yena Yoxuwa n'wana Nuni, a ri sala kwale ntsongeni.

Eksoda 25:22

Ndzi ta hlangana na n'wina kwalaho, kutani ndzi ta mi byela swileriso swa mina hinkwaswo eka Vaisraele, ndzi ri ehenhla ka xitshamu xa ndzivalelo, exikarhi ka tikerubu timbirhi leti khubumetaka Areka ya Ntwanano.”

Genesa 18:33

Loko HOSI Xikwembu xi hetile ku vulavula na Abrahama, xi suka xi famba, kutani Abrahama a tlhelela entsongeni wa yena.

Genesa 17:22

Kuteloko Xikwembu xi hetile ku vulavula na Abrahama, xi tlhandluka xi hambana na yena.

Eksoda 33:8

Minkarhi hinkwayo, loko Muxe a huma emixaxeni a ya entsongeni lowu, vanhu hinkwavo a va suka va yima, un'wana ni un'wana enyangweni ya nxaxa wa yena, va languta Muxe a kondza a nghena entsongeni.

Eksoda 33:10

Kutani loko vanhu va vona papa rero enyangweni ya ntsonga, a va nkhinsama hinkwavo va khongela, un'wana ni un'wana a ri enyangweni ya nxaxa wa yena.

Eksoda 34:5

Kutani HOSI Xikwembu xi rhelela xi ri epapeni, xi fika xi yima na Muxe kwale ntshaveni, xi twarisa vito ra xona, ra “HOSI”.

Duteronoma 31:14

Kutani HOSI Xikwembu xi ku ka Muxe: “Masiku ya wena ya ku fa ma le kusuhi; hikokwalaho vitana Yoxuwa, mi ta swin'we eka Ntsonga lowo Hlawuleka, ndzi ta n'wi lerisa.” Hiloko Muxe na Yoxuwa va ya swin'we eka Ntsonga lowo Hlawuleka.

Duteronoma 31:15

Kutani HOSI Xikwembu xi humelela entsongeni, xi ri epapeni leri fikeke ri nembelela enyangweni ya ntsonga.

Tinhlayo 7:89

Loko Muxe a ya nghena eka Ntsonga lowo Hlawuleka ku ya vulavula na HOSI Xikwembu, a twa HOSI Xikwembu xi vulavula na yena, rito ra xona ri huma exikarhi ka Areka ya Ntwanano; kutani na yena a a vulavula na xona.