Eksoda 33:6 - BIBELE Mahungu Lamanene

⁶ Kutani Vaisraele va hluvula swo tibombisa ha swona; a va ha swi ambalanga, ku sukela entshaveni ya Horebe, ni ku ya emahlweni.

Xitsonga (Bibele)

⁶ Kavaloko vana va Israele va susa leswi va bombaka ha swona ku suka entshaveni ya Horebe.

Eksoda 33:6 Referans Kwoze

Eksoda 33:4

Loko vanhu va twa timhaka leti to tika leti, va tlhaveka timbilu, ku pfumaleka ni un'we loyi a ambaleke swo tibombisa ha swona.

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Eksoda 32:3

Kavaloko vanhu hinkwavo va anyuletela swingwavila swa nsuku leswi a swi ri tindleveni ta vona, va swi yisa eka Aroni.

Eksoda 3:1

Muxe a a risa swifuwo swa mukon'wana wa yena Yetro, muprista wa Midiyani. Siku rin'wana, a tsemakanya mananga ni ntlhambi wa yena, a ya fika eHorebe, entshaveni ya Xikwembu.

Eksoda 33:5

HOSI Xikwembu a xi byerile Muxe xi ku: “Tivisa Vaisraele leswaku ndzi ri: ‘Mi vanhu lava omeke tinhloko; loko ndzo tshuka ndzi fambile na n'wina nkarhinyana, ndzi nga mi herisela makumu. Hikokwalaho, hluvulani leswi mi tibombisaka ha swona, mina ndzi ta vona leswi ndzi nga ta endla swona hi n'wina.’ ”

Eksoda 33:7

Enkarhini lowu, Muxe a a toloverile ku teka ntsonga, a ya wu vamba ehandle kule ni mixaxa, a wu thya vito a ku i “Ntsonga-wo-hlangana-na-HOSI”. Kutani un'wana ni un'wana loyi a a lava ku vutisa timhaka eka HOSI Xikwembu, a a huma a ya eka ntsonga lowu, ehandle ka mixaxa.

Yonasi 3:5

Kutani vaaki va Ninivha va kholwa marito ya Xikwembu; va lerisa vanhu ku titsona swakudya; hinkwavo ka vona, lavakulu ni lavatsongo, va ambala leswo khwaxa swa xirilo.