Eksoda 33:16 - BIBELE Mahungu Lamanene

¹⁶ Loko u nga fambi na hina, xana swi ta vonaka hi mukhuva wihi leswaku mina ni vanhu va wena wa hi tsakela xana? Mhaka leyi endlaka leswaku hi va vanhu lava hlawuriweke exikarhi ka hinkwavo lava hanyaka emisaveni, xana a hi leswi wena u fambaka na hina xana?”

Xitsonga (Bibele)

¹⁶ Swi ta tiviwa ha yini leswaku ndzi vonile tintswalo ta wena, mina ni tiko ra wena? Xana a hi loko u famba na hina? Hi sweswo hi nga ta hlawuriwa, mina ni tiko ra wena eka matiko hinkwawo lama nga emisaveni.”

Eksoda 33:16 Referans Kwoze

Duteronoma 4:7

Xana rixaka rin'wana ri kona emisaveni, leri swikwembu swa rona swi nga kusuhi na rona ku fana ni HOSI Xikwembu xa hina xana? Nkarhi wihi na wihi loko hi huwelela eka xona, xa hi hlamula.

Tinhlayo 14:14

Kutani va ta byela vaaki va tiko ra Kanana emhaka leyi. Vanhu lava va swi twile leswaku wena HOSI u kona exikarhi ka Vaisraele, ni leswaku u tikombile eka vona hi tindlela leto tala; naswona papa ra wena a ri hambani na vona; u va rhangela emahlweni u ri endzeni ka papa leri nembelelaka ninhlekanhi, u tlhela u nembeleta ndzilo u va voningela ndlela nivusiku.

1 TIHOSI 8:53

Hi wena u va hlawuleke exikarhi ka tinxaka hinkwato ta misava leswaku va va ndzhaka ya wena, hilaha u vuleke hakona hi nomo wa Muxe nandza wa wena, siku u humeseke vatata wa hina etikweni ra Egipta, we HOSI N'wini wa hina!”

Matewu 1:23

“Maswivo, wanhwana ú ta tika, a veleka n'wana wa mufana; va ta n'wi thya vito ra ‘Emanuwele’ (hileswaku: ‘Xikwembu xi na hina’).”

Eksoda 34:10

Kutani HOSI Xikwembu xi ku: “Sweswi ndzi le ku endleni ka ntwanano ni Vaisraele. Ndzi ta endla swihlamariso leswikulu emahlweni ka vanhu va wena; swihlamariso swa kona a swi si tshama swi humelela emisaveni hinkwayo, kumbe erixakeni rihi na rihi. Vanhu va matiko hinkwawo lawa ya mi rhendzeleke, va ta vona leswi mina HOSI ndzi tirhaka swona, hikuva leswi ndzi nga ta mi endlela swona, swi ta chavisa ngopfu.

2 Vakorinto 6:17

Hikokwalaho, Hosi yi ri: “Humani exikarhi ka vona, mi hambana na vona; mi nga tshuki mi khumba leswi nga tengangiki, kutani ndzi ta mi amukela.

2 SAMIELE 7:23

Xana rixaka rin'wana ri kona emisaveni leri fanaka ni vanhu va wena va Israele xana? Rixaka leri ra Israele, u yile u ya ri kutsula wena Xikwembu, leswaku ri va ra wena, u tidzunisa ha rona. U ri endlele swilo leswikulu, leswi chavisaka; u hlongorile valala emahlweni ka rona, ri nga rixaka leri u ri kutsuleke etikweni ra Egipta, emavokweni ya vamatiko ni swikwembu swa vona.

Eksoda 8:22

Kambe hi siku ra kona, ndzi ta hlawula muganga wa le Goxeni, laha vanhu va mina va tshamaka kona; a ku nga vi na mabawa kona, u ta kala u swi tiva wena Faro leswaku hi mina ndzi nga HOSI laha misaveni.

Pisalema 147:20

Vanhu va tinxaka timbe, a xi va endlelanga swilo leswi, a va tivi swiboho swa xona. Dzunisani HOSI!

Duteronoma 4:34

Ku hava xikwembu ni xin'we lexi nga tshama xi ringeta ku ya tihumesela vanhu va xona exikarhi ka rixaka rin'wana, hi ku tirhisa mintungu, ni swikombiso, ni mahlori, ni tinyimpi, hi ntamu lowukulu ni mintirho ya matimba leyi chavisaka ngopfu. I HOSI Xikwembu xa n'wina ntsena lexi endleke swilo leswi hinkwaswo etikweni ra Egipta, mi ri karhi mi swi vona.

Tinhlayo 23:9

Vanhu lava, ndzi va vona ndzi ri laha nhlohlorhini ya ntshava, ndzi va languta ndzi ri eswintshabyaneni: I vanhu va rixaka leri titshamelaka ri ri roxe, leri tihambanyiseke ni tinxaka tin'wana.

Levhitika 20:24

Hikokwalaho ndzi mi tshembisile ndzi ku: ‘Tiko ra vona ro khuluka ntswamba ni vulombe, ri ta va ndzhaka ya n'wina, ndzi ta mi nyika rona ri va ra n'wina.’ Hi mina HOSI, Xikwembu xa n'wina lexi xi mi hlawuleke exikarhi ka man'wana matiko.

Levhitika 20:26

“Hlawulekani, mi tirhela mina ntsena, hikuva ndzi hlawulekile mina HOSI; ndzi mi hlawurile exikarhi ka vanhu va matiko man'wana leswaku mi va va mina.

Eksoda 34:9

a ku: “HOSI, loko hakunene u ndzi tsakela, ndzi kombela leswaku u famba exikarhi ka hina, we HOSI! Hambileswi vanhu lava va tinonon'hwisaka, hi rivalele nandzu wa hina ni xidyoho xa hina, u hi endla vanhu va wena va xiviri.”