Eksoda 33:13 - BIBELE Mahungu Lamanene

¹³ Hikokwalaho, loko hakunene u ndzi tsakela, ndzi kombela leswaku u ndzi komba makungu ya wena, ndzi ta kota ku ku tiva, ndzi kota ni ku ku tsakisa; naswona tsundzuka leswaku vanhu lava, hi rona tiko ra wena.”

Xitsonga (Bibele)

¹³ Sweswi, loko kunene ndzi vonile tintswalo ta wena, ndzi kombise tindlela ta wena, ndzi ta ku tiva, ndzi vona tintswalo ta wena! Kambe anakanya leswaku tiko leri i tiko ra wena.”

Eksoda 33:13 Referans Kwoze

Pisalema 119:33

We HOSI, ndzi dyondzise ku hanya hi milawu ya wena, kutani ndzi ta yi hlayisa minkarhi hinkwayo.

Pisalema 25:4

We HOSI, ndzi dyondzise tindlela ta wena, u endla leswaku ndzi ti tiva.

Pisalema 27:11

We HOSI, ndzi kombe leswi u rhandzaka swona, u ndzi sirhelela lomu ndzi fambaka kona, hikuva ndzi ni valala.

Pisalema 86:11

We HOSI, ndzi dyondzise tindlela ta wena, leswaku ndzi ta famba entiyisweni; mbilu ya mina a yi lave xilo xin'we ntsena, ku nga ku xixima vito ra wena.

Duteronoma 9:29

Vaisraele i vanhu va wena, naswona hi vona ndzhaka ya wena. U va humesile etikweni ra Egipta hi ntamu wa wena lowukulu, ni mintirho ya wena ya matimba.’

Duteronoma 9:26

Kutani ndzi khongerile HOSI Xikwembu ndzi ku: ‘We HOSI N'wini wanga, ndzi kombela leswaku u nga herisi vanhu lava, hikuva i ndzhaka ya wena. U va kutsurile ni ku va humesa etikweni ra Egipta hi vukulu bya wena ni mintirho ya wena ya matimba.

Vaefesa 1:17

ndzi kombela leswaku Xikwembu xa Hosi ya hina Yesu Kriste, Tatana la dzunekaka, xi mi nyika Moya wa vutlhari, xi tihlavutela ha wona eka n'wina, leswaku mi ta xi tiva swinene.

Vakolosa 1:10

hi ndlela leyi, mi ta hanya vutomi lebyi fanekelaka emahlweni ka Hosi, mi yi tsakisa etimhakeni hinkwato, mi tswala mihandzu hi ku tirha mintirho leyinene ya tinxaka-xaka, mi ya mi kula hi tlhelo ra ku tiva Xikwembu.

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Esaya 30:21

Loko mi tshuka mi hambuka endleleni, mi ya exineneni kumbe eximatsini, mi ta twa rito leri taka hi le ndzhaku ka n'wina, ri ku: “Ndlela hi leyi, khomani yona!”

Yuwele 2:17

Vaprista, vona malandza ya HOSI Xikwembu, a va nghene exivaveni xa Tempele, va ya rila kusuhi ni alitari; a va vule va ku: “We HOSI, hi vanhu va wena ni ndzhaka ya wena, hi tsetselele, u nga tshuki u hi sandzisa ni ku hi endla xihlekiso eka vamatiko. Vanhu vambe va nga tshuki va vula va ku: ‘Xikwembu xa vona xi kwihi ke?’ ”

2 Petro 3:18

Kambe kulani, mi ri etintswalweni ni le ku tiveni ka Yesu Kriste, Hosi ya hina ni Muponisi wa hina. Eka yena a ku ve ku twala sweswi, ni ku ya fika esikwini leri nga heriki. Amen!

Eksoda 34:9

a ku: “HOSI, loko hakunene u ndzi tsakela, ndzi kombela leswaku u famba exikarhi ka hina, we HOSI! Hambileswi vanhu lava va tinonon'hwisaka, hi rivalele nandzu wa hina ni xidyoho xa hina, u hi endla vanhu va wena va xiviri.”

Varhoma 11:28

Leswi Vaisraele va nga ala Mahungu Lamanene, i valala va Xikwembu, ku pfuna n'wina vamatiko; kambe leswi va nga hlawuriwa hi xona, i varhandziwa va xona hikwalaho ka vakokwa wa vona;

Esaya 63:19

Sweswi swi endla wonge a wu si tshama u va mupfuni wa hina, ho fana ni vanhu lava nga riki va wena.”

Esaya 63:17

We HOSI, xana u hi tshikele yini hi hambuka endleleni ya wena, u tlhele u nonon'hwisa timbilu ta hina leswaku hi nga ha chavi, xana? Tlhela u vuya, u nga tshiki malandza ya wena, va nga vanhu va tinyimba ta Israele ndzhaka ya wena.

Eksoda 32:7

Kutani HOSI Xikwembu xi ku ka Muxe: “Hatlisa u rhelela, hikuva vanhu va wena lava u va humeseke etikweni ra Egipta va tinyamisile, va ndzi dyohela.

Eksoda 3:7

Kutani HOSI yi ku: “Ndzi vonile hilaha vanhu va mina lava nga tikweni ra Egipta va xanisiwaka hakona; ndzi twile ni swirilo swa vona hikwalaho ka vafambisi va mintirho, ndzi twisisa ku xaniseka loku va nga na kona.

Eksoda 3:10

tana ndzi ta ku rhuma eka Faro, leswaku u ya humesa vanhu va mina va Israele etikweni ra Egipta.”

Eksoda 5:1

Endzhaku ka swona, Muxe na Aroni va ya eka Faro, va fika va ku: “HOSI Xikwembu, xi nga Xikwembu xa Israele, xi vurisa sweswo xi ri: ‘Tshika vanhu va mina va famba, va ya endla nkhuvo emananga va ndzi tlangela.’ ”

Eksoda 32:12

Xana Vaegipta a va nga vuli va ku: ‘Xikwembu xi humesile Vaisraele xi ri ni makungu yo biha ya ku ya va lovisela etintshaveni, xi va herisela makumu emisaveni’ xana? Tshika vukari bya wena lebyo chavisa, u tlhela emakungwini ya wena yo endla swo biha eka vanhu va wena.

Eksoda 32:14

Hiloko HOSI Xikwembu xi tlhela emakungwini lawa a xi ma vurile, ya ku endla leswo biha eka vanhu va xona.

Pisalema 51:13

Ndzi ta dyondzisa vadyohi tindlela ta wena, lavo homboloka va ta tlhelela eka wena.

Pisalema 103:7

Xi tivisile Muxe makungu ya xona, mintirho ya xona ya matimba, xi yi kombile Vaisraele.

2 SAMIELE 15:25

Kutani hosi Davhida a ku ka Sadoki: “Tlherisela Areka ya Xikwembu emutini. Loko HOSI Xikwembu xi ndzi tsakela, xi ta endla leswaku ndzi vuya ndzi ta yi vona, ndzi vona ni laha yi tshamaka kona.