Eksoda 32:7 - BIBELE Mahungu Lamanene

⁷ Kutani HOSI Xikwembu xi ku ka Muxe: “Hatlisa u rhelela, hikuva vanhu va wena lava u va humeseke etikweni ra Egipta va tinyamisile, va ndzi dyohela.

Xitsonga (Bibele)

⁷ Kutani Yehovha a ku eka Muxe: “Suka u famba hikuva tiko ra wena, leri u ri humeseke etikweni ra Egipta ri tionhile.

Eksoda 32:7 Referans Kwoze

Eksoda 32:11

Kambe Muxe a kombela HOSI Xikwembu hi matimba, a ku: “We HOSI, hikwalaho ka yini vukari bya wena byi pfurhela vanhu va wena lava u va humeseke etikweni ra Egipta hi matimba lamakulu ni voko leri tiyeke, xana?

Hosiya 9:9

Vanhu lava va tionhile hi voxe, ku fana ni leswi va swi endleke eGibeya: HOSI Xikwembu a xi nga yi rivali milandzu ya vona, xi ta va bela swidyoho swa vona.

Duteronoma 9:12

Kutani xi ku ka mina: ‘Hatlisa u suka laha, u rhelela, hikuva vanhu va wena lava u va humeseke etikweni ra Egipta, va endlile manyala, va hambukile hi ku hatlisa endleleni leyi ndzi va leriseke yona; va tivumbele xifaniso.’

Vaavanyisi 2:19

Kambe loko muavanyisi wa vona a fa, Vaisraele a va tlhelela endzhaku, va hanya hi ndlela yo biha ku tlula ni ya vatata wa vona, va landzelela swikwembu swin'wana, va swi tirhela ni ku swi nkhinsamela. A va tshikanga mahanyelo ya vona ni ku tinonon'hwisa ka vona.

Eksoda 19:24

HOSI Xikwembu xi ku ka Muxe: “Rhelela u ya vuya na Aroni; kambe u nga tshuki u pfumelela vaprista ni vanhu leswaku va tsemakanya ndzilekana va tlhandlukela eka mina HOSI Xikwembu, hikuva loko va endla sweswo, ndzi ta va hlundzukela ndzi va ba.”

Daniele 9:24

“ ‘Xikwembu xi bohile leswaku a ku nga hundzi malembe ya 70 ntsena, kambe ku ta hundza nkarhi wa malembe ya 7 lama hlayiwaka ka 70, leswaku timhaka ta vanhu va ka n'wina ni ta muti wa ka n'wina lowo hlawuleka ti kondza ti hetiseka: Enkarhini wolowo, ku homboloka ni ku dyoha swi ta hela; milandzu yi ta rihiwa, ku ta va ni ku lulama loku nga heriki; swivono ni marito ya vaprofeta swi ta hetiseka, kutani xivandla lexo hlawuleka ngopfu xi ta nyiketiwa hi vuntshwa eka Xikwembu.

Duteronoma 32:5

Kambe n'wina mi xi dyoherile, a ma ha ri vana va xona, hikuva mi tionhile, mi vanhu vo homboloka, va mahanyelo yo biha.

Duteronoma 4:16

hikokwalaho, chavani ku tinyamisa hi ku tiendlela xifaniso xihi na xihi xa xikwembu xin'wana, lexi vatliweke kumbe lexi vumbiweke, hambi xa xinuna hambi xa xisati;

Eksoda 33:1

Kutani HOSI Xikwembu xi ku ka Muxe: “Sweswi, suka laha ndhawini leyi, wena ni vanhu lava u va humeseke etikweni ra Egipta, mi ya etikweni leri ndzi ri tshembiseke Abrahama, na Isaka, na Yakobo hi ku hlambanya, ndzi ku ka vona: ‘Tiko leri ndzi ta ri nyika vatukulu va n'wana.’

Eksoda 32:4

Kutani Aroni a amukela nsuku eka vona, a wu n'okisa exibyeni xo n'okisela eka xona, a vumba xifaniso xa rhole; hiloko vanhu va ku: “N'wina Vaisraele, hi lexi Xikwembu xa n'wina, lexi xi mi humeseke etikweni ra Egipta!”

Eksoda 32:1

Loko Vaisraele va vona leswaku Muxe wa hlwela ku rhelela a vuya hi le ntshaveni, va vitanana va ya hlengeletana eka Aroni, va ku ka yena: “Hatlisa u hi endlela xikwembu lexi nga ta hi rhangela emahlweni, hikuva a hi tivi leswaku Muxe wa kona loyi a nga hi susa etikweni ra Egipta, ú helele kwihi.”

Duteronoma 9:8

le ntshaveni ya Horebe, mi hlundzukisile HOSI Xikwembu, xi kariha xi lava ni ku mi herisa.

Pisalema 78:36

Kambe eku vulavuleni ka vona a va nga tshembeki, a va byela Xikwembu emavunwa.

Duteronoma 31:29

Ndza swi tiva leswaku loko ndzi file, mi ta sala mi endla manyala, mi tshika ku endla leswi ndzi mi leriseke swona. Eminkarhini leyi taka, mi ta humeleriwa hi makhombo, hikuva mi ta va mi endlile leswi HOSI Xikwembu xi nga swi nkhensiki, mi xi hlundzukisa hi mahanyelo ya n'wina.”

2 TIKRONIKA 27:2

Yotamu a endla leswo lulama emahlweni ka HOSI Xikwembu. A landzelela mintila hinkwayo ya Uziya tata wa yena, kambe a nga nghenelelanga mintirho ya le Tempeleni. Loko va ri vanhu va yena, vona a va ha ya emahlweni ni swiendlo swa vona swa manyala.

Esaya 1:4

Yo, tiko ra vadyohi, vanhu lava nga lo pyì, hi vubihi, rixaka ra mikhuva leyo biha, leri hanyaka hi manyala ntsena! Va tshikile HOSI Xikwembu, va sandza Muhlawuleki wa Israele, va tlhela va n'wi fularhela.