Eksoda 32:6 - BIBELE Mahungu Lamanene

⁶ Hi siku leri tlhandlamaka, va pfuka wa ha ri mpundzu, va humesa magandzelo lama hisiwaka ni ya xinakulobye; kutani vanhu va tshama ehansi, va dya ni ku nwa, va sungula ku endla swilo swo ka swi nga tivikani.

Xitsonga (Bibele)

⁶ Kutani va pfuka ka ha ri mixo, va humesa magandzelo lama hisiwaka, ni magandzelo ya ku khensa; kutani tiko ri tshama hansi, ri dya, ri nwa, kutani va suka va cina.

Eksoda 32:6 Referans Kwoze

1 Vakorinto 10:7

Mi nga vi vanhu lava phahlaka swikwembu swa hava, kukotisa van'wana va vona. Hilaha Tsalwa ri vulaka hakona ri ku: “Vanhu va tshamile ehansi va dya ni ku nwa, kutani va sungula ku cina.”

Tinhlayo 25:2

Vavasati lava a va hamba va rhamba vavanuna va Israele etimhambeni ta swikwembu swa Vamowabu, kutani vavanuna lava va dya leswi humeseriwaka swikwembu, va tlhela va nkhinsamela swikwembu swa kona.

Nhlavutelo 11:10

Lava akeke emisaveni va tsaka hi ku dlawa ka vona, va cina, va nyikana ni tinyiko, hikuva vaprofeta lava vambirhi a va vangela vaaki va misava emaxangu.

Amosi 8:10

Ndzi ta hundzula minkhuvo ya n'wina yi va minkosi, ni tinsimu ta n'wina hinkwato ti va ta swirilo; ndzi ta mi ambexa leswo khwaxa hinkwenu, ndzi mi byewula ni tinhloko. Siku ra kona, ndzi ta ri endla ri fana ni ra ku rila n'wana un'we wa xinuna; eku heteleleni, ku ta sala mbitsi ntsena.”

Amosi 2:8

Hinkwako laha va gandzelaka kona, va etlela eminkumbeni leyi va nga yi tekela lava nga ni milandzu; ni le ndlwini ya mina Xikwembu xa vona, va nwa vhinyo leyi humesiweke ku riha milandzu.

Eksoda 32:5

Loko Aroni a vona leswi humelelaka, a aka alitari emahlweni ka rhole, kutani a tivisa vanhu, a ku: “Mundzuku ku ta va ni nkhuvo wa ku tlangela HOSI Xikwembu.”