Eksoda 32:5 - BIBELE Mahungu Lamanene

⁵ Loko Aroni a vona leswi humelelaka, a aka alitari emahlweni ka rhole, kutani a tivisa vanhu, a ku: “Mundzuku ku ta va ni nkhuvo wa ku tlangela HOSI Xikwembu.”

Xitsonga (Bibele)

⁵ Kakuloko Aroni a vona sweswo, a aka alitari emahlweni ka rhole; kutani Aroni a huwelela, a ku: “Mundzuku wu ta va nkhuvo wa Yehovha!”

Eksoda 32:5 Referans Kwoze

2 TIHOSI 10:20

Kutani Yehu a lerisa a ku: “A ku hlawuriwe siku leri ku nga ta gandzeriwa Baali ntsena.” Kutani siku ri vekiwa.

Levhitika 23:37

“Leyi hi yona minkhuvo leyi vekiweke yo tlangela mina HOSI. Hi masiku lawa ya minkhuvo, mi fanele ku vitanana, mi hlengeletana mi ndzi gandzela, mi ndzi humesela magandzelo lama hisiwaka, ni ya xinakulobye, ni ya swa le masin'wini, mi ma humesa ni vhinyo ya kona, hi masiku lama vekiweke;

Levhitika 23:2

ku ya tivisa Vaisraele marito ya xona lama nge: “Ku ni masiku lawa ndzi ma vekeke ya minkhuvo, lawa mi faneleke ku hlengeletana ha wona mi ndzi gandzela mina HOSI; lawa hi wona masiku ya minkhuvo lawa ndzi ma vekeke.

1 Vakorinto 5:8

Hikokwalaho, a hi endleni nkhuvo ku nga ri hi comela xa khale, ku nga ri hi comela xa vudyoho ni ku homboloka, kambe ku ri hi xinkwa xo-ke-comela, xo tenga ni xa ntiyiso.

Hosiya 8:14

Vanhu va tiko ra Israele va rivala Muvumbi wa vona. Va tiakela miti leyikulu; vanhu va tiko ra Yuda vona va aka miti leyi sirheleriweke; kambe mina ndzi ta hoxa ndzilo emitini leyi, wu ta herisa ni makhokholo ya kona.

Hosiya 8:11

Va ka Efrayimi va akile tialitari leto tala, va lava ku susa swidyoho, kambe ti hundzukile tialitari leti ti va dyohisaka.

2 TIKRONIKA 30:5

Naswona, va twanana ku vitana Vaisraele hinkwavo ku sukela eBerexeba edzongeni ku ya fika le Dani en'walungwini, va va rhamba eYerusalema enkhubyeni wa Paseka ya HOSI, Xikwembu xa Israele. (Nawu wa khale wa ku rhamba tinyimba hinkwato ta Israele enkhubyeni, a wu tshikiwile malembe layo tala.)

2 TIHOSI 16:11

Kutani muprista Uriya a aka alitari hi ku landza hinkwaswo leswi hosi Akazi a swi leriseke a ri eDamaska. Muprista Uriya a endlisa sweswo, hosi Akazi a nga si vuya hi le Damaska.

1 TIHOSI 21:9

Emapapileni lawa, Yezabele a a tsarile leswi: “Lerisani siku ro titsona swakudya, kutani mi nyika Naboto exitshamu xa le mahlweni enhlengeletanweni;

1 SAMIELE 14:35

Kutani Sawulo a akela HOSI Xikwembu alitari; yi vile yona alitari yo sungula leyi a yi akeleke HOSI Xikwembu.

Levhitika 23:21

Hi siku roleri, mi fanele ku vitanana, mi hlengeletana mi ndzi gandzela, mi nga tirhi ntirho na wun'we lowu tikaka. Nawu lowu, mi fanele ku wu landza hinkwako lomu mi nga ta tshama kona, n'wina ni vatukulu va n'wina hilaha ku nga heriki.

Levhitika 23:4

Minkhuvo leyi yi vekiweke yo tlangela mina HOSI, ma nga masiku lawa mi faneleke ku vitanana ha wona, mi hlengeletana mi ndzi gandzela, hi leyi:

Eksoda 32:4

Kutani Aroni a amukela nsuku eka vona, a wu n'okisa exibyeni xo n'okisela eka xona, a vumba xifaniso xa rhole; hiloko vanhu va ku: “N'wina Vaisraele, hi lexi Xikwembu xa n'wina, lexi xi mi humeseke etikweni ra Egipta!”

Eksoda 12:14

“Siku leri, mi fanele ku ri tsundzuka; ri ta va siku leri mi nga ta endla nkhuvo wo tlangela HOSI Xikwembu ha rona. Nkhuvo lowu wu ta va xiboho ni le ka hinkwavo lava nga ta velekiwa, hilaha ku nga heriki.

Eksoda 10:9

Muxe a hlamula a ku: “Hi fanele ku famba hinkwerhu, hambi va ri lavatsongo kumbe lavakulu. Hambi va ri vana va hina va majaha kumbe vanhwana, hi ta famba na vona; na tona timbuti ni tinyimpfu ni tihomu ta hina, a ti nga sali, hikuva hi ta va ni nkhuvo wo tlangela HOSI Xikwembu.”

Eksoda 32:6

Hi siku leri tlhandlamaka, va pfuka wa ha ri mpundzu, va humesa magandzelo lama hisiwaka ni ya xinakulobye; kutani vanhu va tshama ehansi, va dya ni ku nwa, va sungula ku endla swilo swo ka swi nga tivikani.

Eksoda 17:15

Kutani Muxe a aka alitari, a yi thya vito ra “HOSI-i-mujeko-wanga”,