Eksoda 32:32 - BIBELE Mahungu Lamanene

³² Kambe sweswi wa nga va rivalela ku dyoha ka vona; loko u nga swi tsakeli, sula vito ra mina ebukwini leyi u tsaleke mavito ya vanhu va wena eka yona.”

Xitsonga (Bibele)

³² Kambe sweswi, wanga va rivalela ku dyoha ka vona! Loko swi nga ri tano, hlangula vito ra mina ebukwini ya wena leyi u yi tsaleke.

Eksoda 32:32 Referans Kwoze

Pisalema 69:28

Sula mavito ya vona ebukwini ya vutomi, ma nga ha tsariwi swin'we ni mavito ya lavo lulama.

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.

Vafilipiya 4:3

Ndza ku kombela na wena mutirhi-kulorhi la tshembekaka: Pfuna vamanana lava; va ndzi seketerile swinene entirhweni wa Evhangeli, va ri na Klemento, ni vatirhi-kulorhi lavan'wana, lava mavito ya vona ma tsariweke ebukwini ya vutomi.

Varhoma 9:3

Hikuva a ndzi ta navela, mina hi xiviri xa mina, ku va loyi a cukumetiwaka, ndzi hambanisiwa na Kriste hikwalaho ka vona lava va nga va rixaka ra ka hina hi ku velekiwa.

Daniele 12:1

Munhu la ambaleke xiambalo xa ntsembyani a engeta a ku ka Daniele: “Enkarhini wolowo, ku ta humelela Mikaele, ntsumi leyikulu leyi yimelaka va ka n'wina etilweni; kutani ku ta va ni nkarhi wa maxangu lama nga si tshamaka ma humelela, himpfhuka vanhu va va kona emisaveni, naswona ma nge humeleli ku nga si fika masiku wolawo. Kutani hi kona ku nga ta kutsuriwa vamakwenu hinkwavo, lava mavito ya vona ma nga ta va ma tsariwile eka Buku ya vutomi.

Nhlavutelo 3:5

Loyi a hlulaka, ú ta ambexiwa hi mukhuva wolowo, a nyikiwa tinguvu leto basa. A ndzi nga susi vito ra yena ebukwini ya vutomi, ndzi ta tivisa vito ra kona emahlweni ka Tata wa mina ni le mahlweni ka tintsumi ta yena.

Pisalema 139:16

U ndzi vonile ndzi nga si va ni xivumbeko. Masiku lawa u nga ndzi lunghisela wona, u ma tsarile hinkwawo ebukwini ya wena na rin'we ra wona ri nga si va kona.

Pisalema 56:8

Maxangu ya mina u ma tivile we HOSI, u hlengeletile mihloti ya mina exibyeni. Xana swilo leswi a wu swi tsalanga ebukwini ya wena xana?

Nhlavutelo 17:8

Xivandzana lexi u xi voneke, a xi ri kona, kutani a xa ha ri kona, kambe xi ta fanela ku tlhandluka xi huma hi le kheleni lero enta ku ya ni ku ya, xi ya eku loveni. Kutani vaaki va laha misaveni, lava mavito ya vona ma nga tsariwangiki ebukwini ya vutomi khale, misava yi nga si tumbuluka, va ta hlamala ku vona xivandzana, hikuva a xi ri kona, kutani a xa ha ri kona, kambe xi ta fanela ku tlhela xi va kona.

Duteronoma 29:20

Munhu wo tano, HOSI Xikwembu xi nga ka xi nga n'wi rivaleli; vukari bya xona byi ta pfurha ehenhla ka yena, hikuva xi na rilaveta; ú ta weriwa hi makhombo lama tsariweke ebukwini leyi, ku kondza HOSI Xikwembu xi n'wi herisa, a nyamalalela makumu.

Duteronoma 25:19

Hikokwalaho, loko HOSI Xikwembu xa n'wina xi ta va xi mi wisisile ni ku mi sirhelela eka valala va n'wina lava nga ta va va mi rhendzerile matlhelo hinkwawo, etikweni leri xi nga ta mi nyika rona ri va ndzhaka ya n'wina, mi fanele ku herisa Vaamaleke emisaveni, ku nga sali na un'we loyi vanhu va nga ta va tsundzuka ha yena; mi nga yi rivali mhaka leyi.

Duteronoma 9:14

sweswi ndzi tshike ndzi va herisa, ku nga sali na un'we wa mhamba laha misaveni, kutani wena ndzi ta ku endla tiko lerikulu ra matimba ku tlula vona.’

Tinhlayo 14:19

Ku sukela loko va humile etikweni ra Egipta ku ta fika namuntlha, vanhu lava u va rivalerile milandzu ya vona, hikwalaho ka ku tala ka tintswalo ta wena; kutani nisweswi, ndzi kombela leswaku u va rivalela.”

Eksoda 32:10

sweswi, ndzi tshike ndzi pfurhisa vukari bya mina ehenhla ka vona, ndzi va herisa; kambe wena, ndzi ta ku endla tiko lerikulu.”

Luka 23:34

[Kutani Yesu a ku: “Tatana, va rivalele, hikuva a va tivi leswi va swi endlaka.”] Kutani va avelana swiambalo swa yena hi ku hoxa vuhlolotwana.

Amosi 7:2

Loko tinjiya ti lava ku heta byanyi etikweni, ndzi ku: “HOSI, N'wini wanga, ndzi kombela leswaku u va rivalela. Leswi rixaka ra Yakobo ri nga ritsongo ngopfu, xana ri ta hanyisa ku yini xana?”

Ezekiele 13:9

“Ndzi ta komba matimba ya mina hi ku ba vaprofeta lava vo vona swivono swa hava ni ku vhumbha mavunwa. A va nga ngheni entlaweni wa vanhu va mina, kumbe ku tsariwa etibukwini ta Vaisraele, naswona a va nga tlheleli etikweni ra Israele; kutani hi kona va nga ta tiva leswaku HOSI Xikwembu hi mina.

Nhlavutelo 22:19

Ni loko un'wana a nga susa swin'wana eka marito ya vuhlavuteli bya buku leyi, Xikwembu xi ta n'wi sivela ku dya mihandzu ya murhi wa vutomi, ni ku tshama emutini lowo hlawuleka, swi nga swilo leswi hlamuseriweke ebukwini leyi.

Luka 10:20

Hambiswiritano, mi nga tsaki hi leswi mimoya yi mi yingisaka; kambe tsakani hi leswi mavito ya n'wina ma tsariweke etilweni.”

Tinhlayo 11:15

Loko u lava ku ndzi khoma hi ndlela leyi, ndzi twele vusiwana, u hatla u ndzi dlaya, ndzi ta ka ndzi nga ha voni maxangu lawa u ndzi kombaka wona.”

2 SAMIELE 18:33

Kavaloko hosi Davhida a tlhaveka swinene, kutani a tlhandlukela endlwini leyi nga henhla ka nyangwa, a ri karhi a rila, a ku: “Yo n'wananga Abixalomu, n'wana wa mina, Abixalomu n'wananga! Ingi ku lo fa mina ematshan'wini ya wena! Yo Abixalomu n'wananga, n'wana wa mina!”

Esaya 4:3

Hinkwavo lava va nga ta va va ha hanya emutini wa Siyoni, lava nga ta va va ha kumeka eYerusalema, va ta vuriwa lava hlawulekeke, hikuva mavito ya vona ma ta va ma tsariwile eYerusalema, leswaku va hanya.

Malakiya 3:16

Kutani vanhu lava chavaka HOSI Xikwembu, a va vulavula swin'we. Hiloko HOSI Xikwembu xi rhiya ndleve xi va yingisa, kutani ku tsariwa buku emahlweni ka xona, yo tsundzuka hinkwavo lava chavaka HOSI Xikwembu, lava xiximaka vito ra xona.

Malakiya 3:17

Kutani HOSI ya matimba hinkwawo yi ku: “Vanhu lava va ta va va mina; va ta va ndzhaka ya mina leyo hlawuleka siku ndzi nga ta avanyisa misava. Ndzi ta va tsetselela ku fana ni mutswari, loko a tsetselela n'wana wa yena loyi a n'wi tirhelaka.

Tinhlayo 11:25

Kutani HOSI Xikwembu xi rhelela xi ri epapeni, xi ta vulavula na yena; xi hunguta moya wun'wana eka lowu Muxe a a ri na wona, xi wu avela vakulukumba lava va 70. Loko wu va xikerile, va sungula ku vhumbha, kambe swi lo va swa siku rero ntsena.