Eksoda 32:3 - BIBELE Mahungu Lamanene

³ Kavaloko vanhu hinkwavo va anyuletela swingwavila swa nsuku leswi a swi ri tindleveni ta vona, va swi yisa eka Aroni.

Xitsonga (Bibele)

³ Kutani vanhu hinkwavo va anyula swingwavila swa nsuku leswi nga etindleveni ta vona, va swi tisa eka Aroni;

Eksoda 32:3 Referans Kwoze

Yeremiya 10:9

Swi namekiwe silivhere ya le Tarxixi, ni nsuku wa le Ufazi; swi lo vatliwa kunene, ni ku vumbiwa hi lava tivaka ku n'okisa nsuku; swiambalo swa swona i swa muhlovo wa rihlaza ra tilo ni wa xivunguvungu; hinkwaswo swi endliwile hi lava tivaka ntirho wa vona.

Esaya 46:6

Vanhu va humesa nsuku lowo tala eminkwameni ya vona, va pima na silivhere hi swikalu, va swi yisa eka mufuri wa nsuku, va n'wi thola leswaku a va endlela xikwembu ha swona, kutani va nkhinsama va xi gandzela.

Genesa 24:22

Loko tikamela ti hetile ku nwa mati, lowa nandza a humesa xingwavila xa nsuku xo tika 6 g, ni masindza mambirhi ya nsuku yo tika 120 g lawa Rhaveka a nga ta bela emavokweni.

Genesa 35:4

Kutani va nyika Yakobo swikwembu hinkwaswo swa vamatiko leswi a va ri na swona, va n'wi nyika ni swingwavila leswi a swi ri entindleveni ta vona. Hiloko Yakobo a ya swi celela ehansi ka murhi wa nkuhlu lowu a wu ri kwale kusuhi ni muti wa Xikeme.

Eksoda 32:2

Kutani Aroni a ku ka vona: “Anyulani swingwavila swa nsuku leswi nga tindleveni ta vasati va n'wina, ni ta vana va n'wina va xinuna ni va xisati, mi ndzi tisela swona.”

Eksoda 32:4

Kutani Aroni a amukela nsuku eka vona, a wu n'okisa exibyeni xo n'okisela eka xona, a vumba xifaniso xa rhole; hiloko vanhu va ku: “N'wina Vaisraele, hi lexi Xikwembu xa n'wina, lexi xi mi humeseke etikweni ra Egipta!”

Eksoda 33:6

Kutani Vaisraele va hluvula swo tibombisa ha swona; a va ha swi ambalanga, ku sukela entshaveni ya Horebe, ni ku ya emahlweni.

Esaya 3:19

ni swingwavila swa le tindleveni, ni vuhlalu, ni maduku ya le nhan'wini,