Eksoda 32:22 - BIBELE Mahungu Lamanene

²² Aroni a hlamula a ku: “We n'wini wanga, u nga tshuki u kariha ku tlula mpimo; wa va tiva vanhu lava leswaku va bihile ngopfu.

Xitsonga (Bibele)

²² Aroni a ku: “Hosi yanga yi nga tshuki yi kariha! Wa swi tiva leswaku vanhu va tiko leri, va bihile;

Eksoda 32:22 Referans Kwoze

Duteronoma 9:24

Ku sukela enkarhini lowu ndzi mi tiveke ha wona, a mi si tshama mi yingisa swileriso swa HOSI Xikwembu.

1 SAMIELE 15:24

Kavaloko Sawulo a tisola ka Samiele, a ku: “Ndzi dyohile, hikuva ndzi tlurile xileriso xa HOSI Xikwembu ni marito ya wena, hikwalaho ka ku yingisa marito ya vanhu, ndzi va chava.

Eksoda 16:20

Kambe a va n'wi yingisanga: Van'wana va dyile va siyela mundzuku, kutani leswi a swi sele swi huma swivungu swi nun'hwa; kutani Muxe a va holovela swinene.

Eksoda 15:24

Hiloko vanhu va dzumadzumela Muxe va ku: “Hi ta nwa yini xana?”

Eksoda 14:11

kutani va ku ka Muxe: “Xana ku kala u hi humesa etikweni ra Egipta leswaku hi ta fela laha mananga, a ku lo pfumaleka masirha le Egipta xana ke? Kutani swi hi pfune yini loko u hi humesile le Egipta ke?

Swivuriso 4:16

Lavo homboloka a va etleli loko va nga si endla swo biha, loko va nga si vavisa munhu, vurhongo a byi ti.

Pisalema 36:4

Hambi a etlele nivusiku, ú le ku lukeni ka mano layo biha, a hlawula ndlela leyi nga riki yona, a nga fularheli leswo biha.

Duteronoma 31:27

Ndza swi tiva leswaku mi tinonon'hwisa ngopfu, a mi twi! Vonani, hambi sweswi ndza ha hanyaka, ma tinonon'hwisa. Xana swi ta va njhani loko ndzi file xana?

Duteronoma 9:7

“Mi fanele ku tsundzuka leswaku le mananga mi hlundzukisile HOSI Xikwembu, mi nga tshuki mi swi rivala. Ku sukela siku leri mi humeke ha rona le tikweni ra Egipta, ku fika namuntlha, a mi yingisanga swileriso swa HOSI Xikwembu;

Eksoda 16:28

Kutani HOSI Xikwembu xi ku ka Muxe: “Xana mi ta ala ku hlayisa swileriso ni milawu ya mina ku fikela rini xana?

Genesa 44:18

Kutani Yuda a tshinela eka Yosefa, a ku ka yena: “We n'wini wanga, mina nandza wa wena ndzi kombela leswaku u ndzi lombanyana tindleve, ndzi ni rito na wena. U nga tshuki u ndzi hlundzukela. Wena na hosi Faro, ma ringana!

Eksoda 32:21

Kutani Muxe a vutisa Aroni a ku: “Xana vanhu lava va ku endlile yini, lero kala u va vangela xidyoho xo kurisa leswi, xana?”

1 SAMIELE 15:15

Sawulo a hlamula a ku: “Vanhu va mina va vuyile na swona hi le ka Vaamaleke; va hlayisile tinyimpfu ni tihomu leto saseka, leswaku va ta humesela HOSI Xikwembu xa wena egandzelo; kambe leswin'wana hinkwaswo, hi swi herisile, swi ku bì!”

1 SAMIELE 15:21

Hakunene vanhu va phanghile tihomu ni tinyimpfu, ni swin'wana swa risima exikarhi ka leswi a swi fanele ku herisiwa, kambe va endlela ku ta humesa gandzelo emahlweni ka HOSI Xikwembu xa wena la Giligala.”

Eksoda 32:1

Loko Vaisraele va vona leswaku Muxe wa hlwela ku rhelela a vuya hi le ntshaveni, va vitanana va ya hlengeletana eka Aroni, va ku ka yena: “Hatlisa u hi endlela xikwembu lexi nga ta hi rhangela emahlweni, hikuva a hi tivi leswaku Muxe wa kona loyi a nga hi susa etikweni ra Egipta, ú helele kwihi.”