Eksoda 32:20 - BIBELE Mahungu Lamanene

²⁰ Kutani Muxe a teka xifaniso xa rhole lexi a va xi vumbile, a xi hisa, a xi sila xi hundzuka mapa, a haxa mapa lawa ehenhla ka mati, a nwisa Vaisraele.

Xitsonga (Bibele)

²⁰ Kutani a teka rhole leri va ri endleke a ri hisa hi ndzilo, a ri sila, a ri endla mapa, a chela ematini, a nwisa vana va Israele.

Eksoda 32:20 Referans Kwoze

Duteronoma 9:21

Kutani ndzi teka xilo lexi xi mi dyohiseke, ri nga rhole leri mi ri endleke, ndzi hisa, ndzi fayetela ku huma mapa, kutani ndzi teka mapa ya kona ndzi ma chela exinambyaneni lexi khulukaka xi suka entshaveni.

Swivuriso 14:14

Loyi a nga ni mahanyelo yo biha, ú tshovela mihandzu ya swiendlo swa yena, na yena lonene, ú vuyeriwa hi mihandzu ya mintirho ya yena.

Swivuriso 1:31

hikokwalaho, swiendlo swa vona swi ta va xanisa, mano ya vona ma ta va dlayisa.

2 TIHOSI 23:15

Naswona, Yosiyasi a hindzimuxa alitari ya le Betele, exivandleni lexo hlawuleka lexi Yerobuwamu n'wana Nebati a a xi lulamisile, lexi a dyohiseke Vaisraele ha xona. A hindzimuxa alitari leyi ni hinkwaswo swa xitsunga xa kona, a fayetela maribye ya yona, a ma kandziyela, a hisa ni mhandze ya Axera xikwembukazi.

2 TIHOSI 23:6

A humesa mhandze ya Axera xikwembukazi endlwini ya HOSI Xikwembu, a yi yisa ehandle ka muti wa Yerusalema enkoveni wa Kidroni, a yi hisela kona; a kandziyela nkuma wa yona a ya wu halata eswilahlweni swa vanhu lava nga riki tihosi.

Duteronoma 7:25

Mi ta hisa swifaniso swa swikwembu swa vona leswi vatliweke; mi nga tshuki mi navela silivhere kumbe nsuku lowu namekiweke eka swifaniso leswi, hikuva loko mo tshuka mi titekela wona, wu ta hundzuka ntlhamu lowu wu nga ta mi phasa. Swilo leswi, HOSI Xikwembu xa n'wina xa swi nyenya;

Duteronoma 7:5

Vanhu lava, va endleni leswi: Mi fanele ku hindzimuxa tialitari ta vona, mi fayetela ni maribye ya vukhongeri bya vona bya hava, mi tsemelela timhandze ta Axera xikwembukazi xa vona, mi hisetela ni swikwembu swa vona leswi vatliweke.

Eksoda 32:21

Kutani Muxe a vutisa Aroni a ku: “Xana vanhu lava va ku endlile yini, lero kala u va vangela xidyoho xo kurisa leswi, xana?”

1 TIHOSI 15:13

Tlhandlakambirhi, a hlongola kokwa wa yena Maaka etifanelweni ta vunkosikazi bya tiko, hikuva a a ri ni xifaniso xa manyala lexi a xi vumberiwile Axera xikwembukazi. Asa a susa xifaniso lexi, a ya xi hisa exinkobyaneni xa Kedroni.

2 TIKRONIKA 34:4

Kutani a lerisa vanhu va yena ku hirimuxa tialitari ta Baali a ri karhi a swi vona; va wisa ni tialitari ta mirhi ya risuna eswivandleni sweswo, va fayetela timhandze ta Axera, ni swifaniso leswi vatliweke ni leswi vumbiweke swa vukhongeri bya hava; va swi sila, swi hundzuka ritshuri, va ya ri chela emasirheni ya vanhu lava a va tolovele ku humesela swikwembu leswi emagandzelo.