Eksoda 32:19 - BIBELE Mahungu Lamanene

¹⁹ Kan'we-kan'we loko Muxe a fika kusuhi ni mixaxa, a vona xifaniso xa rhole ni ku cina ka vanhu, kutani a pfurha hi vukari, a cukumeta maribye lawa a a ma khomile, ma fayekela kwala hansi ka ntshava.

Xitsonga (Bibele)

¹⁹ Kuteloko a tshinelela mixaxa, a vona rhole ni lava cinaka. Kavaloko Muxe a kariha, a cukumeta maribye emavokweni ya yena, ma fayeka ehansi ka ntshava.

Eksoda 32:19 Referans Kwoze

Vaefesa 4:26

Loko mi tshuka mi hlundzuka, mi nga weli eku dyoheni; dyambu ri nga tshuki ri pela ma ha hlundzukile,

Marka 10:14

Loko Yesu a swi vona, a vilela ngopfu, a ku ka vona: “Tshikani vana va ta ka mina, mi nga tshuki mi va sivela, hikuva Mfumo wa Xikwembu i wa lava fanaka na vona.

Marka 3:5

Yesu a va rhalarhala hi mahlo a hlundzukile, a vavisekile hi ku nonon'hwa ka timbilu ta vona, kutani a ku ka munhu loyi: “Tshambuluta voko ra wena.” A ri tshambuluta, kutani voko ra yena ri tlhela ri ololoka.

Matewu 5:22

Kambe mina ndzi ri ka n'wina: Un'wana ni un'wana la hlundzukelaka makwavo, ú ta fanela ku avanyisiwa; loyi a nge ka makwavo: ‘U xiphukuphuku!’ ú fanele ku yisiwa eka muavanyisi; la nge ka yena: ‘Xihunguki ndziwena!’ ú fanele hi ndzilo wa Tihele.

Zakariya 11:14

kutani ndzi tshova nhonga ya mina ya vumbirhi leyi vuriwaka “Vuxaka”, ndzi endlela ku onha xinakulobye exikarhi ka vanhu va le Yuda ni vanhu va le Israele.

Swirilo 5:15

Ntsako wu herile etimbilwini ta hina, ku cina ka hina ku hundzuke nkosi.

Yeremiya 31:32

Ntwanano wa kona wu ta hambana ni lowu ndzi wu endleke khale ni vatata wa vona, siku ndzi va humeseke etikweni ra Egipta. Ntwanano wa mina lowo rhanga, va wu tshovile, hambileswi a ndzi ri n'wini wa vona; ndzi vula sweswo mina HOSI.

2 SAMIELE 6:14

kutani a dzunisa HOSI Xikwembu hi ku cina hi matimba ya yena hinkwawo, a ambele nceka wa ntsembyani lowu vuriwaka “efodi”.

Duteronoma 27:26

“ ‘A a rhukaniwe, munhu loyi a nga riki na mhaka ni leswi tsariweke eka Nawu lowu, la nga hanyiki ha swona.’ Kutani Vaisraele hinkwavo va ta hlamula va ku: ‘Amen!’

Tinhlayo 12:3

Muxe a a ri wanuna wo titsongahata, ku tlula vanhu hinkwavo emisaveni.

Eksoda 32:11

Kambe Muxe a kombela HOSI Xikwembu hi matimba, a ku: “We HOSI, hikwalaho ka yini vukari bya wena byi pfurhela vanhu va wena lava u va humeseke etikweni ra Egipta hi matimba lamakulu ni voko leri tiyeke, xana?

Eksoda 15:20

Muprofeta Meriyamu, loyi a a ri makwavo wa Aroni, a teka xingomana; vavasati hinkwavo va huma va n'wi landza, va ri karhi va khankha, va khomile swingomana swa vona.

1 Vakorinto 10:7

Mi nga vi vanhu lava phahlaka swikwembu swa hava, kukotisa van'wana va vona. Hilaha Tsalwa ri vulaka hakona ri ku: “Vanhu va tshamile ehansi va dya ni ku nwa, kutani va sungula ku cina.”

Eksoda 32:18

Kambe Muxe a hlamula a ku: “Leswi mina ndzi twaka swona a hi mpfumawulo wa ku giya ka vahluri, naswona a hi huwa ya mikhosi ya lava hluriweke, kambe i mpfumawulo wa ku yimbelela.”

Eksoda 34:1

Kutani HOSI Xikwembu xi ku ka Muxe: “Vatla maribye mambirhi ya swiphepherhele, ma fana ni layo sungula; kutani mina ndzi ta tsala kambe marito lawa a ma ri eka maribye layo sungula, lawa u ma fayeke.

Pisalema 119:53

Lavo homboloka va ndzi hlundzukisa ngopfu, hikuva a va na mhaka ni nawu wa wena.

Duteronoma 10:2

Kutani mina ndzi ta tsala marito lawa a ma ri eka maribye layo sungula lawa u ma fayeke. Maribye lawa u ta ma veka endzeni ka Areka.’