Eksoda 32:17 - BIBELE Mahungu Lamanene

¹⁷ Loko Yoxuwa a twa huwa ya vanhu lava a va ri karhi va hokoloka, a ku ka Muxe: “Ku ni huwa ya nyimpi emixaxeni.”

Xitsonga (Bibele)

¹⁷ Kambe Yoxuwa a twa marito ya tiko loko ri huwelela; kutani a ku eka Muxe: “Ku ni huwa ya ku lwa emixaxeni.”

Eksoda 32:17 Referans Kwoze

Eksoda 24:13

Kutani Muxe na Yoxuwa museketeri wa yena va suka va famba; Muxe a sungula ku tlhandlukela entshaveni ya Xikwembu,

Eksoda 17:9

Kutani Muxe a byela Yoxuwa a ku: “Hlawula vavanuna lava nga ta hi lwela, u huma nyimpi na vona mi ya lwa ni Vaamaleke; loko a ri mina, mundzuku ndzi ta ya yima enhlohlorhini ya ntshava ndzi khomile nhonga ya Xikwembu evokweni.”

Amosi 2:2

Hikokwalaho ndzi ta rhumela ndzilo etikweni ra Mowabu, wu ta herisa ni tindlu ta vuhosi ta le Keriyoto; Vamowabu va ta fa exikarhi ka mpfilumpfilu wa nyimpi, emukhosini ni ku biweni ka mhalamhala.

Amosi 1:14

Hikokwalaho ndzi ta tshivela ndzilo erirhangwini ra muti wa Raba, wu ta herisa ni tindlu ta kona ta vuhosi, esikwini ra nyimpi ni mukhosi leri nga ta fana ni moya lowukulu wa xidzedze.

Yeremiya 51:14

HOSI ya matimba hinkwawo yi hlambanyile yi ku: “Valala lava ndzi nga ta ku rhumela vona, hakunene va ta ringana ni tinjiya hi ku tala, va ta ba huwa va giya, hileswi va ku hluleke.”

Pisalema 47:1

N'wina hinkwenu vamatiko, phokotelani! Banani nkulungwana mi twarisa Xikwembu,

Ntirho 39:25

Yi hlamula mhalamhala yi ku: ‘Aháà!’ yi nuheta nyimpi ya ha ri kule, yi twa ku lerisa ka vafambisi, ni huwa ya mavuthu.

1 SAMIELE 17:52

Vavanuna va Israele ni va Yuda va suka va ri karhi va huwelela, va hlongorisa Vafilista, va ya va tlhelela kusuhi na le Gayi, ni le nyangweni ya le Ekroni. Mintsumbu ya Vafilista a yi lo n'wálálálá, ku sukela eXarayimi, ku fikela eGati na le Ekroni.

1 SAMIELE 17:20

Davhida a pfuka nimpundzu swinene, a siya tinyimpfu na murisi un'wana, kutani a teka timbuva to ya nyika vamakwavo, a khoma ndlela, hilaha Yese a n'wi leriseke hakona. Loko a fika emixaxeni, a hlangana ni mavuthu ma hlomile ma ya erivaleni laha ku lweriwaka kona, ma ri karhi ma yimbelela tinsimu ta nyimpi.

Vaavanyisi 15:14

Kuteloko a fika eLehi, Vafilista va n'wi hlanganisa va ri karhi va ba huwa; kutani Moya wa HOSI Xikwembu wu nghena Samsoni hi matimba swinene, tintambhu leti a va n'wi bohile mavoko ha tona ti debya, wonge i ntsembyani loko wu tshwa hi ndzilo, mafundzu ya tona ma ntshunxeka.

Yoxuwa 6:20

Kutani Vaisraele va huwelela, timhalamhala na tona ti ri karhi ti biwa. Kuteloko Vaisraele va twa mpfumawulo wa mhalamhala, va huwelela swinene, kutani rirhangu ra muti ri wela hansi, Vaisraele va nghena emutini, un'wana ni un'wana a kongoma kwala a langutaneke na kona, kutani va teka muti wa Yeriko,

Yoxuwa 6:16

Kuteloko va wu rhendzeleka ra vu-7, vaprista va ba timhalamhala, kutani Yoxuwa a ku ka Vaisraele: “Huwelelani, hikuva HOSI Xikwembu xi mi nyikile muti wa Yeriko.

Yoxuwa 6:10

Kambe Yoxuwa a lerisa Vaisraele a ku: “Mi nga tshuki mi huwelela kumbe ku ba huwa, hambi ku ri ku vulavula kunene mi nga tshuki mi vulavurile, ku kondza ku fika siku leri ndzi nga ta mi lerisa leswaku mi huwelela; hi siku leri hi kona mi nga ta huwelela.”

Yoxuwa 6:5

Loko mi twa va ba mhalamhala nkarhi wo leha, vanhu hinkwavo va fanele ku huwelela swinene, kutani rirhangu ra muti ri ta wela hansi, masocha ma nghena emutini, un'wana ni un'wana a kongoma laha a langutaneke na kona.”

Eksoda 32:18

Kambe Muxe a hlamula a ku: “Leswi mina ndzi twaka swona a hi mpfumawulo wa ku giya ka vahluri, naswona a hi huwa ya mikhosi ya lava hluriweke, kambe i mpfumawulo wa ku yimbelela.”

Eksoda 32:6

Hi siku leri tlhandlamaka, va pfuka wa ha ri mpundzu, va humesa magandzelo lama hisiwaka ni ya xinakulobye; kutani vanhu va tshama ehansi, va dya ni ku nwa, va sungula ku endla swilo swo ka swi nga tivikani.

Eksoda 32:16

Maribye lawa, a ma endliwile hi HOSI Xikwembu, ni leswi a swi tsariwile ehenhla ka wona hi ku kevetla, a swi tsariwile hi xona.

1 TIKRONIKA 7:27

n'wana Elixama i Nuni; n'wana Nuni i Yoxuwa.