Eksoda 32:12 - BIBELE Mahungu Lamanene

¹² Xana Vaegipta a va nga vuli va ku: ‘Xikwembu xi humesile Vaisraele xi ri ni makungu yo biha ya ku ya va lovisela etintshaveni, xi va herisela makumu emisaveni’ xana? Tshika vukari bya wena lebyo chavisa, u tlhela emakungwini ya wena yo endla swo biha eka vanhu va wena.

Xitsonga (Bibele)

¹² Vaegipta va ta vulela yini va ku: ‘U va humesile ku va endla swo biha, ku va dlaya etintshaveni, ni ku va heta laha emisaveni? Tlherisa ku kariha ka wena, u tshika khombo leri u ri lavelaka tiko ra wena.

Eksoda 32:12 Referans Kwoze

Duteronoma 9:28

hikuva vanhu va tiko leri u hi humeseke eka rona va ta ku: HOSI Xikwembu xi humesile Vaisraele xi ya va dlayela emananga, hikuva a xi tsandzeka ku va fikisa etikweni leri xi hlambanyeke ku va nyika rona, naswona a xi va venga.

Yoxuwa 7:9

Vakanana ni vaaki hinkwavo va tiko va ta yi twa mhaka leyi, kutani va ta hi hlasela va hi herisela makumu; kutani xana wena u ta endla yini hi vito ra wena lerikulu xana?”

Eksoda 32:14

Hiloko HOSI Xikwembu xi tlhela emakungwini lawa a xi ma vurile, ya ku endla leswo biha eka vanhu va xona.

Zakariya 8:14

HOSI ya matimba hinkwawo yi vurisa sweswo yi ri: “A ndzi tilulamisele ku mi herisa, kutani a ndzi tlhelelanga ndzhaku, hikuva vatata wa n'wina a va ndzi karihisile.

Yonasi 3:9

A hi tivi, kumbexana Xikwembu xi nga hundzuluxa miehleketo ya xona, xi tlhela emakungwini ya xona, xi rheleta vukari bya xona, leswaku hi nga tshuki hi lova.”

Amosi 7:6

Kavaloko HOSI yi tlhela emakungwini lawa, kutani yi ku: “Leswi na swona, a swi nga yi emahlweni.”

Amosi 7:3

Kavaloko HOSI yi tlhela emakungwini lawa, kutani yi ku: “Hiswona, a swi nga yi emahlweni.”

Ezekiele 20:22

Kambe leswi a ndzi swi endlanga hikuva a ndzi lavanga ku sorisa vito ra mina exikarhi ka vamatiko, va nga vanhu lava va ndzi voneke loko ndzi humesa Vaisraele etikweni ra Egipta.

Ezekiele 20:14

kambe leswi a ndzi swi endlanga, hikuva a ndzi lavanga ku sorisa vito ra mina exikarhi ka vamatiko, va nga vanhu lava va ndzi voneke loko ndzi humesa Vaisraele etikweni ra Egipta.

Ezekiele 20:9

Kambe leswi a ndzi swi endlanga, hikuva a ndzi lavanga ku sorisa vito ra mina exikarhi ka vamatiko lava hanyeke na Vaisraele, va nga vanhu lava va nga ndzi vona loko ndzi humesa Vaisraele etikweni ra Egipta.

Pisalema 106:45

Xi tsundzukile ntwanano wa xona na vona, xi va tsetselela hi mhaka ya rirhandzu ra xona lerikulu.

Pisalema 90:13

We HOSI, tana u ta hi pfuna, hina malandza ya wena; xana u ta yima kule na hina ku ya fika rini xana?

Pisalema 85:3

U rheletile vukari bya wena hinkwabyo, u tshika ku hlundzuka ka wena lokukulu.

Pisalema 78:38

Hambiswiritano, leswi xona xi nga ni tintswalo, xi va rivalerile milandzu ya vona xi nga va heriseli makumu; minkarhi yo tala xi tikhomile, xi nga va hlundzukeli ku tlula mpimo.

Pisalema 74:18

We HOSI, tsundzuka leswaku valala va wena va ku sandza, vatiarisi lava va tlanga hi vito ra wena.

Ezra 10:14

Swa antswa tindhuna ta hina ti va tona ti yimelaka ntshungu lowu hinkwawo, kutani vanhu lava va nga mitini ya hina lava tekeke vasati eka vamatiko va vekeriwa minkarhi leyi va nga ta ta ha yona. Va fanele ku ta ni vakulukumba va ka vona ni vaavanyisi va kona, ku kondza Xikwembu xa hina xi rheleta vukari bya xona lebyi pfurhaka ehenhla ka hina hikwalaho ka mhaka leyi.”

Yoxuwa 7:26

Vaisraele va fumba maribye ehenhla ka ntsumbu wa Akani ma endla nhulu leyikulu leyi nga kona ni namuntlha; kutani vukari bya HOSI Xikwembu byi vohla. Hikwalaho, ndhawu leyi ni namuntlha ya ha vuriwa Nkova wa Akora (hileswaku “Nkova-wa-Khombo”).

Duteronoma 32:36

“HOSI Xikwembu xi ta yima ni vanhu va xona loko xi vona leswaku a va ha ri na matimba, xi ta twela malandza ya xona vusiwana, loko xi vona leswaku wonge a ku nga ha sali munhu, hambi hlonga kumbe la ntshunxekeke.

Duteronoma 13:17

Mi nga tshuki mi tihlawulela xilo ni xin'we xa leswi nyiketeriweke ku herisiwa, leswaku HOSI Xikwembu xi ta vohlisa vukari bya xona lebyi pfurhaka, kutani xi ta mi komba rirhandzu ra xona, xi mi tsetselela, xi mi andzisa hilaha xi tshembiseke vatata wa n'wina hakona.

Genesa 6:6

xi vaviseka embilwini, xi tilaya leswi xi endleke munhu emisaveni,

Eksoda 33:13

Hikokwalaho, loko hakunene u ndzi tsakela, ndzi kombela leswaku u ndzi komba makungu ya wena, ndzi ta kota ku ku tiva, ndzi kota ni ku ku tsakisa; naswona tsundzuka leswaku vanhu lava, hi rona tiko ra wena.”

Tinhlayo 16:21

“Hambanani ni ntlawa wolowo, hikuva ndzi lava ku va herisa hinkwavo sweswi.”

1 SAMIELE 12:22

Hikwalaho ka vito lerikulu ra xona, HOSI Xikwembu xi nga ka xi nga mi cukumeti n'wina vanhu va xona, hikuva xi tsakerile ku mi hlawula, xi mi endla tiko ra xona.

1 TIHOSI 8:51

hikuva i vanhu va wena, ni ndzhaka ya yena leyi u yi humeseke etikweni ra Egipta, endzilweni wo n'okisa ni tinsimbhi.

Yeremiya 28:16

Hikokwalaho HOSI Xikwembu xi nge: ‘Yingisa, ndzi ta ku susa emisaveni. U ta fa lembe reri, hikuva u tiarisile u lwa na mina HOSI.’ ”

Yuwele 2:17

Vaprista, vona malandza ya HOSI Xikwembu, a va nghene exivaveni xa Tempele, va ya rila kusuhi ni alitari; a va vule va ku: “We HOSI, hi vanhu va wena ni ndzhaka ya wena, hi tsetselele, u nga tshuki u hi sandzisa ni ku hi endla xihlekiso eka vamatiko. Vanhu vambe va nga tshuki va vula va ku: ‘Xikwembu xa vona xi kwihi ke?’ ”

Tinhlayo 14:19

Ku sukela loko va humile etikweni ra Egipta ku ta fika namuntlha, vanhu lava u va rivalerile milandzu ya vona, hikwalaho ka ku tala ka tintswalo ta wena; kutani nisweswi, ndzi kombela leswaku u va rivalela.”

Esaya 64:7

Ku pfumala na munhu na un'we loyi a ku khongelaka, ku hava loyi a sukaka a yima a tshinela kusuhi na wena, hikuva u sukile exikarhi ka hina, u hi siyile ni swidyoho swa hina.

Esaya 64:8

“Hambiswiritano, we HOSI, u tata wa hina; hina hi vumba, muvumbi hi wena, hinkwerhu hi endliwile hi wena.