Eksoda 32:11 - BIBELE Mahungu Lamanene

¹¹ Kambe Muxe a kombela HOSI Xikwembu hi matimba, a ku: “We HOSI, hikwalaho ka yini vukari bya wena byi pfurhela vanhu va wena lava u va humeseke etikweni ra Egipta hi matimba lamakulu ni voko leri tiyeke, xana?

Xitsonga (Bibele)

¹¹ Kambe Muxe a khongela Yehovha, Xikwembu xa yena, a ku: “Oho Yehovha! U ri karihela yini tiko leri u ri humeseke eEgipta hi matimba lamakulu?

Eksoda 32:11 Referans Kwoze

Pisalema 106:23

Hikokwalaho, Xikwembu xi bohile ku va herisa, kambe Muxe muhlawuriwa wa xona a yima exikarhi ka xona na Vaisraele, a va lamulela evukarini bya xona lebyo chavisa.

Esaya 63:17

We HOSI, xana u hi tshikele yini hi hambuka endleleni ya wena, u tlhele u nonon'hwisa timbilu ta hina leswaku hi nga ha chavi, xana? Tlhela u vuya, u nga tshiki malandza ya wena, va nga vanhu va tinyimba ta Israele ndzhaka ya wena.

Tinhlayo 16:22

Kutani va wela hansi hi mimombo, va ku: “Oho Xikwembu, wena Xikwembu xa swilo hinkwaswo leswi hanyaka, xana u nga hlundzukela ntlawa lowu hinkwawo hikwalaho ka ku dyoha ka munhu un'we xana?”

Tinhlayo 11:11

a ku ka xona: “Hikwalaho ka yini u ndzi vangele maxangu, mina nandza wa wena, xana? Xana ndzi ku khunguvanyisile hi yini ku kala u ndzi rhwexa ndzhwalo wa vanhu lava hinkwavo xana?

Eksoda 32:7

Kutani HOSI Xikwembu xi ku ka Muxe: “Hatlisa u rhelela, hikuva vanhu va wena lava u va humeseke etikweni ra Egipta va tinyamisile, va ndzi dyohela.

Tinhlayo 14:13

Kambe Muxe a ku ka HOSI Xikwembu: “Vaegipta va ta yi twa mhaka leyi, hikuva hi wena u humeseke Vaisraele exikarhi ka vona, hi matimba ya wena.

1 SAMIELE 15:11

“Ndza tilaya loko ndzi vekile Sawulo a va hosi, hikuva ú tshikile ku ndzi landza, a nga endlanga ku lerisa ka mina.” Samiele a tlhaveka ngopfu, a rila emahlweni ka HOSI Xikwembu vusiku hinkwabyo.

1 TIHOSI 8:51

hikuva i vanhu va wena, ni ndzhaka ya yena leyi u yi humeseke etikweni ra Egipta, endzilweni wo n'okisa ni tinsimbhi.

Nehemiya 1:10

Lawa i malandza ya wena; hi vona vanhu va wena lava u va ntshunxeke hi ntamu wa wena lowukulu, ni mintirho ya wena ya matimba.

Yeremiya 15:1

HOSI Xikwembu xi ndzi byerile xi ku: “Vanhu lava a ndzi nga va tsetseleli, hambiloko Muxe na Samiele va nga ta emahlweni ka mina va va khongelela. Va hlongole va suka emahlweni ka mina!

Swirilo 2:20

We HOSI Xikwembu, languta u vona leswaku i mani loyi u n'wi endlaka leswi. Xana vamanana va fanele ku tidyela vana lava va va rhandzaka, ke? Xana vaprista ni vaprofeta va fanele ku dlayiwa, va fela exivandleni xa wena lexo hlawuleka xana?

Ezekiele 20:9

Kambe leswi a ndzi swi endlanga, hikuva a ndzi lavanga ku sorisa vito ra mina exikarhi ka vamatiko lava hanyeke na Vaisraele, va nga vanhu lava va nga ndzi vona loko ndzi humesa Vaisraele etikweni ra Egipta.

Yuwele 2:17

Vaprista, vona malandza ya HOSI Xikwembu, a va nghene exivaveni xa Tempele, va ya rila kusuhi ni alitari; a va vule va ku: “We HOSI, hi vanhu va wena ni ndzhaka ya wena, hi tsetselele, u nga tshuki u hi sandzisa ni ku hi endla xihlekiso eka vamatiko. Vanhu vambe va nga tshuki va vula va ku: ‘Xikwembu xa vona xi kwihi ke?’ ”

Genesa 18:27

Abrahama a hlamula a ku: “Vona, ndzi kanyile mbilu ndzi ta ndzi ta vulavula na wena HOSI, hambileswi ndzi ngo va ntshuri ni nkuma ntsena.

Eksoda 6:6

Hikokwalaho tivisa Vaisraele leswaku ndzi ri ka vona: ‘Hi mina HOSI Xikwembu, kutani ndzi ta mi humesa emintirhweni yo tika ya le Egipta, ndzi mi ponisa evuhlongeni bya kona, ndzi mi kutsula hi mintirho ya mina ya matimba ni ku avanyisa loku hlamarisaka.

Eksoda 8:8

Kutani Faro a vitana Muxe na Aroni, a ku ka vona: “Khongelani mi kombela HOSI Xikwembu leswaku xi susa mintlambya laha ka mina, ni le ka vanhu va mina; hi kona ndzi nga ta tshika vanhu, va famba va ya humesela HOSI Xikwembu emagandzelo.”

Tinhlayo 21:7

Hiloko Vaisraele va tsutsumela eka Muxe, va fika va ku ka yena: “Hi dyohile, hikuva hi sandzile HOSI Xikwembu, hi tlhela hi sandza na wena; sweswi hi kombela leswaku u hi khongelela eka HOSI Xikwembu leswaku xi hi susela tinyoka leti.” Kutani Muxe a va khongelela.

Tinhlayo 27:4

Xana leswi tatana a pfumalaka vana va xinuna, vito ra ndyangu wa yena ri ta nyamalalela makumu xana? Hi nyikeni misava leyi nga ta va ya hina exikarhi ka va ka hina.”

Daniele 9:15

“We N'wini wa hina ni Xikwembu xa hina, hi wena u hi humeseke etikweni ra Egipta, hi matimba ya wena lamakulu, u titwarisa ha swona ku ta fika ni namuntlha. Kambe hina hi ku dyoherile, hi endla leswo biha.