Eksoda 32:1 - BIBELE Mahungu Lamanene

¹ Loko Vaisraele va vona leswaku Muxe wa hlwela ku rhelela a vuya hi le ntshaveni, va vitanana va ya hlengeletana eka Aroni, va ku ka yena: “Hatlisa u hi endlela xikwembu lexi nga ta hi rhangela emahlweni, hikuva a hi tivi leswaku Muxe wa kona loyi a nga hi susa etikweni ra Egipta, ú helele kwihi.”

Xitsonga (Bibele)

¹ Kakuloko tiko ri vona leswaku Muxe a hlwela ku xika entshaveni, ri hlengeletana eka Aroni, ri ku eka yena: “Tana, u hi endlela swikwembu leswi hi rhangelaka emahlweni, hikuva loko a ri Muxe, wanuna loyi a hi humeseke etikweni ra Egipta, a hi tivi lexi n'wi humeleleke.”

Eksoda 32:1 Referans Kwoze

Timhaka 7:40

hiloko va ku ka Aroni: ‘Hi endlele swikwembu leswi nga ta hi rhangela emahlweni, hikuva Muxe loyi a nga hi humesa etikweni ra Egipta, a hi tivi leswaku ú humeleriwe hi yini.’

Duteronoma 9:9

Mina a ndzi tlhandlukerile entshaveni ku ya teka maribye ya swiphepherhele ya ntwanano lowu HOSI Xikwembu xi wu endleke na n'wina. Ndzi tshamile kona masiku ya 40 ni vusiku bya kona, ndzi nga dyi nchumu kumbe ku nwa nchumu.

2 Petro 3:4

va ku: “Swi helele kwihi, swa loyi ku nga tshembisiwa leswaku ú ta ta, xana? Hi mpfhuka vatatana va nga tietlelela, swilo hinkwaswo swa ha ya emahlweni hilaha a swi famba hakona, ku sukela loko misava yi tumbuluka.”

Eksoda 24:18

Kutani Muxe a nghena epapeni, a tlhandlukela entshaveni. Muxe ú tshamile entshaveni masiku ya 40 ni vusiku bya kona.

Matewu 24:48

Kambe loko nandza yoloyi a ri lowo biha, ú ta ehleketa embilwini ya yena a ku: ‘N'wini wa mina wa hlwela ku vuya’,

Timhaka 17:29

Kutani leswi hi nga va rixaka ra Xikwembu, a hi fanelanga ku anakanya leswaku vukwembu byi nga fana ni swifaniso swa nsuku, kumbe swa silivhere, kumbe swa ribye, swi nga swilo leswi vatliwaka hi vutlhari bya vanhu ni miehleketo ya vona.

Timhaka 19:26

Kutani ma swi vona, ni ku swi twa, leswaku Pawulo loyi ú kucetele vanhu lavo tala, ku nga ri la Efesa ntsena, kambe ú lavile ku eneta ni tiko hinkwaro ra Asiya; wa va hambukisa hi ku vula leswaku swikwembu leswi endliweke hi vanhu a hi swikwembu.

Mikiya 6:4

Ndzi mi humesile etikweni ra Egipta, ndzi mi kutsula evuhlongeni lebyi a mi ri ka byona, kutani ndzi veka Muxe, na Aroni, na Meriyamu ku va varhangeri va n'wina.

Hosiya 12:13

HOSI Xikwembu xi tirhisile muprofeta ku humesa Vaisraele etikweni ra Egipta, xi tlhele xi tirhisa yena ku va biyelela.

Eksoda 32:11

Kambe Muxe a kombela HOSI Xikwembu hi matimba, a ku: “We HOSI, hikwalaho ka yini vukari bya wena byi pfurhela vanhu va wena lava u va humeseke etikweni ra Egipta hi matimba lamakulu ni voko leri tiyeke, xana?

Eksoda 32:7

Kutani HOSI Xikwembu xi ku ka Muxe: “Hatlisa u rhelela, hikuva vanhu va wena lava u va humeseke etikweni ra Egipta va tinyamisile, va ndzi dyohela.

Eksoda 14:11

kutani va ku ka Muxe: “Xana ku kala u hi humesa etikweni ra Egipta leswaku hi ta fela laha mananga, a ku lo pfumaleka masirha le Egipta xana ke? Kutani swi hi pfune yini loko u hi humesile le Egipta ke?

Eksoda 13:21

Ninhlekanhi, HOSI Xikwembu a xi va rhangela hi ku nembeleta papa emahlweni ka vona, xi va komba ndlela, kasi nivusiku, a xi nembeleta ndzilo, xi va voningela ndlela, leswaku va ta kota ku famba vusiku ni nhlekanhi.

Eksoda 16:3

wu ku: “A swi ta antswa loko ingi HOSI Xikwembu xi hi lovisile ha ha ri etikweni ra Egipta, laha a hi tseleka timbita ta nyama, hi dya vuswa hi xurha, ku ri na ku hi humesa mi hi tisa laha mananga, mi ta dlayisa ntshungu lowu hinkwawo hi ndlala!”

Genesa 44:15

Yosefa a ku ka vona: “I mhaka muni leyi mi yi endleke xana? Xana a mi swi tivi leswaku ndzi munhu la kotaka ku femba xana?”

Yoxuwa 7:13

Suka u yima u ya basisa Vaisraele; u ta va byela ku tibasisela siku ra mundzuku, hikuva mina HOSI Xikwembu xa vona ndzi ni rito eka vona leri nge: ‘Exikarhi ka n'wina Vaisraele ku ni swilo leswi nyiketiweke leswaku swi herisiwa, kutani valala va n'wina mi nga ka mi nga va hluli, loko swilo leswi swi nyiketiweke leswaku swi herisiwa, mi nga si swi susa exikarhi ka n'wina.’

Eksoda 33:3

Tiko leri mi yaka eka rona ri khuluka ntswamba ni vulombe; kambe mina a ndzi nga fambi exikarhi ka n'wina, hikuva leswi mi nga vanhu lava tinonon'hwisaka, ndzi nga tshuka ndzi mi herisela makumu endleleni.”

Genesa 44:4

Loko va ha ku suka emutini, va nga si ya kule, Yosefa a ku ka mulanguteri wa muti wa yena: “Tsutsuma u landza vanhu lavaya! Loko u va kuma, u ta ku ka vona: ‘Hikwalaho ka yini mi endla leswo biha, kasi mina ndzi mi endlerile leswinene xana? Mi yivela yini xinwelo xa n'wini wa mina lexa silivhere xana?

Genesa 39:8

Kambe Yosefa a ala, kutani a ku ka nsati wa n'wini wa yena: “Vona, leswi ku nga na mina kwala, n'wini wanga a nga ha tikarhateli nchumu xa laha mutini wa yena; swilo swa yena hinkwaswo ú swi vekile emavokweni ya mina.

Genesa 19:14

Hiloko Lota a huma a ya byela majaha lawa a ma lava ku teka vana va yena, a ku: “Pfukani mi huma emutini lowu, hikuva HOSI Xikwembu xi le kusuhi ni ku wu herisa.” Kambe vakon'wana lava va yena, a va vona wonge ú le ku va vungunyeni.

Matewu 24:43

“Swi tiveni ke: Loko onge n'wini wa yindlu ú tivile nkarhi lowu khamba ri nga ta ta ha wona, ingi a hitekile, a nga tshikanga yindlu ya yena yi tshoviwa.

Genesa 21:26

Kutani Abimeleke a hlamula a ku: “A ndzi tivi leswaku i vamani va endleke mhaka leyi; hambi u ri wena a wu nga si tshama u ndzi byela mhaka leyi; mina ndzi yi twa ro sungula sweswi u ndzi hlamuselaka yona namuntlha.”

Eksoda 20:23

Mi nga tshuki mi tiendlela swikwembu swin'wana, hikuva ndzi kona mina; mi nga tshuki mi tiendlela swikwembu hi silivhere ni nsuku.

Eksoda 32:23

Hi vona va nga te eka mina: ‘Hi endlele xikwembu lexi xi nga ta hi rhangela emahlweni, hikuva a hi tivi leswaku Muxe wa kona loyi a hi suseke etikweni ra Egipta, ú helele kwihi.’

Tinhlayo 14:22

Hambileswi vanhu lava hinkwavo va voneke ku vonakala loku ka mina ni mahlori lawa ndzi ma endleke etikweni ra Egipta ni kwala mananga, va ha ya emahlweni va ndzi ringa, va nga yingisi leswi ndzi swi vulaka;

Ezekiele 20:8

Khombo hileswaku va tiarisile, va ala ku ndzi yingisa; a va hambananga ni swilo swa manyala leswi a va swi tshemba; hinkwavo va arile ku tshika swikwembu swa hava swa Vaegipta. “Ndzi ehleketile ku chululela vukari bya mina ehenhla ka vona, ndzi va ba ndzi hlundzukile loko va ha ri etikweni ra Egipta.

Eksoda 24:12

Kutani HOSI Xikwembu xi ku ka Muxe: “Tlhandlukela haleno ka mina entshaveni, u fika u ndzi yimela; kutani ndzi ta ku nyika maribye ya swiphepherhele, lawa ndzi tsaleke nawu ni swileriso eka wona, eku letela Vaisraele ha swona.”

Eksoda 32:22

Aroni a hlamula a ku: “We n'wini wanga, u nga tshuki u kariha ku tlula mpimo; wa va tiva vanhu lava leswaku va bihile ngopfu.

Duteronoma 9:1

“Yingisani, n'wina Vaisraele! Namuntlha mi ta pela nambu wa Yordani, mi ya tekela lava va mi tlulaka hi ku tala ni matimba etiko ra vona; mi ta teka ni miti leyikulu swinene, leyi makhumbi ya yona ma leheke, ma ya dliva tilo.

Duteronoma 31:8

HOSI Xikwembu hi xoxe, hi xona xi nga ta ku rhangela emahlweni, xi nga ka xi nga ku fularheli kumbe ku ku tshika; hikokwalaho, u nga tshuki u chava kumbe ku hela matimba.”

Pisalema 106:19

Vaisraele va tiendlele rhole le Horebe, kutani va nkhinsamela xifaniso lexi vumbiweke lexi;