Eksoda 30:35 - BIBELE Mahungu Lamanene

³⁵ Mi ta hlanganisa swinun'hweriso leswi, mi endla murhi wa risuna, hi mukhuva lowu muendli wa mirhi leyo nun'hwerisa a pfanganyisaka ha wona; murhi wa kona mi wu chela munyu, wu tenga, wu va lowu hlawulekeke.

Xitsonga (Bibele)

³⁵ u swi endla mirhi ya risuna hi mukhuva wa mupfanganisi wa leswo nun'hwela, swi lungiwa, swi va leswi sasekeke, leswi hlawuriweke.

Eksoda 30:35 Referans Kwoze

Levhitika 2:13

Magandzelo ya n'wina hinkwawo ya swa le masin'wini, ma cheleni munyu. Mi nga tshuki mi rivala ku wu chela, hikuva munyu wu fanisa ntwanano wa n'wina ni Xikwembu xa n'wina, hikokwalaho wu cheleni minkarhi hinkwayo.

Eksoda 30:25

Kutani mi ta pfanganyisa swilo leswi, hi mukhuva lowu muendli wa mirhi leyo nun'hwerisa a pfanganyisaka ha wona, mi endla mafurha layo hlawuleka yo tola; ma ta va mafurha yo tola lama hlawulekeke.

Yohane 12:3

Hiloko Mariya a teka xikhudza xa mafurha layo nun'hwela yo durha ngopfu lama endliweke hi murhi wa narda leyinene, a tota milenge ya Yesu, kutani a n'wi sula milenge hi misisi ya yena, yindlu hinkwayo yi tala hi ku nun'hwela ka mafurha ya kona.

Risimu ra Tinsimu 3:6

Xana i ncini lexi taka hi tlhelo ra mananga, xo fana ni papa ra musi, xi n'wan'waseriwile mafurha ya mirha ni mirhi ya risuna, ni swinun'hweriso hinkwaswo leswi xavisiwaka, xana?

Risimu ra Tinsimu 1:3

Mafurha ya wena yo tola ma nun'hwela. Vito ra wena rona ri fana ni mafurha ya risuna lama chuluriwaka. Hikokwalaho vanhwana va ku rhandza.

Swivuriso 27:9

Mafurha ni mirhi ya risuna, a hi ku tsakisa ka swona, swi tano ni switsundzuxo leswi humaka embilwini ya munghana wa wena.

Eksoda 30:34

Kutani HOSI Xikwembu xi ku ka Muxe: “Lava swinun'hweriso leswi: Murhi wa ‘sitakita’, ni wa ‘onika’, ni wa ‘galibanumi’, ni swinun'hweriso leswi cheriwaka eka murhi wa risuna lowo tenga, mirhi leyi hinkwayo yi va ya mpimo wun'we lowu ringanaka.

Eksoda 30:36

Xiphemu xin'wana xa wona, mi ta xi sila xi endla mapa, kutani mi teka mapanyana ya kona mi ma nyunyetela emahlweni ka Areka ya Ntwanano, endzeni ka Ntsonga lowo Hlawuleka, laha ndzi nga ta hlangana na n'wina kona. Murhi lowu wu ta va wu hlawulekile swinene eka n'wina.

Eksoda 28:41

U ta ambexa makwenu Aroni ni vana va yena eswiambalo leswi swa vuprista, u va chela mafurha enhlokweni, u va veka ni ku va hlawulekisa leswaku va ta va vaprista, va ndzi tirhela.

Levhitika 16:12

Kutani a teka ximbitana xo oka ndzilo, a xi tata hi makala ya le alitarini leyi nga emahlweni ka mina HOSI, a nusa ni mapa ya murhi lowunene wa risuna, a nghena na swona exivandleni lexo hlawuleka lexi pfariweke hi xisirhelelo,

1 TIHOSI 1:39

Loko va fikile kona, muprista Sadoki a teka rimhondzo ra mafurha eka Ntsonga lowo Hlawuleka, a ya chela Solomoni enhlokweni a n'wi veka hosi. Kutani ku biwa mhalamhala, hinkwavo lava a va ri kona va huwelela va ku: “Hanya hi masiku, we hosi Solomoni!”

1 TIKRONIKA 9:30

Van'wana exikarhi ka vaprista a va tirha ku hlanganisela swinun'hweriso sweswo.

Pisalema 133:2

Swi fana ni mafurha layo nun'hwela lama cheriweke enhlokweni ya Aroni, ma xiririka emalebvini ya yena, ma ya fika ni le nhan'wini.