Eksoda 30:34 - BIBELE Mahungu Lamanene

³⁴ Kutani HOSI Xikwembu xi ku ka Muxe: “Lava swinun'hweriso leswi: Murhi wa ‘sitakita’, ni wa ‘onika’, ni wa ‘galibanumi’, ni swinun'hweriso leswi cheriwaka eka murhi wa risuna lowo tenga, mirhi leyi hinkwayo yi va ya mpimo wun'we lowu ringanaka.

Xitsonga (Bibele)

³⁴ Yehovha a engeta, a ku eka Muxe: “U ta teka mirhi ya risuna, sitakita, ni galibanumi, ni leswi nun'hwelaka ngopfu, u ta ringanisa hinkwaswo hi mpimo wu ri wun'we;

Eksoda 30:34 Referans Kwoze

Eksoda 37:29

A endla ni mafurha yo tola lama hlawulekeke, ni mirhi yo nun'hwerisa leyo tenga leyi hisiwaka egandzelweni, hi mukhuva lowu muendli wa mirhi leyo nun'hwerisa a pfanganyisaka ha wona.

Levhitika 2:15

Ehenhla ka tindzhoho leti, mi ta chela mafurha, mi n'wan'wasela ni murhi wa risuna. Lawa hi wona magandzelo ya swa le masin'wini.

Eksoda 30:23

“Teka mirhi leyo saseka swinene yo nun'hwerisa ha yona: Mafi ya murhi wa ‘mirha’ ya 6 kg, ni murhi lowo nun'hwela wa ‘sinamoni’ wa 3 kg, ni mafi ya tinhlanga ya 3 kg,

Eksoda 25:6

ni mafurha yo voninga, ni mirhi yo nun'hwerisa mafurha yo tola, ni swinun'hweriso swa mirhi leyi hisiwaka egandzelweni;

Matewu 2:11

Kutani va nghena ndlwini, va kuma xihlangi ni mana wa xona Mariya; kwalaho va nkhinsama, va xi gandzela; kutani va ntshunxa mindzhwalo ya vona, va xi humesela tinyiko ta nsuku, ni mirhi ya risuna, ni mafurha ya mirha.

Risimu ra Tinsimu 3:6

Xana i ncini lexi taka hi tlhelo ra mananga, xo fana ni papa ra musi, xi n'wan'waseriwile mafurha ya mirha ni mirhi ya risuna, ni swinun'hweriso hinkwaswo leswi xavisiwaka, xana?

Nehemiya 13:5

kutani a rhurhela Tobiya endlwini leyikulu leyi khale a va veka eka yona mapa ya magandzelo, ni mirhi ya risuna, ni swibya, ni vukhume bya mavele, ni bya vhinyo, ni bya mafurha. Swilo leswi hi ku ya hi nawu a swi nyikiwa Valevhi ni vayimbeleri, ni varindzi va le tinyangweni, kasi swin'wana a swi nyikiwa vaprista.

Levhitika 24:7

Erixaxeni rin'wana ni rin'wana, u ta veka murhi lowu tengeke wa risuna wo suma swinkwa, lowu wu nga ta humeseriwa mina HOSI.

Levhitika 5:11

“Loko munhu loyi a pfumala matuva mambirhi kumbe mavondlo mambirhi ya matuva yo susa ha wona xidyoho lexi a xi endleke, a nga humesa xintewana xin'we xa mapa lamanene yi va mhamba yo susa swidyoho leswi a swi endleke; mapa lawa, ma nga tshuki ma cheriwa mafurha kumbe murhi wa risuna, hikuva i mhamba yo susa swidyoho.

Levhitika 2:1

“Loko munhu a humesela HOSI Xikwembu magandzelo ya swa le masin'wini, ú fanele ku humesa mapa lamanene, a ma chela mafurha, a ma n'wan'wasela ni murhi wa risuna.

Eksoda 30:33

Un'wana ni un'wana loyi a nga ta endla mafurha yo fana ni lawa, kumbe loyi a nga ta teka man'wana ya wona a tota munhu wa le handle, ú ta hlongoriwa, a suka erixakeni ra ka vona.’ ”

Eksoda 30:35

Mi ta hlanganisa swinun'hweriso leswi, mi endla murhi wa risuna, hi mukhuva lowu muendli wa mirhi leyo nun'hwerisa a pfanganyisaka ha wona; murhi wa kona mi wu chela munyu, wu tenga, wu va lowu hlawulekeke.

Eksoda 31:11

ni mafurha yo tola, ni swinun'hweriso swa le xivandleni lexo hlawuleka. Va ta endla swilo leswi hinkwaswo hilaha ndzi ku leriseke hakona.”

Eksoda 35:15

alitari ya mirhi ya risuna ni timhandze ta yona, ni mafurha yo tola, ni mirhi ya risuna leyi hisiwaka egandzelweni, ni xisirhelelo xo pfala nyangwa ya Ntsonga;

Levhitika 16:12

Kutani a teka ximbitana xo oka ndzilo, a xi tata hi makala ya le alitarini leyi nga emahlweni ka mina HOSI, a nusa ni mapa ya murhi lowunene wa risuna, a nghena na swona exivandleni lexo hlawuleka lexi pfariweke hi xisirhelelo,

Tinhlayo 4:16

“Eliyazara n'wana muprista Aroni ú ta vona swa mafurha yo voninga, ni mirhi yo nun'hwerisa leyi hisiwaka egandzelweni, ni swa magandzelo ya xinakulobye lama tshamaka ma ri karhi ma humesiwa, ni swa mafurha yo tola, a tlhela a va mulanguteri wa Ntsonga hinkwawo ni leswi nga endzeni ka wona, a vona ni swa xivandla lexo hlawuleka ni swingolongondzwana swa xona.”

Esaya 43:23

Tinyimpfu ta magandzelo lama hisiwaka, a mi tanga na tona, hambi ma ri magandzelo ya xinakulobye, a mi ndzi humeselanga wona. Mina a ndzi mi tikiselanga hi ku kombela magandzelo, naswona a ndzi mi karhatanga hi ku lava ku hiseriwa mirhi ya risuna.

Eksoda 30:7

Kutani Aroni ú ta hisa swinun'hweriso ehenhla ka yona mpundzu wun'wana ni wun'wana; ú ta swi hisa enkarhini lowu a lunghisaka timboni ha wona.

Tinhlayo 7:14

ni xinkambana xa nsuku xo tika 120 g, xi tele hi mirhi ya risuna;