Eksoda 30:31 - BIBELE Mahungu Lamanene

³¹ Kutani mi ta byela Vaisraele leswaku mina HOSI ndzi ri: ‘Lawa ma ta va mafurha yo tola lama hlawulekeke, lawa mi nga ta ndzi tirhela ha wona, n'wina ni vatukulu va n'wina hilaha ku nga heriki.

Xitsonga (Bibele)

³¹ kutani u ta byela vana va Israele, u ku: ‘Hi wona mafurha ya ku tola loku hlawuriweke, ma ta va ya mina etinxakeni hinkwato ta n'wina.

Eksoda 30:31 Referans Kwoze

Pisalema 89:20

Ndzi tihlawulele Davhida leswaku a va nandza wa mina, ndzi n'wi cherile mafurha ya mina layo hlawuleka enhlokweni.

Levhitika 21:10

“Muprista Lonkulu, hi yena ntsena loyi a cheriweke mafurha enhlokweni exikarhi ka vaprista, naswona ú ambarile swiambalo swa vuprista leswo hlawuleka; hikokwalaho a nga tshuki a tshika misisi ya yena yi hangalaka kumbe a handzula swiambalo swa yena loko ku ri ni nkosi.

Levhitika 8:12

Kutani a teka mafurha man'wana, a chela enhlokweni ya Aroni, a n'wi tota a n'wi hlawulekisa.

Eksoda 37:29

A endla ni mafurha yo tola lama hlawulekeke, ni mirhi yo nun'hwerisa leyo tenga leyi hisiwaka egandzelweni, hi mukhuva lowu muendli wa mirhi leyo nun'hwerisa a pfanganyisaka ha wona.

Eksoda 29:21

U ta teka ngati yin'wana eka leyi nga alitarini, u teka ni mafurha layo tola, u xuva Aroni ni vana va yena ni swiambalo swa vona swa vuprista; kutani Aroni ni vana va yena va ta va va hlawulekile, ni swiambalo swa vona swa vuprista swi ta va swi hlawulekile.

Eksoda 30:30

Aroni ni vana va yena, na vona mi ta va chela mafurha lawa, mi va hlawulekisa leswaku va va vaprista, va ndzi tirhela.

Eksoda 30:32

Munhu ntsena, a nga tshuki a totiwa mafurha lawa, naswona mi nga tshuki mi endla mafurha man'wana, hi ku chela mimpimo leyi fanaka ni leyi tirhisiweke ku endla mafurha lawa; wona ma hlawulekile, kutani mi fanele ku ma tirhisa hi ndlela yo hlawuleka.