Eksoda 30:24 - BIBELE Mahungu Lamanene

²⁴ ni murhi wa ‘kasiya’ wa 6 kg, hi ku ya hi ntiko wo pima ha wona lowu hlayisiwaka exivandleni lexo hlawuleka, ni tinghotsa timbirhi ta mafurha ya murhi wa mutlhwari.

Xitsonga (Bibele)

²⁴ ni tixikele ta ntlhanu wa madzana ya kasiya, hi mpimo wa xikele ya vukwetsimelo, ni mpimo wa hini wa mafurha ya mitlhwari.

Eksoda 30:24 Referans Kwoze

Pisalema 45:8

Swiambalo swa wena hinkwaswo swi n'wan'waseriwile mirhi ya risuna ya mirha ni mhangana. Etindlwini leto saseka ta le ntsindza, ku twala mpfumawulo wa swichaya-chayani leswi swi ku tsakisaka.

Eksoda 29:40

Lexo sungula, mi ta xi humesa ni xintewana xin'we xa mapa lamanene ya koroni lama pfanganyisiweke ni xikhudza xin'we xa mafurha layo tenga ya mutlhwari, mi chela ni jomela rin'we ra vhinyo ya magandzelo.

Ezekiele 45:12

Loko wu ri mpimo wa ntiko ni hakelo lowu vuriwaka ‘xikele’, wu ta endliwa hi mimpimonyana ya 20 leyi vuriwaka ‘gera’, kutani ‘tixikele’ ta 60 tona ti endla mpimo lowukulu lowu va nge i ‘mina’.

Tinhlayo 15:5

Loko a tlhava xinyimpfana, a humesa gandzelo leri hisiwaka kumbe leri dyiwaka, ú ta chela ni jomela rin'we ra vhinyo ya magandzelo.

Tinhlayo 3:47

u ta lava silivhere ya 60 g hi munhu, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka.

Levhitika 19:36

Mi fanele ku va ni swilo swo pima ha swona leswi heleleke, hambi swi ri swibya swo pima mapa kumbe mafurha, swi fanele ku va leswi heleleke. Hi mina HOSI, Xikwembu xa n'wina lexi xi mi humeseke etikweni ra Egipta.

Eksoda 30:23

“Teka mirhi leyo saseka swinene yo nun'hwerisa ha yona: Mafi ya murhi wa ‘mirha’ ya 6 kg, ni murhi lowo nun'hwela wa ‘sinamoni’ wa 3 kg, ni mafi ya tinhlanga ya 3 kg,

Eksoda 30:25

Kutani mi ta pfanganyisa swilo leswi, hi mukhuva lowu muendli wa mirhi leyo nun'hwerisa a pfanganyisaka ha wona, mi endla mafurha layo hlawuleka yo tola; ma ta va mafurha yo tola lama hlawulekeke.