Eksoda 30:23 - BIBELE Mahungu Lamanene

²³ “Teka mirhi leyo saseka swinene yo nun'hwerisa ha yona: Mafi ya murhi wa ‘mirha’ ya 6 kg, ni murhi lowo nun'hwela wa ‘sinamoni’ wa 3 kg, ni mafi ya tinhlanga ya 3 kg,

Xitsonga (Bibele)

²³ “U ta teka mirhi ya risuna leyo saseka, yi ri mirha yo saseka, ku tika kantlhanu wa madzana ya tixikele, ni sinamoni, u ta teka hafu, hileswaku tixikele ta 250, ni rihlanga leri nun'hwelaka, tixikele ta 250;

Eksoda 30:23 Referans Kwoze

Ezekiele 27:19

Va le Dani ni va le Yavhani a va endla mabindzu na wena hi swilo swo huma emutini wa Uzala, va ku hakela hi swilo swa nsimbhi ni murhi wa ‘kasiya’ ni tinhlanga ta ‘khalamusi’.

Risimu ra Tinsimu 4:14

na safroni, na khalamusi, na kinamoni, ni mirhi hinkwayo ya risuna, ni mirha, ni mhangana, ni swinun'hweriso hinkwaswo swa nkoka.

Ezekiele 27:22

Van'wamabindzu va le Xeba ni va le Rhama a va xaviselana swilo na wena, va xava tinhundzu eka wena hi mirhi ya tinxaka-xaka yo nandzihisa swakudya, ni maribye ya nkoka ya mihlovo-hlovo, ni nsuku.

Yeremiya 6:20

A swi va pfuni nchumu ku ndzi humesela mirhi ya risuna ya le Xeba, kumbe swinun'hweriso swo huma ematikweni ya le kule. A ndzi amukeli swifuwo leswi va ndzi hiselaka swona, magandzelo ya vona a ndzi na mhaka na wona.

Risimu ra Tinsimu 1:13

Murhandziwa wa mina yena, ú fana ni xinkwamana xa mirhi ya risuna lexi vekiweke exikarhi ka mavele ya mina.

Risimu ra Tinsimu 1:3

Mafurha ya wena yo tola ma nun'hwela. Vito ra wena rona ri fana ni mafurha ya risuna lama chuluriwaka. Hikokwalaho vanhwana va ku rhandza.

Swivuriso 7:17

ndzi wu n'wan'waserile mirhi yo nun'hwela ya tinxaka-xaka.

Pisalema 45:8

Swiambalo swa wena hinkwaswo swi n'wan'waseriwile mirhi ya risuna ya mirha ni mhangana. Etindlwini leto saseka ta le ntsindza, ku twala mpfumawulo wa swichaya-chayani leswi swi ku tsakisaka.

Eksoda 37:29

A endla ni mafurha yo tola lama hlawulekeke, ni mirhi yo nun'hwerisa leyo tenga leyi hisiwaka egandzelweni, hi mukhuva lowu muendli wa mirhi leyo nun'hwerisa a pfanganyisaka ha wona.

Eksoda 25:6

ni mafurha yo voninga, ni mirhi yo nun'hwerisa mafurha yo tola, ni swinun'hweriso swa mirhi leyi hisiwaka egandzelweni;

Eksoda 30:22

Kutani HOSI Xikwembu xi tlhela xi ku ka Muxe:

Eksoda 30:24

ni murhi wa ‘kasiya’ wa 6 kg, hi ku ya hi ntiko wo pima ha wona lowu hlayisiwaka exivandleni lexo hlawuleka, ni tinghotsa timbirhi ta mafurha ya murhi wa mutlhwari.

Eksoda 31:11

ni mafurha yo tola, ni swinun'hweriso swa le xivandleni lexo hlawuleka. Va ta endla swilo leswi hinkwaswo hilaha ndzi ku leriseke hakona.”

Eksoda 35:28

a va tisa ni mirhi yo nun'hwerisa, ni mafurha yo voninga, ni swo nun'hwerisa mafurha yo tola, ni swinun'hweriso swa mirhi ya risuna leyi hisiwaka egandzelweni.

1 SAMIELE 10:1

Kavaloko Samiele a teka rimhondzo ra mafurha, a ma chela enhlokweni ya Sawulo, kutani a n'wi ntswontswa a ku: “Hi mafurha lawa, hakunene HOSI Xikwembu xi ku veka ku va mufambisi wa tiko ra xona.

1 TIHOSI 1:39

Loko va fikile kona, muprista Sadoki a teka rimhondzo ra mafurha eka Ntsonga lowo Hlawuleka, a ya chela Solomoni enhlokweni a n'wi veka hosi. Kutani ku biwa mhalamhala, hinkwavo lava a va ri kona va huwelela va ku: “Hanya hi masiku, we hosi Solomoni!”

1 TIKRONIKA 9:30

Van'wana exikarhi ka vaprista a va tirha ku hlanganisela swinun'hweriso sweswo.

Esaya 43:24

Hambi swi ri swinun'hweriso, a mi humesanga mali mi ndzi xavela, naswona a mi si tshama mi ndzi tsakisa hi mafurha ya swifuwo swa magandzelo ya n'wina. Ematshan'wini ya sweswo, mi ndzi tikiserile hi swidyoho swa n'wina, milandzu ya n'wina yi ndzi karhate ngopfu.

Tinhlayo 4:16

“Eliyazara n'wana muprista Aroni ú ta vona swa mafurha yo voninga, ni mirhi yo nun'hwerisa leyi hisiwaka egandzelweni, ni swa magandzelo ya xinakulobye lama tshamaka ma ri karhi ma humesiwa, ni swa mafurha yo tola, a tlhela a va mulanguteri wa Ntsonga hinkwawo ni leswi nga endzeni ka wona, a vona ni swa xivandla lexo hlawuleka ni swingolongondzwana swa xona.”

1 TIKRONIKA 9:29

Van'wana a va rhwexiwile ntirho wa ku hlayisa swingolongondzwana leswo hlawuleka hinkwaswo, va hlayisa ni swa magandzelo ku nga vhinyo, ni mafurha, ni mirhi ya risuna, ni swinun'hweriso.