Eksoda 30:17 - BIBELE Mahungu Lamanene

¹⁷ Kutani HOSI Xikwembu xi ku ka Muxe:

Xitsonga (Bibele)

¹⁷ Kutani Yehovha a vulavula na Muxe, a ku:

Eksoda 30:17 Referans Kwoze

Eksoda 30:16

Mi ta amukela nhlengo wa kona eka Vaisraele, kutani mi wu tirhisa ku fambisa mintirho ya Ntsonga lowo Hlawuleka; nhlengo lowu wa ku kutsula vutomi bya n'wina, wu ta endla leswaku mina HOSI ndzi tsundzuka Vaisraele.”

Eksoda 30:18

“U ta vumba sambelo hi koporo, ni xikhatelo xa rona, u swi vumba hi koporo. U ta veka xibya lexi exikarhi ka Ntsonga lowo Hlawuleka ni alitari, u chela mati eka xona.

2 TIKRONIKA 4:6

Solomoni a vumba ni masambelo ya khume. Kutani a teka ntlhanu a ma veka hi tlhelo ra le dzongeni, laman'wana ya ntlhanu a ma veka hi tlhelo ra le n'walungwini. Nyama ya swifuwo swa magandzelo a yi hlantsweriwa kona. Kasi vaprista vona a va hlamba hi mati ya nhlambeto leyikulu.

Eksoda 38:1

Kutani a endla alitari hi mapulangi ya murhi wa munga; ehenhla ni le hansi ka yona a ku ringanana, 2,50 m ku leha ni 2,50 m ku anama; ku ya ehenhla a yi ri 1,50 m.

Eksoda 38:8

Kutani a vumba sambelo ni xikhatelo xa rona hi koporo ya swivoni swa vavasati lava a va tirha enyangweni ya Ntsonga lowo Hlawuleka.

1 TIHOSI 7:23

Kutani Hiramu a n'okisa koporo, a vumba ha yona nhlambeto leyikulu ya xirhendzevutana, leyi a va ku i “Lwandle”. Mpandzo wa yona a wu ri 5 m; ku ya ehenhla a yi ri 2,50 m; ni xirhendzevutana xa yona a xi ringana mpimo wa ngoti ya 15 m.

1 TIHOSI 7:38

Hiramu a vumba ni swihlambelo swa koporo swa khume. Xihlambelo xin'wana ni xin'wana a xi ri ni mpandzo wa 2 m, xi tatiwa hi mati yo ringana kwalomu ka tinkho timbirhi. Xigolonyana xin'wana ni xin'wana a xi ri ni xihlambelo xa xona.