Eksoda 30:15 - BIBELE Mahungu Lamanene

¹⁵ Mufumi a nga ka a nga humesi ku tlula silivhere ya 6 g, ni xisiwana a xi nga humesi ehansi ka silivhere yo ringana na yoleyo, loko mi ri karhi mi humesa nhlengo wa mina wo kutsula vutomi bya n'wina ha wona.

Xitsonga (Bibele)

¹⁵ Mufumi a nga tshuki a engeta, ni xisiwana xi nga tshuki xi hunguta eka hafu ya xikele, loko va humesa nhlengo wa Yehovha, ku endla mhamba ya ku kutsula vutomi bya n'wina.

Eksoda 30:15 Referans Kwoze

Tinhlayo 31:50

Hina hi ta hi ta humesela HOSI Xikwembu nhlengo hi swilo swa nsuku leswi un'wana ni un'wana wa hina a nga pambula swona, swi nga leswi: Masindza ya le mavokweni, ni swingwavila swa le tintihweni ni swa le tindleveni, ni vuhlalu; swilo leswi hinkwaswo hi ta hi ta swi humesela HOSI Xikwembu, wu va nhlengo wo kutsula vutomi bya hina.”

Vaefesa 6:9

Na n'wina vini, endlisani sweswo eka mahlonga ya n'wina: Tshikani ku va holovela-holovela, mi ri karhi mi tiva leswaku n'wina ni mahlonga ya n'wina mi ni n'wini un'we ematilweni, ni leswaku a nga yi hi nghohe.

Ntirho 34:19

A xi yimeleli lavakulu kumbe ku amukela vafumi xi ri karhi xi tshika vapfumari, hikuva hinkwavo i swivumbiwa swa xona.

Levhitika 17:11

Mhaka hileswaku vutomi bya xivumbiwa byi le ngatini ya xona. Kutani HOSI Xikwembu xi mi nyikile yona leswaku mi yi chela alitarini, mi tibasisa ha yona, hikuva ngati yi ni matimba yo basisa swidyoho hikwalaho ka vutomi lebyi byi nga ka yona.

Eksoda 30:12

“Loko ku hlayiwa ntsengo wa Vaisraele lava taka eku tsariseni, un'wana ni un'wana wa vona ú ta humesa nhlengo wa ku kutsula vutomi bya yena, a humesela mina HOSI Xikwembu, siku vanhu va hlayiwaka, leswaku va nga tshuki va wela hi ntungu, loko va ri karhi va hlayiwa.

Vakolosa 3:25

Loko a ri muendli wa leswo homboloka, ú ta tlheriseriwa leswo homboloka leswi a swi endleke; Xikwembu a xi yi hi nghohe.

Swivuriso 22:2

Swifumi ni swisiwana swi hlangana eka xilo xin'we: Hinkwavo va endliwile hi HOSI Xikwembu.

2 SAMIELE 21:3

Kutani Davhida a vutisa va le Gibiyoni, a ku: “Xana ndzi nga mi endlela yini xana? Xana ndzi nga mi rihela ha yini, leswaku mi hi navelela minkateko, hina hi nga ndzhaka ya HOSI Xikwembu, xana?”

Eksoda 30:14

wu humesiwa hi munhu un'wana ni un'wana wa malembe ya 20 ni ku ya ehenhla la taka eku hlayiweni.

Eksoda 30:16

Mi ta amukela nhlengo wa kona eka Vaisraele, kutani mi wu tirhisa ku fambisa mintirho ya Ntsonga lowo Hlawuleka; nhlengo lowu wa ku kutsula vutomi bya n'wina, wu ta endla leswaku mina HOSI ndzi tsundzuka Vaisraele.”

Eksoda 38:26

Silivhere leyi, yi humesiwile hi vavanuna va 603 550 va malembe ya 20 ni ku ya ehenhla lava teke eku hlayiweni, un'wana ni un'wana a humesa silivhere yo ringana 6 g.

Ezekiele 45:16

“Hinkwavo lava akeke etikweni ra Israele va ta veka mihlengo ya vona emavokweni ya mufumi wa tiko.